इब्रानियों 7:18 - Sirmouri

¹⁸ ऐशी दाँई आगली अज्ञाँ कंंमजोर अरह् नीष्फल़ हणों के कारण छाँई-माँई हऐ गऐ।

सिरमौरी नौवाँ नियम

¹⁸ मूसा कै कानून सैजौ ना कौर सौकी जू इनु कौरणौ चैंई थियु, ऐजै कानून कुणजैई काम कै ना आथी, इनु बौदलै राए।

इब्रानियों 7:18 ပူးပေါင်းရင်းမြစ်များ

प्रेरितो कै काम 13:39

पंण्मिश्वर ऐं प्रभू यीशू के जाँणें मुँक्त्ति-छ़ूट्कारा देऐयों, ऐक नाँम बिश्वाषी लोग धर्मी बाँणें।

रोमियों 3:31

तअ कियो, आँमें ऋषी-मूसा खे भेटे गुऐं निय्म दे बिश्वाष के जाँणें बेकार बंणी सक्दे? बिल्कुल ने! परह् आँमें निय्म दे पाके रंह्दें।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

गलातियौं 3:15

हे भाऐ बंईणों, ऐबे मुँऐं तुँओं खे रूज मंरा के जीवन शा ऐक उदारण देऐ लुवा; दे:खो, जेष्णाँ आदमी आरी बाय्दा करा भे गुवा; तिन्दें मुँझ्शो ना तअ किऐ घटाव ज़ाँदो, अरह् ना तिन्दो किऐ बड़ाव ज़ादो;

गलातियौं 3:17

परह् मतल्व ऐजा असो, जुण्जा बाय्दा पंण्मिश्वरे आगे ही पाक्का करी थुवा थिया; सेजा चार षौ तीष बर्ष पाछी आँणों वाल़ा, मूसा खे भेटे गुऐ अज्ञा-निय्म के रित्ती शा ने बद्ल़ी सको थिया; अरह् ना ही बाय्दा बै-कार बाँणा ज़ाँव थिया।

गलातियौं 3:21

तअ कियों ईन्दें का मतल्व ऐजा असो, के निय्म के रित्ती पंण्मिश्वर के बाय्दे का बिरोधी असो? बिल्कुल ने! किन्देंखे के जे निय्म ऐशा दिया ज़ादा; जू से सदा का जीवन देऐ सक्दा, तअ सोतिखे पंण्मिश्वर के सहाम्णें धर्मी बंण्णों निय्म के जाँणें हंदों थियों।

गलातियौं 4:21

तुँऐं जू निय्म के बष दो हंणों चहाँव, तअ मुँह कैई ऐजो बुलो; के कियो तुँऐं निय्म दो ऐजो शुणी ने के?

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।