इब्रानियों 7:19 - Sirmouri

¹⁹ (ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।

सिरमौरी नौवाँ नियम

¹⁹ इथकारिए मूसा कै कानून कोसी बात खै सिध्द ना कौरी, औरौ तिनु कानून कै ठाँव पांदी आमु ऐक ऐशणै आछी आशा औसौ, जू यीशु मसीह दी औसौ, जिथकै दवारा आमु पौरमेशवर कै नेड़िक जाए सौकु।

इब्रानियों 7:19 ပူးပေါင်းရင်းမြစ်များ

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

प्रेरितो कै काम 13:39

पंण्मिश्वर ऐं प्रभू यीशू के जाँणें मुँक्त्ति-छ़ूट्कारा देऐयों, ऐक नाँम बिश्वाषी लोग धर्मी बाँणें।

रोमियों 5:2

जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

रोमियों 7:7

तअ कियों ईन्दें का मतल्व ऐजा असो के कियों ऋषी-मूसा खे भेटे गुऐं निय्म पाप असो? बिल्कूल् ने! निय्म के बिना हाँव पाप पछ़याँण्दा ने: जे निय्म ने बुल्दा, के लाल़्च ने कंरे, तअ हाँव का जाँण्दा थिया के लाल़्च का असो।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

गलातियौं 2:16

तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

गलातियौं 3:21

तअ कियों ईन्दें का मतल्व ऐजा असो, के निय्म के रित्ती पंण्मिश्वर के बाय्दे का बिरोधी असो? बिल्कुल ने! किन्देंखे के जे निय्म ऐशा दिया ज़ादा; जू से सदा का जीवन देऐ सक्दा, तअ सोतिखे पंण्मिश्वर के सहाम्णें धर्मी बंण्णों निय्म के जाँणें हंदों थियों।

गलातियौं 3:24

ईन्देंखे निय्म आँमों मसीया तोड़ी पईचाल़्णों खे अमाँरी शिक्क्षा देणों वाल़ी बंणी, के आँमें बिश्वाषो लई धर्मी बंणों।

इफिसियों 3:12

आँमें प्रभू यीशू मसीया गाशी बिश्वाष करह्, अरह् तबे ही आँमें पुरे भूर्षें आरी, बै-झिझ्क हऐयों पंण्मिश्वर कैई ज़ाँव।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

इब्रानियों 10:1

ऋषी-मूसा खे भेटे गुऐ अज्ञाँ-निय्म के कारण जिदी आँणों वाल़ी आच्छ़ी चींजो के सिर्फ़ छाँया जेऐ असो, परह् ईन्दें का असलिय्त्त दा किऐ भे रूप ने आथी; ईन्देंखे तिनू ऐकभाँत्ते बल़ीदाँण के कारण, जू हर साल्ह बैजाऐ चढ़ाऐं ज़ाँव, परह् से आप्णें नंजीक आँणों वाल़े आरार्धना कर्णो वाल़े लोग बिलकुल भी सीद्ध ने करी संक्दे।

इब्रानियों 11:40

किन्देंखे के पंण्मिश्वर ऐ आँमों खे ऐक खास अरह् आच्छ़ा पंलाँन बंणाँया; किन्देखे के पंण्मिश्वर ऐशो चहाँव थिया, के सेजे लोग भे अमाँरी ही गंईलो सीद्ध हंऐ ज़ाँव।

इब्रानियों 11:6

अरह् बिश्वाष के बिना पंण्मिश्वर खुष करणा कठींण असो, तअ: जुण्जा कुँऐ पंण्मिश्वर के नंजीक ज़ाँणों चहाँव, तेस्खे बिश्वाष करणाँ जरूरी ही असो; के “पंण्मिश्वर असो ऐ”! अरह् से तिनू लोगों खे प्रत्तिफ़ल़ दियों; जुण्जे तिनके खोंज़ दे लागें अंदे रंह्।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

इब्रानियों 4:16

ईन्देंखे आव आँमें दया-रंय्म कृपा के सिंगास्हणों के नंजीक हिम्मत्त बानियों चालो, के आँमों गाशी दया-रंय्म हों, अरह् सेजी कृपा पाँव जू जरूरत के बख्ते अमाँरी साय्ता-मंद्दत्त करह्।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

इब्रानियों 7:11

तबे जे लेवी याजक पद्-भार के कारण सीद्ध हों, तअ तबे (जेसी ऋषी-मूसा खे भेटे गुऐ अज्ञाँ-निय्म लोगों खे भेटे) तअ तबे का जरूरत्त थी; के कुँऐ ऊका याजक-मलिकिसिदक की रित्ती गाशी खड़ा हों; अरह् से हारून की रित्ति का ने हों?

इब्रानियों 7:20

ऐजो सब षौह्-कंस्म के बिना ने हंई, खास करियों याजक के थापना बिना षौह्-कंस्म के हों थी।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

इब्रानियों 8:6

परह् ऐबे मसीया यीशू खे ओकी याजकों की बरा-बरी शी बैजाऐ आच्छ़ी सेवकाऐ भेंटी; अरह् ऐबे से ऐक आच्छ़ै वाचा के बिचोऊँलिया असो; जिन्दें के अज्ञाँ आच्छ़ै बाय्दे गाशी असो।

इब्रानियों 9:9

ऐजा बाईला ताँम्बू तअ ऐसी ज़ूगौ खे ऐक च़ींह्न असो, जिन्दी भेंट अरह् बंल़ीदाँण चड़ाऐ ज़ाँव थिऐ; जिन्दें लंई आरार्धना कर्णो वाल़े के बीचार सीद्ध ने हंऐ सको थिऐ।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।