इब्रानियों 9:12 - Sirmouri

¹² खाड़ू, अरह् बाकरे के लह्ऊँ के कारण ने, परह् तिन्ऐं आप्णें लह्ऊँ के कारण ही ऐकी बंई पबित्र जागे दे हाजीर हंऐयों, हमेशा खे छ़ुट्कारा देयाया।

सिरमौरी नौवाँ नियम

¹² औरौ यीशु मसीह सौबी दै पवित्र ठाँव दा सिरफ ऐकै बैई औरौ हमैशा कारिए हौटा। सै आपणै साथै बाकरी कौ लोऊ लैयौ ना हौटै रैई थी। तैसका बलिदान तैसकौ आपणौ लोऊ औसौ, इथलैई तैणै आमु पापौ शै हमैशा कारिए आज़ाद कौरे दियै।

इब्रानियों 9:12 ပူးပေါင်းရင်းမြစ်များ

मरकुस 3:29

परह् जू कुँऐं पबित्र-आत्त्मा के बिरूध दी नीदया-चुगली करला, तेस्खे कद्दी भे माफ ने कर्दो: सेजा आदमी सदा के पाप का दुषी कसूरबार असो।”

लूका 1:68

“प्रभू इस्राएल का पंणमिश्वर खे धन्यबाद; किन्देंखे के तिन्ऐ आप्णे लोगो गाशी आप्णी दया-रंय्म के नंजर थऐ, अरह् तिन खे छुट्कारा दिता।

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

कुलुस्सियों 1:14

जिंन्दी आँमों खे छ़ुट्कारा मतल्व अमाँरे पापो के माँफी भेंटी।

1 थिस्सलुनीकियों 1:10

अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 10:19

ईन्देंखे हे भाऐ-बईणों, जबे आँमों खे प्रभू यीशू के लह्ऊँ, के कारण तिन्ऐ नुंऐ अरह् जीऊँबें बाटो शे पबित्र जागा दे हाजीर हंणों खे हिमम्त्त भेटी गंऐ।

इब्रानियों 10:4

किन्देंखे के ऐष्णों कद्दी ने हंदी, के खाड़ू अरह् बाकरे के लह्ऊँ लई तिनके पाप दुर करे ज़ाँव।

इब्रानियों 13:12

ईन्देंखे प्रभू यीशू ऐ भे लोग आपु आप्णे लह्ऊँ शे पबित्र कर्णो खे नंगर की जाँगी शा बाईडा दाँई दु:ख भोगा।

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

इब्रानियों 7:27

तिनखे ओकी याजक के जेऐ रोज, आगे तअ आप्णें पाप खे, अरह् तबे ओकी लोगों के पाप खे बंल़ी भेंट कर्णो के किऐ जरूरत्त ही ने आथी; किन्देंखे के तिन्ऐ ईन्देंकी ताँईऐ ऐकी ही बंई आपु आप्णीं कुँरबाँणीं की बंल़ी भेंट सदा खे करी दिती।

इब्रानियों 9:13

किन्देंखे के जबे खाड़ू, बाकरे को लह्ऊँ अरह् कलोर धनियाँरे को खेऊड़ अ-पबित्र लोगो गाशी छिड़कियों, तिनके देह्-शरीर शुद्ध-शाँख्ल़ी अरह् पबित्र करी दियों थी।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।

इब्रानियों 9:19

किन्देंखे के जबे ऋषी-मूसा ऐ बादे लोगो खे अज्ञाँ-निय्म शुँणाऐं पाऐ, तअ तेने खाड़ू-बाकरे को लह्ऊँ करियों, पाँणी, अरह् लाल ऊँन, अरह् भेख्ल़ी की डाल़ी लंऐयों, तियों कताबी, अरह् सोभी लोगों गाशी छ़िड़की दितों।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

इब्रानियों 9:7

परह् भित्त्ले भाग दा सिर्फ महाँ-याजक साल्ह दा ऐकी हीं बई ज़ाँव थिया, परह् से भे बंल़ी के लह्ऊँ के बिना ने ज़ाऐ सको थिया; जैथू लह्ऊँ से आप्णीं ताँईऐ, अरह् ओकी लोगों की ताँईऐ अंण्जाँणे भूल-चूक की पाप की बंल़ी खे चड़ाव थिया।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;