इब्रानियों 7:11 - Sirmouri

¹¹ तबे जे लेवी याजक पद्-भार के कारण सीद्ध हों, तअ तबे (जेसी ऋषी-मूसा खे भेटे गुऐ अज्ञाँ-निय्म लोगों खे भेटे) तअ तबे का जरूरत्त थी; के कुँऐ ऊका याजक-मलिकिसिदक की रित्ती गाशी खड़ा हों; अरह् से हारून की रित्ति का ने हों?

सिरमौरी नौवाँ नियम

¹¹ लोगौ खै तिनु पुरोहितो कै योजना कै आधार पांदी मूसा कै कानून दैय राए जू लेवी गोत्र कै हारून दै आए रौवै थिए, पौरौ लोग तियौं योजना कै दवारा सिद्ध ना बोणै सौकौ। इथकारिए ऐक ओका पुरोहित कै आणौ कै जौरुरत थी, ऐक ऐशणा पुरोहित जू हारून कै जैशणा ना आथी पौरौ मलिकिसिदक कै जैशणा थिया।

इब्रानियों 7:11 ပူးပေါင်းရင်းမြစ်များ

गलातियौं 2:21

हाँव पंण्मिश्वर के कृपा बै-कार ने बाँण्दा, किन्देंखे के जे यहूदी निय्म के जाँणें पंण्मिश्वर के सहाम्णें धर्मी बंणी सक्दा; तअ मसीया का बल़िदाँण बै-कार होंदो थियों।

गलातियौं 4:3

अमाँरे भे तेष्णीं ही हाल हों, किन्देंखे के आँमें भे जाँव तोड़ी नहाँन्ड़िया थिऐं, ताँव-तोड़ी संईसारी के निय्म-रूवाजो के बष दे रंह्।

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

इब्रानियों 5:10

अरह् तिनखे पंण्मिश्वर की ढबे शा मलिकीसिदक के जेष्णाँ महाँ-याजक का पद्-भार भे भेटा।

इब्रानियों 5:6

जेष्णों पंण्मिश्वर ऐ कैथी ओक्त्ते भे बुलो थियों: के “तू मलिकीसिदक के रित्ती गाशी सदा खे ऐक याजक असो।”

इब्रानियों 6:20

जेथै प्रभू यीशू मलिकीसिदक के जेष्णाँ सदा खे महाँ-याजक बंणियों, आँमों खे अगवाल़ के रूप दे हाजीर हऐ रूऐ।

इब्रानियों 7:10

जबे मलिकीसिदक ऐ बाबा-अब्राहम आरी भेंट करी, तअ तेसी बंख्त्ते लेवी का जन्म भे हंऐ ने रंई थी; अरह् से ताँव तोड़ी बाबा-अब्राहम के देह्-शरीर दा ही थिया।

इब्रानियों 7:12

किन्देंखे के जबे याजक का पद्-भार बद्ल़ा ज़ाँव, तअ ऋषी-मूसा खे भेटे गुऐ अज्ञाँ-निय्म भे जरूर बद्ल़े चेंई।

इब्रानियों 7:13

किन्देंखे के जेस्के बारे दी ऐजी बातो बुली लंई, जुण्जे के ओकी गोत्र-बंष के थिऐ, अरह् तेसी गोत्र-बंष के कोसी भे आदमी ऐ बैदी गाशी याजक के रूप दे सेवा ने करी थंई।

इब्रानियों 7:15

अरह् जबे मलिकिसिदक के जेष्णाँ ऐक ओका याजक के आँणों लंई, ऐजों भे बिलकुल साफ़ हंऐ जाँव।

इब्रानियों 7:21

परह् मसीया के थापनाँ पंण्मिश्वर के षौह्-कंस्म के कारण हंऐ, जिन्ऐं तिनकी बारे दो ऐजो बुलो: “प्रभू ऐं षौह्-कंस्म करी थंऐ, अरह् से आप्णाँ बीचार कंद्दी ने बंद्ल़्दी; के ‘तू ज़ूगौ-ज़ूगौ खे याजक असो।’”

इब्रानियों 8:7

किन्देंखे के जे सेजा आगला वाचा नीर-दोष हंन्दा, तअ दुज़ै बाय्दें के जरूरत्त ही ने हंदी थी।

इब्रानियों 9:6

अरह् जबे ऐजी बादी चींजो तैयार हऐ रंई थी, तअ तेसी ताँम्बू के बाईले भाग दा याजक हर बख्त्ते हाजीर हंऐयों सेंवा का आप्णाँ काँम निप्टाँव थिऐ।