याकूब 1:10 - Sirmouri

¹⁰ परह् सैठ-सऊँकार आप्णी नींच दषा के तारीफ करह्, किन्देंखे के से घास के फूलो जेष्णें असो, जू ऊल़शाऐयों-झड़दे ज़ाँव।

सिरमौरी नौवाँ नियम

¹⁰ औरौ सैजै बिशवाशी जू सैठ औसौ तिनु खुश हौणौ चैंई कै पौरमेशवरे तिनु नम्र कौरे राए; जिथुकै सै औरौ तिनकी अमीरी घासो कै फूलो कै जैशणी मिटै जांदै।

याकूब 1:10 ပူးပေါင်းရင်းမြစ်များ

मत्ती 5:3

भागोईत असो! सेजे जू मंन के शरीफ़ असो, किन्देखे के स्वर्गो को राज्य तिनही को असो।

मत्ती 6:30

ईन्देंखे जबे पंणमिश्वर ज़ूब्ड़ी की घास जू ऐगड़ी खे असो, अरह् दोत्ती भाठ-अगयाव दी फूकी देंई दी, तबे भे तियों ऐष्णी शुभाल़ी बंणाँव, तअ ओ, बै-बिश्वाषियों तुँओं कैई शे से ईन्दें शे आछे शुभाल़े खोट्णों कैई ने बम्बाँ दे?

1 कुरिन्थियों 7:31

अरह् ईयों संईसारी के निय्म-रूवाज का बरताव कर्णो वाल़े तिऐ चैईं, जू ईयों संईसारी दे मंगन ने हों; किन्देंखे के ईयों संईसारी के निय्म-रूवाज अरह् बरताव बदल़्दे ज़ाँव।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

याकूब 4:14

जबे के सच्चाऐ तअ ऐजी असो, के तुँऐं तअ आप्णें बारे दो ऐजो भे जाँण्दे ने के दोत्ती तुवाँरे जीवन दो का हंदों। दे:खो, तुँऐं तअ तेसी भाप-कुँऐड़ी जेष्णें असो, जू ऐगड़ी खे दे:खियों अरह् तैई पाछू लुप्त्त हऐयों तिन्दें का किऐ पता ने लागदा के से केशे खे हुटी।

1 पतरस 1:24

किन्देंखे के पबित्र-ग्रन्थों दो बुलो गुओं: “ऐक नाँम पराँणी घास के जिऐ असो, अरह् तिन्दे की बादी शुभा-सजाव्ट घास के फूलो के जैऐ असो। घास शुक्की ज़ाँव, अरह् फूल झड़ी ज़ाँव,

1 यूहन्ना 2:17

संईसारी अरह् तिन्दे की हिछ़या दुईनें मिटी ज़ाँव, परह् जुण्जा पंण्मिश्वर की हिछ़या गाशी चालो, से सदा-सदा पंण्मिश्वर दा बंणा अंदा रंह्दा।