इब्रानियों 4:1 - Sirmouri

¹ ईन्देंखे आँमें ऐसी बारे दे खास करियो च़ौक्क्ष रंह, के जाँव तोड़ी तिनके बिषाँव देसो का बाय्दा माँना ज़ाँव; ताँव तोड़ी तुओं मुँझ़्शा कुँऐं भे हाजीर हंणों शा पाछ़ू ने छुटी ज़ाँव।

सिरमौरी नौवाँ नियम

¹ इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

इब्रानियों 4:1 ပူးပေါင်းရင်းမြစ်များ

मत्ती 24:48

परह् जे सेजा मुरूख दास आप्णें सासो दा सोह्च़दा लागो, के मेरे मालिक के आँणों दे हेबी देर असो,

प्रेरितो कै काम 3:19

तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

रोमियों 11:20

ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

रोमियों 3:23

ईन्देंखे के सभिऐं पाप करी थुवा, अरह् पंणमिश्वर की बड़ियाऐ के बिना असो,

1 कुरिन्थियों 10:12

ईन्देंखे जुण्जा कुँऐं ऐशो जाँणों के “हाँव बिश्वाष दा बिलकुल पाका असो,” सेजा च़ौक्क्ष रंह्; जू कद्दी से बिश्वाष शा टल़ी ने ज़ाव।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

गलातियौं 5:4

किन्देंखे के जुण्जे तुँऐं मूसा खे भेटे गुऐ अज्ञाँ-निय्म लई, पंण्मिश्वर के सहाम्णें धर्मी बंण्णों चहाँव; से मसीया शे दुर्के, अरह् पंण्मिश्वर की कृपा शे बाऐर असो।

2 तीमुथियुस 2:13

आँमें भाँव बंईमाँन भे बंणों: तबे भे से ईमाँनदार असो, किन्देंखे के से आप्णा स्वभाव ने बंद्ल़ी सक्दे।

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

इब्रानियों 13:7

जू तुवाँरें अगवाँल़ थिऐ, अरह् जिन्ऐं तुँओं कैई शा पंण्मिश्वर का बचन शुणाँया, तिनू चित्ते थुऐं, तिनकी जीवन के रित्त के नतिजे गाशी बिचार करह्; अरह् तिनके जिया बिश्वाष कर्णो के कोशिष करह्।

इब्रानियों 3:11

ईन्देंखे मुँऐ आप्णें रोषौ दे ऐजी षौह् करी: के मेरे बिश्वाष दे से कोद्दी भे हाजीर ने हंऐ सक्दे।”

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 4:9

तअ: जाँणी पाव के पंण्मिश्वर के लोगो खे, बिषाँव को देस हजो भे माँनों ज़ाँव;