याकूब 1:26 - Sirmouri

²⁶ जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

सिरमौरी नौवाँ नियम

²⁶ जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

याकूब 1:26 ပူးပေါင်းရင်းမြစ်များ

मत्ती 15:9

बेकार असो! ईनके जाँणें करी गऐ, मेरी अरार्धना ऐ, आदमी के जाँणें बंणाई अंदी, शिक्क्षा पंणमिश्वर की जेऐ अज्ञाँ दियों।’”

मरकुस 7:7

मेरी प्रार्थना ऐ बै-कार ही करह्, किन्देंखे के ईनकी शिक्क्षा सिर्फ आदमी के दिमाँक के ही अज्ञाँ असो।

लूका 8:18

ईन्देंखे च़ौक्क्ष रंह्, के तुँऐं कैष्णों शुण्णों? जिनू कैई आगे भे असो, तिन खे हजो भे भेंट्लो, अरह् जिन कैई किऐ ने आथी, तिन कैई शो सेजो भे आगू कर्दो जिन्देंखे से आप्णों जाँणों।”

1 कुरिन्थियों 15:15

परह् आँमें पंणमिश्वर के झुठे गुवाह्-शाज़्त बंणें; किन्देंखे के आँमें पंणमिश्वर के बारे दी ऐजी गुवाह्-शाज़्त दिती, के मसीया ऊबे जीयाल़े गुऐ, ना तअ जीयाल़ी ने थई, जे मरे अंदे ऊबे ही ने जीऊँदे।

1 कुरिन्थियों 15:2

तियों ही खुषख्बरी के जाँणें तुवाँरे मुँक्त्ति भे हों; अरह् जे तुँऐं तियों ही खुषख्बरी दे अट्ल़ हों, जुण्जी मुँऐ तुँओं कैई शी शुणाऐ थऐ, तअ तुवाँरा बिश्वाष बै-कार ने ज़ाँदी।

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

गलातियौं 2:6

परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

गलातियौं 2:9

अरह् जबे तिन्ऐ तियों कृपा दी जुण्जी मुँह भेंटी रंऐ थी, सेजी जाँणी पाँऐ; तअ याकूब, अरह् कैफा, अरह् यूहन्ना ऐ, जू कलीसिया के मुँख्या माँने ज़ाँव थिऐ, तिन्ऐं साथ देणों के रूप दी ऐजी सहम्ति जताऐयों, मुँह आरी, अरह् बरनबास आरी हाथ मिलाया, के तुँऐं गऐर यहूदी लोगो के बीचो दे ज़ाऐयों प्रचार कर्दें रूवे, अरह् आँमें मतल्व याकूब, कैफा, अरह् यूहन्ना ऐ यहूदी लोगो के बीचो दा प्रचार करणा माँना, अरह् आँमें सभिऐं आपु मुँझी ऊडी-पुडी संई बाँऐं छुईयों मानों।

गलातियौं 3:4

कियों तुँऐं ऐत्रा दु:ख बै-कार ही भूगा? परह् बिल्कुल् बै-कार ने भूगी।

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:4

अरह् ना बैशर्मी ना मुँरूख्ता की बात-चीत्त की, ना ठाठै के; किन्देंखे के ऐजी बादी बातो आछ़ी ने लागदी, बलकी तुँऐं लोग पंण्मिश्वर का धन्यबाद ही देईया करह्।

कुलुस्सियों 4:6

तुँवारी बात-चीत्त सदा मिट्ठी मंन भाऊँ हों, जू तुँऐं ऐजो जाँणी पाँव के कोसी आदमी खे केष्णा जबाब देणा पड़ो।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 1:22

परह् बचनों गाशी चाल्णों वाल़ें बंणों, सिर्फ शुण्णों वाल़े ही ने बणें जू आप्खे धोखा दियों।

याकूब 2:20

परह् ओ ज़ोगर आदमी, कियों तुँऐं ऐजो भे जाँण्दें ने, के करंम के बिना बिश्वाष बै-कार असो।

1 पतरस 3:10

किन्देंखे के “पबित्र-ग्रन्थों दो लिखी थो: सेजा जू जीवन शो तियार कर्णो अरह् भले देसो दे:खणें चाव, से आप्णी जीभ बुराई शी अरह् आप्णे ओठ छ्ल़ की बातो शे बंचाऐयों थुऐ।