इब्रानियों 3:6 - Sirmouri

⁶ परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

सिरमौरी नौवाँ नियम

⁶ पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 3:6 ပူးပေါင်းရင်းမြစ်များ

मत्ती 10:22

मेरे नाँव के कारण बादे लोग तुँवारी गईलो बईर कर्लें, परह् जुण्जा आखरी तोड़ी धीरज-सबेर थंह्ला, तेस्खे ही मुँक्त्ति भेट्ली।

मत्ती 16:18

हाँव ताँव कैई ऐक ऊकी सचाऐं पर्गट करू: तू पतरस असो, आप्णी कलीसिया हाँव ऐसी ही पाथर गाशी बंणाऊँबा, अरह् अंदलोक नंरक के कुवाड़ ईन्दें गाशी हंक-अधिकार ने करी सको।

मत्ती 24:13

परह् मुँक्त्ति छुट्कारा तेसी का हंदा, जुण्जा अंत्त-आखरी तोड़ी बिश्वाष दा पाका रंहला।

रोमियों 11:22

ईन्देंखे पंणमिश्वर के कृपा अरह् शक्त्ताऐ दे:ख! जू ऊदे रिड़े तिनू गाशी शक्त्ताऐ; परह् ताँव गाशी कृपा करी, जे तू तिन्दा संमाऐ अंदा रंऐं, तबे ही, ना तअ ताँव भे काटियों फेरकाऐ देंईदा।

रोमियों 12:12

भोर्षें दे खुशी अरह् मंगन रूऐ; कंल़ेष दे पाक्के रूऐ; प्रार्थना दे हमेशा लागे रूऐ।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 5:2

जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 6:10

ईन्देंखे जेथै तोड़ी मोंक्का भेंटो, आँमें सोभी आरी भलाऐं करह्, प्रभू यीशू के करियों बिश्वाषी भाऐ-बऐणी आरी।

गलातियौं 6:9

आँमें आच्छ़ी काँम-काज़ कर्णो के दीड़-हिम्मत ने छुड़ो, किन्देंखे के जे आँमें रीले ने पड़ो तअ ढीक बख्तो गाशी शाख सलाऊँबे।

इफिसियों 3:12

आँमें प्रभू यीशू मसीया गाशी बिश्वाष करह्, अरह् तबे ही आँमें पुरे भूर्षें आरी, बै-झिझ्क हऐयों पंण्मिश्वर कैई ज़ाँव।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

1 थिस्सलुनीकियों 5:16

सदा खुशी रंह्।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

1 तीमुथियुस 3:15

के जे मेरे आँणो दी देर हो, तअ तुऐ जाँणी पाव, के पंण्मिश्वर के घराने दी जू जीऊँदे पंण्मिश्वर की कलीसिया असो, तिदा लोगो का केष्णा बरताव हुआ चेंई, किन्देंखे के कलीसिया ही सच्चाई का खंम्बा अरह् पह्-नींव असो।

इब्रानियों 1:2

ईनू आखरी के देसो दे पंण्मिश्वर बैटे के जाँणें; आँमों आरी बात-चीत्त करी, जेसी तिन्ऐं बादी चींजो का हंकदार बाँणा, अरह् तिनके के जाँणें, तिन्ऐं बादी संईसारी की रचणाँ करी।

इब्रानियों 10:19

ईन्देंखे हे भाऐ-बईणों, जबे आँमों खे प्रभू यीशू के लह्ऊँ, के कारण तिन्ऐ नुंऐ अरह् जीऊँबें बाटो शे पबित्र जागा दे हाजीर हंणों खे हिमम्त्त भेटी गंऐ।

इब्रानियों 10:21

अरह् ईन्देंखे अमाँरा ऐशा महाँ-याजक असो, जुण्जा पंण्मिश्वर के घरह् का हंकदार असो।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 10:35

ईन्देंखे आप्णें पाक्कै बिश्वाष शे दूर ने हुऐ, जिन्दें का प्रत्तिफ़ल़ बड़ा असो।

इब्रानियों 11:1

बिश्वाष का मतल्व ऐजा असो, के जिन्देका आँमें भूर्षा करह्, सेजो पाक्को भेंटदो, अरह् बिना देखी चींजो का नतीजा असो।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

इब्रानियों 4:16

ईन्देंखे आव आँमें दया-रंय्म कृपा के सिंगास्हणों के नंजीक हिम्मत्त बानियों चालो, के आँमों गाशी दया-रंय्म हों, अरह् सेजी कृपा पाँव जू जरूरत के बख्ते अमाँरी साय्ता-मंद्दत्त करह्।

इब्रानियों 6:11

परह् आँमें हजो बैजाऐ ऐशो चहाँव, के तुँओं मुँझ़्शे ऐक नाँम जंण आखरी तोड़ी ऐसी ही भोर्षे दे रंहणों के कोशिष कर्दे रंह्।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।

1 पतरस 1:8

तिनशो तुँऐं बिना दे:खी भे पियार करह्, अरह् ऐबे तअ तिनू गाशी बिना दे:खी भे बिश्वाष करियों ऐशे खुशी अरह् मंगन हों, जिन्दे का किऐं बखाँण ने करा ज़ाँव; अरह् से बड़ियाऐ शा भरा अंदा असो;

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।

1 पतरस 4:17

किन्देंखे के सेजा बख्त आऐ पुज़ा, के आगे पंणमिश्वर के लोगो का नियाँव करा ज़ाँव; अरह् जबे के नियाँव की शुरूवात आँमों शी ही हली, तअ तिनको का होंदो, जू पंणमिश्वर की खुषख्बरी माँन्दें ने?

प्रकाशितवाक्य 2:18

“थुआतीरा नंगर की कलीसिया के दूत्त खे ऐजो लिख: “पंण्मिश्वर का बैटा जिनकी आँखी भभ्कदी आगी के लहयारे जेष्णी, अरह् जेस्के लात्त आछे पीतलो के जैष्णें असो; से ऐजो बुलो के,

प्रकाशितवाक्य 2:25

परह् होर, जुण्जो किऐ तुँओं कैई असो ऐ, तैथू तुँऐं मेरे आँव्णों तोड़ी सुवों करियों संहमाँल़ियों थुऐ।

प्रकाशितवाक्य 2:26

जुण्जा जींत्ती ज़ाँला, मतल्व आखरी तोड़ी मेरी हिछ़्या पुरी करला, तअ हाँव तैस्खे राज्य गाशी हंक-अधिकार देऊँबा।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।