याकूब 2:12 - Sirmouri

¹² ईन्देंखे तुवाँरे करंम अरह् तुँवारी कर्णी जे तिनू जेष्णी हों, जिनका नियाँव अजादी की अज्ञाँ-निय्म के मुताबिक करा ज़ाँव।

सिरमौरी नौवाँ नियम

¹² तुऐं तिनु लोगौ साए बौल़ौ औरौ बर्ताव बै कौरौ, जिनका न्याय कानून कै हिसाब शै हौंदा जू आमु आज़ाद कौरौ।

याकूब 2:12 ပူးပေါင်းရင်းမြစ်များ

लूका 4:18

“प्रभू के आत्त्मा मुँह गाशी असो; इंन्देखे के गरीब कंगाल खे खुषख्बरी का बखाँण कर्णो के ताँईऐं प्रभू ऐ मुँह छाँटी थुवा; अरह् मुँह ईन्देंखे डियाल़ी थुवा, के कय्दी खे मुँक्त्ति, अरह् शैड़े खे नंजर देणों का बखाँण करू, अरह् दबाऐं अंदें छुड़ाऊँ।

यूहन्ना 8:32

तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

गलातियौं 6:2

तुँऐं ओका ओकी का बोझ थागो, अरह् ऐशो दाँई मसीया का निय्म पुरा करह्।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

याकूब 2:8

जे तुँऐं पबित्र-ग्रन्थों के मुँताबिक प्रभू यीशू के बचन के हिसाब शा ठीक पाल़ण करह्, जेष्णो के लिखों अंदो असो, के “तुँऐं आप्णे पड़ोसी शो आप्णें जेष्णों पियार करह्” जे तुँऐं सती तेसी निय्म पुरा करह्, तअ तुँऐं आछो करह्।