याकूब 1:17 - Sirmouri

¹⁷ बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

सिरमौरी नौवाँ नियम

¹⁷ हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

याकूब 1:17 ပူးပေါင်းရင်းမြစ်များ

मत्ती 7:11

तअ: जबे तुँऐं बुरे हऐयों, आप्णें नहाँन्ड़िया खे आच्छ़ी चींजो देणी जाँणों, तअ तुवाँरा स्वर्गो का पिता आप्णें माँगणों वाल़े खे आछी चीजों कैई ने देंदे?

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

यूहन्ना 1:9

सेजी साच्ची ज्योत्ति-प्रकाष, ऐक नाँम आदमी प्रकाषित्त-माँन करी दियों; सेजी ही ज्योत्ति-प्रकाष संईसारी दी आँणों वाल़ी थी।

यूहन्ना 3:27

तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 5:31

तबे पंण्मिश्वर ऐ तिनू ही प्रभू अरह् मुँक्त्ति-दाता का पंद्-भार देऐयों, आप्णें सुँऐं ढबै बंईठाल़ी दित्ते; के से इस्राएलियों खे मंन बद्ल़्णों के शक्त्ति अरह् पापों की माँफी दियों।

रोमियों 6:23

किन्देंखे के पापो की मजदूरी तअ मंऊँत्त असो, परह् पंणमिश्वर का बर्दांण अमाँरे प्रभू यीशू मसीया दा अमर-जीवन असो।

1 कुरिन्थियों 4:7

किन्देंखे के तुँओं दा अरह् ओकी दा कुँण भेद्-भाव करह्? अरह् ताँव कैई का असो, जू ताँव (ओकी कैई शो) ने भेटी रंई? अरह् जबे ताँव (ओकी कैई शो) भेटी रूओ, तअ ऐष्णी तारीफ कैई करे जैष्णों के ताँव भेटिही ने रंई?

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

फिलिप्पियों 1:29

किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

1 तीमुथियुस 6:16

अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

इब्रानियों 13:8

प्रभू यीशू मसीया आगे भे अरह् ऐत्त्लो भे अरह् हजो भे ज़ूगौ-ज़ूगौ तोड़ी ऐक-भाँत्ते ही असो।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 यूहन्ना 1:5

जुष्जी खुषख्बरी आँमें तिन कैई शी शुणी थऐ, अरह् सेजी ही खुषख्बरी आँमें तुँओं कैई शी शुणाँव, से ऐजी असो, के पंण्मिश्वर प्रकाष असो, अरह् तिन्दो किऐ भे ईनाँरों ने आथी।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

प्रकाशितवाक्य 21:23

तेसी नंगर दी पीयाषे खे सुरूज अरह् चाँद टीक्की की भे किऐ जरूरत ने आथी; किन्देंखे के पंण्मिश्वर का त्तेज-प्रकाष तिन्दा पीयाषे खे चंमम्कों थिया; अरह् छ़ैल़्टे का त्तेज-प्रकाष तेसी नंगर दा दिवें जेष्णाँ चंमम्कों।

प्रकाशितवाक्य 22:5

तेथै हजो कोद्दी भे रात्त ने पड़्दी; अरह् तिनके दीवे अरह् सुर्जो के भे कोद्दी जरूरत्त ने पड़्दी, किन्देंखे के प्रभू पंण्मिश्वर आपु तिनखे आप्णाँ त्तेज-प्रकाष देंदे, अरह् से तेथै ज़ूगौ-ज़ूगौ तोड़ी राज कर्दे।