याकूब 2:14 - Sirmouri

¹⁴ हे मेरे भाऐ बंईणों, जे कुँऐं आदमी बुलो, के हाँव बिश्वाषी असो, अरह् तेस्का सभाव तेसी बिश्वाषी जेष्णाँ ने हों? तअ कियो तेस्का बिश्वाष तेस्खे मुँक्त्ति देऐ देंदा?

सिरमौरी नौवाँ नियम

¹⁴ ओए रै मैरै भाईटु, जै कुणिए आदमी ऐजौ बौल़ौए कै हांव प्रभु यीशु पांदी बिशवाश कौरु, पौरौ सै ओकीआरी भले काम ना कौरौ, तौ इथलैई का फायदा? का ऐशणा बिशवाश कौलोंई तैसका बौचाव कौरे सौकौ? ना बिल्कुल नी।

याकूब 2:14 ပူးပေါင်းရင်းမြစ်များ

मत्ती 5:20

किन्देखे के हाँव तुँओं खे बुलू, के जे तुँवारी धार्मिक्त्ता ऋषी-मूसा खे भेटे गुऐ, अज्ञाँ-निय्म के शिखाँणों वाल़े अरह् यहूदी भाट-बाँम्णों के धार्मिक्त्ता शी बड़ियों ने हों, तअ तुँऐं स्वर्गो के राज्य दे कंद्दी भे दाखिल ने हऐ सक्दे।

लूका 3:11

तबे संत्त-यूहन्ना ऐ तिनखे जबाब दिता, “जेस कैई दो झगे असो, से तैस्खे दियों, जेस कैई झगा ही ने आथी, अरह् जेस कैई खाणा असो से भे ऐष्णों ही करह्।”

लूका 6:49

परह् जुण्जा मेरी बातो शुणों ऐं, अरह् तिन्दा चाल्दा ने आथी, से तैसी आदमी जैष्णाँ असो, जेने आप्णो घोर बिना पौ-नीव बाँणी काची माटी गाशी बाँणों, जैई दाँणिक छीड़के लागे अरह् बागूर फिरी तैई तैसी घर का किऐ पता ही ने लागी के सैजो घर कैथे थियो, थियो के कैथी थी ने तिन्दें का किऐ नाँम निशाँण ने रंई।”

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

प्रेरितो कै काम 8:13

आपु तेने शमौन ऐं भे बिश्वाष करा, अरह् नहाँण-नहाँऐयों से भे आपु फ़िलिप्पुस की गईलो हमेंशा रंह्दा लागा; तबे शमौन के आपु भे तिनू च़ींह्न-च़ंम्त्तकार देखियों तेस्के बैजाऐ तूरंबाँणच़ूटी रूऐ थिऐ।

प्रेरितो कै काम 8:21

ईयों बातो दा ना तअ तेरा किऐ हिस्सा-भाग आथी, अरह् ना तेरा किऐ हंक-अधिकार आथी; किन्देंखे के तेरा मंन पंण्मिश्वर खे साच्चा-नीछल़ा कप्ट के बीना ने आथी।

रोमियों 2:25

जे तू ऋषी-मूसा खे भेटे गुऐं निय्म दा चाले, तअ खतने शा का फाय्दा असो, परह् जे तू निय्म ने मान्दा तअ तेरा खतना हऐयों भे तू बिना खतने का जिया असो।

1 कुरिन्थियों 15:2

तियों ही खुषख्बरी के जाँणें तुवाँरे मुँक्त्ति भे हों; अरह् जे तुँऐं तियों ही खुषख्बरी दे अट्ल़ हों, जुण्जी मुँऐ तुँओं कैई शी शुणाऐ थऐ, तअ तुवाँरा बिश्वाष बै-कार ने ज़ाँदी।

1 कुरिन्थियों 16:22

जे कुँऐं प्रभू शो पियार ने करह्, तअ से निर्भाग असो। हे अमाँरे प्रभू आव!

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 11:17

जबे पंण्मिश्वर ऐ बाबा-अब्राहम के परख-अजमाँऐष करी, तअ तेसी बिश्वाष के कारण ही बाबा-अब्राहम ऐ आप्णा ऐकलोत्ते बैटा इसहाक भे बल़ीदाँण कर्णो खे तैयार हुवा; जबे के तेस्की गंईलो ऐजा बाय्दा करा गुवा थिया,

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

याकूब 1:16

हे मेरे प्यारें भाऐ बंईणों, धोखे दे रूऐ।

याकूब 2:16

अरह् तुँओं मुँझ्शो कुँऐं तिनखे ऐशो बुल़्ले, के “खुशी शे ज़ाव अरह् नियाँत्ते रंह्, अरह् रज्जै-पुज्जै रंह्” परह् जुण्जी चींजो देह्-शरीर खे जरूरी असो, सेजी चींजो ने तुँऐं तिनखे ने दियों, तअ तबे तेष्णों बुल्णों लई तिन्देका का फाय्दा असो?

याकूब 2:18

परह् जे कुँऐं बुल़्ले के “ताँव बिश्वाष असो, अरह् हाँव करंम करू” ऐबे तुँऐं बिना करंम के आप्णा बिश्वाष दे:खाव, अरह् हाँव आप्णा बिश्वाष आप्णे करंम के जाँणें ताँव कैई शा दे:खाऊँबा।

याकूब 2:26

अरह्: जैष्णी देह्-शरीर आत्त्मा के बिना मरी अंदे असो, तेष्णा ही बिश्वाष भे कर्मों के बिना मंरा अंदा असो।

2 पतरस 1:5

ईन्दी के जाँणें तुँऐं साँत्त-भाँती कोशिष करियों आप्णे बिश्वाष गाशी आछा-पंण अरह् सद-गुण गाशी सम्झ,