इब्रानियों 5:7 - Sirmouri

⁷ प्रभू यीशू ऐ आप्णें आदमी के सरूप दो रंह्दें बख्त्ते जुराल़ो लेरो-माँरी-माँरियों अरह् आशुवों बुवाऐ-बुवाऐयों तिन कैई जुण्जें तिनू मऊँत्ती शे बंचाऐ सको थिऐ, तिन शी तिन्ऐ प्रार्थनाँऐं अरह् बिनंत्ती करी, अरह् तियों भगत्ति के कारण तिनकी शुँणीं भी गंई।

सिरमौरी नौवाँ नियम

⁷ जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।

इब्रानियों 5:7 ပူးပေါင်းရင်းမြစ်များ

मत्ती 27:46

ऊछाँणें के नंजीक यीशू ऐ जुराल़ों पुकारियों बुलो, “एली, एली, लमा, शबक्त्तनी?” जिन्दें का मतल्व असो, “मेरे पंणमिश्वर! मेरे पंणमिश्वर! तुँऐं मुँह कैई छुड़ी दिता?”

मत्ती 27:50

तबे यीशू ऐ ऐकी बंई हजो जुराल़ी लेरंह् मारियों बुलो, अरह् आप्णें पराँण, छुड़ी दिते।

मरकुस 15:34

देसो ऊछाँणें आरी प्रभू यीशू ऐ जुराल़ो बुलो, “एलोई, एलोई, लमा शबक्त्तनी?” जिन्दे का मतल्व ऐजा असो, “हे मेरे पंणमिश्वर! हे मेरे पंणमिश्वर! तुँऐं मुँह कैई छुड़ी दिता?”

मरकुस 15:37

जुराल़ी लेर माँरियों प्रभू यीशू ऐ आप्णें पराँण छुड़ी दिते।

लूका 23:46

अरह् प्रभू यीशू ऐ जुराल़ी लेंरंह् मारियों बुलो, “हे परंम-पिता! हाँव आप्णी आत्त्मा तुवाँरे हाथो दे देऐ देऊँ;” अरह् तिन्ऐं ऐजो बुलियों आप्णें पराँण छ़ुड़ी दिते।

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 11:35

प्रभू यीशू भे रूँऐ गुऐ।

यूहन्ना 11:42

हाँव जाँणू थिया, के तू सदा मेरी प्रार्थना शुँणें। परह् मुँऐं ऊडे-पुडे खह्ड़े हुऐं अंदे आदमी के कारण ऐष्णों बुली लो; जिन्दें लई ऐ बिश्वाष करह्, के तुँऐं ही मुँह डेयाल़ी थुवा।”

यूहन्ना 17:1

प्रभू यीशू ऐं ऐजी बादी बातो जबे बुली पाई, तअ तिन्ऐ आप्णीं आखी अगाषों की ढबै लाऐयों बुलो; “हे बाबा, सेजी घड़ी आऐ पुझ़ी, ऐबे आप्णें बैटे की बड़ियाऐ करह्; जू बैटा भे तुवाँरी बड़ियाऐ करी सको।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

गलातियौं 4:4

परह् जबे ठीक मोंक्का भेटा, तअ पंण्मिश्वर ऐ आप्णा बैटा डेयाल़ा, जू तिरंई शा पय्दा हुआ; अरह् निय्मों के बष दा जीयों थिया।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 10:10

तेसी हिछ़या शे आँमें यीशू मसीया की देह्-शरीर दे ऐकी ही बंई बल़ीदाँण चड़ाऐ ज़ाँणों के कारण पबित्र करी थुऐ।

इब्रानियों 10:5

ईन्देंखे मसीया यीशू ईयों संईसारी दो आँदें बख्त्ते बुलो: “तुँऐं बल़ीदान अरह् भेंट ने चहाँदें, परह् मुँखे, ऐक देह्-शरीर तैयार करी,

इब्रानियों 11:7

सेजा बिश्वाष ही थिया, के बिना देखी चींजो के बारे दे ऋषी-नूँह खे पंण्मिश्वर कैई शी आगे ही चिताँव्णीं भेटी; अरह् तेने तियों चिताँव्णीं भेट्दे ही आप्णें कुड़बे बंचाँणों खे ऐक पाँणीं गाशी चाल्णों वाल़ो बड़ो जहाँज बाँणों; अरह् तेने आप्णें बिश्वाष के कारण ही ईयों संईसारी दुषी-कसूरबार बंणाँऐ, अरह् तियों धार्मिक्त्ता का हंकदार बँणा; जुण्जा हंक बिश्वाष कर्णो के कारण भेंटो।

इब्रानियों 12:28

ईन्देंखे आँमों ऐसी राज्य भेंटियों जू झ़िक्णों को ने आथी, तअ: आओ आँमें धन्यबाद करह्, अरह् भगत्ति अरह् डर आरी पंण्मिश्वर की ऐशी अरार्धना करह्, जिन्दे लई से खुशी हों,

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

1 यूहन्ना 4:3

तैस्णी ही जुण्जी आत्त्मा, मसीया प्रभू यीशू ने माँन्दी, सेजी आत्त्मा पंण्मिश्वर की आत्त्मा ने आथी; सेजी आत्त्मा मसीया के बिरोधी बईरी की आत्त्मा असो, अरह् जिन्दें के चर्चा तुँऐ शुणी थऐ, के प्रभू आँणों वाल़े असो, अरह् ऐभी भी संईसारी दे ही असो।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।