इब्रानियों 6:4 - Sirmouri

⁴ किन्देंखे के जिन्ऐं ऐकी बई पंण्मिश्वर का ज्ञाँन, अरह् तिनका त्तैज-प्रकाष देखी पाया; अरह् जेने स्वर्गो के बरंदाँन का सुवाद चाखी पाया, से पबित्र-आत्त्मा का हिस्सेदार बंणी गुवा।

सिरमौरी नौवाँ नियम

⁴ जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।

इब्रानियों 6:4 ပူးပေါင်းရင်းမြစ်များ

मत्ती 12:45

तबे से ज़ाऐयों आप्णी गईलो, आपु शी भी बुरी हजो सात्त दुष्ट-आत्त्मा लेयाँव, अरह् से तिन्दी पाछू बईठो अरह् तेसी आदमी की दषा तियों आगली दषा शी भे बुरी हऐ ज़ाँव। ऐसी ज़ूगौ के बुरे लोगो की दषा भे तेष्णी ही हंदी।”

मत्ती 5:13

“तुँऐं धर्ती को खारो असो; परह् जे खारे का सुवाद बिगड़ी ज़ावों, तअ तेथू कियों चींजो लई खरयाँल़ो बंणाँवो ज़ाँदो? परह् से तबे कोसी भे काँमों को ने रंह्दी, से सिर्फ ईन्दें ज़ूगौ हों, के तेथू ऊँदो फेरकाणों पड़ो; अरह् तेथू आदमी आप्णी लात्तों थाँई घींज़्णों खे पाँव।

यूहन्ना 15:6

ईन्देंखे जे कुँऐ मुँदा ने बंणा अंदा रंह्दा, तअ तेसी तियों च़ूट्टी अंदी डाल़ी के जेष्णाँ फैरकाया ज़ाँव; अरह् तबे से शुक्की ज़ाँव, अरह् लोग तिनू शुक्की अंदी डाल़ी कंट्ठी करियों आगी आँऊड़ो दी पाऐयों जल़ाऐ दियों।

यूहन्ना 3:27

तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 6:32

प्रभू यीशू ऐ तिनखे जबाब दिता, “हाँव तुँओं खे खास बात बुलू: के ऋषी-मूसा ऐ तुँओं खे स्वर्गो शी रोटी ने दिती थी; परह् मेरी बाबा ऐ तुओं खे स्वर्गो शी साच्ची रोटी देऐ लई।

प्रेरितो कै काम 10:45

संत्त-पतरस की गंईलो आऐ अंदे, यहूदी बिश्वाषी लोगों के ऐजो देखियों; तूरंबाँणच़ूटे, के कियों पबित्र-आत्त्मा का बरदाँण गऐर-यहूदियों खे भे देऐ थुवा।

प्रेरितो कै काम 11:17

जबे: पंण्मिश्वर ऐ तिनखे भे सेजा ही बरदाँन दिता, जुण्जा आँमों प्रभू यीशू मसीया गाशी बिश्वाष कर्णों वाल़े खे भेटा थिया; तअ हाँव कुँण थिया, जू पंण्मिश्वर के बाटो दा रूकाव्ट कर्णो वाल़ा बंण्दा?”

प्रेरितो कै काम 15:8

मंन के पर्ख्णों वाल़े, पंण्मिश्वर ऐ तिनखे भे अमाँरे जेष्णीं पबित्र-आत्त्मा देऐयों तिनकी गुवाऐ-शाज़्त्त देऐ थंऐ;

प्रेरितो कै काम 8:20

परह् संत्त-पतरस ऐ तैस्खे बुलो, “ऊँगल़ी ज़ाँव तेरो, अरह् नाँष हों तेरा धंन-दोल्त्त, अरह् छतिया नाँष हो तेरे रूपिया! किन्देंखे के तुँऐं पंण्मिश्वर का बर्दाण रूपिया लई खर्दोणों का बिचार करा।

रोमियों 1:11

किन्देंखे के मेरे तुँओं आरी भेटिणों की बेजाऐ हिछ़्या असो, के हाँव तुँओं खे किऐ आत्त्मिक बर्दांण देऊँ; जिन्दें लई तुँऐं बिश्वाष दे अट्ल़ पाके हऐ ज़ाँव;

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 3:2

हाँव तुँओं कैई शो सिर्फ ऐजो जाँण्णों चहाऊँ, के तुँओं पबित्र-आत्त्मा; मूसा खे भेटे गुऐ अज्ञा-निय्म का पाल़्ण कर्णो लई भेटा; के खुषख्बरी दा बिश्वाष कर्णो के कारण भेटी रूआ?

गलातियौं 3:5

पंण्मिश्वर जू तुँओं खे आप्णी आत्त्मा दियों, अरह् जू तुँओं मुँझी चींन-चम्तकार करह्; से ऐजो ईन्देंखे करह्, के तुँऐं मूसा खे भेटे गुऐ अज्ञा-निय्म का पाल़्ण करह्, के तुँऐं खुषख्बरी शुणियों बिश्वाष करो?

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;

इफिसियों 4:7

परह् आँमों मुँझ़ी ऐकी नाँमों खे मसीया के दाँण के मुँताबिक ही कृपा भेटी रंऐ।

1 तीमुथियुस 4:14

ताँव कैई जुण्जा दाँण-बरंदाँण असो, जुण्जा के ताँव्खे बरंम्बाँणी के जाँणें, कलीसिया के दाँनें-माँनें पुराँणिऐं लोगो के हाँथ ताँव गाशी थंणों लंई भेंटा थिया; तू तेसी बरंदाँन सुवाँ करियों तिन्दी ही लंई सेंवा करे।

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

2 तीमुथियुस 4:14

सिकन्दर कशाकरी ऐ मुँह आरी बैजाऐ बुरो करी थो; प्रभू तेस कैई शा तेस्के काँम-काज़ के मुँताबिक बद्ल़ा लंह्दा।

इब्रानियों 10:32

परह् सेजे पाछले देसो चित्ते करह्, जिन्दे तुँऐं पंण्मिश्वर का त्तेज-प्रकाष देखियो दुःख्ह के बह्ड़े झ़मेले दे पाक्कै अट्ल़ रंह्।

इब्रानियों 2:4

ईन्देंके सुवाऐ पंण्मिश्वर ऐ चींह्न-चंम्त्तकार अरह् आप्णी कंई-किस्मं के अनोंख्हें काँमों के कारण: अरह् आप्णीं हिछ़या के मुँताबिक देऐ गंऐ पबित्र-आत्त्मा के तागत्त के कारण भी ईन्देंके घोष्णाँ करी थंऐ।

1 यूहन्ना 5:16

जे कुँऐं आप्णा बिश्वाषी भाऐ के बईण ऐशा पाप कर्दे दे:खो, जिन्दें का नंतीजा मंऊँत्त ने हों; तअ तुँऐं तेसी भाई के बंईणी खे प्रार्थना करह्, तबे ही पंण्मिश्वर तिनखे जीवन देले, अरह् जिन्ऐं किऐ ऐष्णा पाप करी थुवा, जिन्दें का नंतीजा मंऊँत्त ने आथी, परह् ऐक ऐशा भे पाप असो, जिन्दें का नंतीजा सिर्फ मंऊँत्त ही असो, ऐष्णें पाप कर्णो वाल़े खे हाँव तुँओं खे प्रार्थना कर्णो खे ने बुल्दा।