इब्रानियों 9:11 - Sirmouri

¹¹ परह् जबे मसीया आणों वाल़ी चींजों के महाँ-याजक के रूप दे पर्गट हुऐ, तअ तिन्ऐ बैजाऐ सीद्ध ताँम्बू दे से जुण्जा के आदमी के हाथै ने बंणायाँ गुवा थिया; मंतल्व से ईयों संईसारी का ने थी।

सिरमौरी नौवाँ नियम

¹¹ पौरौ ऐबै मसीह महायहूदी पुरोहित बौणै गौआ, जू नौवें कौरार कै सौबै आछै अनुभव दैंव, जू आमुकैंई आगै शै औसौ। यीशु मसीह स्वर्ग दा हौजौ बै महान, औरौ बैजाए सिद्ध मिलाप कै तोम्बू दा हौटा, जू आदमियों कै हाथौ लैई ना बाणै रैई थी औरौ ऐसी दुनिया की बाणैयौंदी चीज़ौ का हिस्सा नै आथी।

इब्रानियों 9:11 ပူးပေါင်းရင်းမြစ်များ

मत्ती 11:3

“कियों तुँऐं सेजे ही असो जुण्जे आँणों वाल़े अरह् जिनके बारे दा बाय्दा करा गुवा थिया; के आँमें कोसी ओकी की ठहल़्णाँई ताक दे रंह्?”

मत्ती 2:6

“हे, बैतलहम गाँव तू जू यहूदा प्रदेश दा असो, तू कैशा ही भी दाई यहूदा के हाक्मों मुझी सभी शा छोटा ने आथी, किन्देखे के तुँओं मुँझी ऐक हाक्म पय्दा हंदा, जुण्जा मेरी परजा इस्राएल का रंख्वाल़ा हंदा”

मरकुस 14:58

“आँमें ऐसी ऐजो बुल्दे शुणा, के हाँव ऐजी हाथो के बाँणी अंदी देऊँठी ढाल़ी देऊँबा, अरह् च़ीज़े देसो भीतरी हजो ऊकी देऊँठी बाँणूबा, जू हाथो के बंणी अंदी ने हों।”

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 4:25

तिऐं तिरंई ऐ प्रभू यीशू खे बुलो, “हाँव जाँणू ऐ के मसीया जेस्खे ख्रीस्त बुली, से आँणों वाल़े असो; अरह् जबे से आले, तअ आँमों कैई बादी बातो बुली देंदे।”

प्रेरितो कै काम 7:48

तबे भे स्वर्गो के पंण्मिश्वर आदमी के हाथै बंणाँऐ अँदे घरह् दे ने रंह्दे, जेष्णों के ऋषी लोगे ऐ बुलो थियो।

2 कुरिन्थियों 4:18

अरह् आँमें तअ दे:खी अंदी चींजो ने, परह् बिना दे:खी चींजो दे:ख्दें रंह्; किन्देंखे के दे:खी अंदी चींजो ठीक्के ही देसो की असो, परह् बिना दे:खी चींजो हमेंशा बंणी रंह्दी।

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

कुलुस्सियों 2:11

मसीया दे करे गुऐ खतना के जाँणें, जबे तुवाँरे बादे पाप का सभाव ऊडा गाड़ा गुवा; तअ तुवाँरा ऐशा खतना करा गुवा, जुण्जा हाथों लंई ने करा ज़ाँदा।

इब्रानियों 10:1

ऋषी-मूसा खे भेटे गुऐ अज्ञाँ-निय्म के कारण जिदी आँणों वाल़ी आच्छ़ी चींजो के सिर्फ़ छाँया जेऐ असो, परह् ईन्दें का असलिय्त्त दा किऐ भे रूप ने आथी; ईन्देंखे तिनू ऐकभाँत्ते बल़ीदाँण के कारण, जू हर साल्ह बैजाऐ चढ़ाऐं ज़ाँव, परह् से आप्णें नंजीक आँणों वाल़े आरार्धना कर्णो वाल़े लोग बिलकुल भी सीद्ध ने करी संक्दे।

इब्रानियों 12:27

अरह् ऐजा शब्द “ऐकी बई, हजो” ईयों बात पर्गट करह्, के जुण्जा बंणीं बंणाँई अंदी चींजो झिकाल़ी दियों; से तिनू चींजो हंणों के कारण टल़ी ज़ाँदी, जुण्जी चींजो झ़िकाल़ी ने ज़ादी, से अट्ल़ असो।

इब्रानियों 13:14

किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

इब्रानियों 2:17

ईन्दीखे हर ऐक ढंग शो प्रभू यीशू मसीया खे ऐष्णों जरूरी ही थियों, के से भी आप्णें भाऐ-बंईणों जेष्णें ही बंणों; के सोभी की पापों की ताँईऐ से पंस्ताँवे कर्णो खे आप्णा बंल़ीदाँण करियों, पंण्मिश्वर के सहाँम्णें कृपा कर्णो वाल़ा, अरह् बिश्वाष ज़ूगा महाँ-याजक बंणीं ज़ाँव।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 7:1

स्वर्गो के पंण्मिश्वर का याजक मलिकीसिदक शालेम नंगर का राजा थिया, जबे बाबा-अब्राहम राजा लोगो हराऐयों पाछ़ू आँदा लागा थिया, तबे तिनकी भेंट तेसी याजक मलिकीसिदक आरी हंऐ; अरह् तेने बाबा-अब्राहम खे आशिर्बाद दिता।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।