याकूब 1:27 - Sirmouri

²⁷ परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

सिरमौरी नौवाँ नियम

²⁷ अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।

याकूब 1:27 ပူးပေါင်းရင်းမြစ်များ

मत्ती 12:32

“जुण्जा कुँऐं आदमी के बैटे के बिरूध दे किऐ बात बुलो, तेस्का ऐजा कसूर माँफ करा ज़ाला, परह् जुण्जा कुँऐं पबित्र-आत्त्मा के बिरूध दो किऐ बुल़्ला, तेस्का सेजा कसूर ऐसी ज़ूगौ दा अरह् परलोकं दा भे माँफ ने करा ज़ाँदा।”

मत्ती 5:8

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

लूका 1:6

से दुईनें पंणमिश्वर के साम्णें धरमाँईत्त थिऐ, अरह् प्रभू के बादी अज्ञाँ-निय्म, माँनों थिऐ, से बेकसूर चाल चाल़्णों वाल़े थिऐ।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

रोमियों 2:13

(किन्देंखे के पंणमिश्वर के नंजर दे ऋषी-मूसा खे निय्म शुणाँणों वाल़े ने, परह् ऋषी-मूसा खे भेटे गुऐं निय्मो दे चाल्णों वाल़े बै-कसूर बंण्दें।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 3:11

परह् ऐजी बात जरूर पर्गट असो, के मूसा खे भेटे गुऐ अज्ञा-निय्म के जाँणें, पंण्मिश्वर कैई कुँऐं धर्मी ने बंणी सक्दा, किन्देंखे के धर्मी आदमी बिश्वाषो लई ही जीऊँदा रंह्दा।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 तीमुथियुस 5:4

परह् जे कोसी बिध्वा के नहाँन्ड़िया, के नात्ती-पोत्ती हों, तअ से आगे आप्णे ही कुड़बै आरी भगत्ति का बरताव करह्; अरह् आप्णें माँ-बाबा खे तिनका हंक देणाँ तिनू नहाँन्ड़िया कैई शा शिखाँव; किन्देंखे के सेजो पंण्मिश्वर के भे भाँव ऐ;

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

याकूब 3:9

दे:खो, ईयों ही जीभों लई, आँमें प्रभू अरह् परंम-पिता पंणमिश्वर के स्तुति करह्; अरह् ईयों ही जीभो लई आँमें आदमी खे जिन की रंचणाँ पंणमिश्वरे आप्णें सरूप दी करी थऐ, तिनखे आँमें ईयों ही जीभो के जाँणें श्राँप-फींटकारा दियों; अरह् आशिर्बाद-आशीष दुईनें ईन्दी लई दियों।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

2 पतरस 2:20

जुण्जा आदमी अमाँरे प्रभू मतल्व बंचाँणों वाल़े प्रभू यीशू मसीया पछयाँणियों, अरह् संईसारी के खोट् शे बंचियों निक्ल़ी ज़ाव, से हजो तिन्दे ही फशियों संईसारी के शैतान आरी ज़ाव, तअ तिनकी बुरी दशा तेसी आगली दशा शी भे जादा बुरी हों।

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।