इब्रानियों 2:11 - Sirmouri

¹¹ किन्देंखे के पबित्र कर्णो वाल़ा, अरह् जू पबित्र करे ज़ाँव, से बादे ऐक-भाँते ऐकी ही कुड़्बे के असो; ईन्दी खे प्रभू यीशू तिनखे भाऐ-बंईणों बुल्णों दे भे सरमाँई ने।

सिरमौरी नौवाँ नियम

¹¹ जिथुकै जू लोगौ खै तिनकै पापौ शै शुध्द कौरौ औरौ जू पवित्र लोग आपणै पापौ शै शुध्द कौरे जांव सौबै ऐकैई पिता कै संतान औसौ, यानी पौरमेशवर तिनका पिता औसौ, इयौं बौजैह शै यीशु तिनु भाईटु बौलणौ शै ना शर्मावं।

इब्रानियों 2:11 ပူးပေါင်းရင်းမြစ်များ

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 28:10

तबे प्रभू यीशू ऐ तिनखे बुलो, “डरे ने! मेरे भाईयों कैई ज़ाऐयों समाचार पंईचाल़ो, के से गलील खे चालो, तेथै से मुँह कैई शे भेंटदें।”

मरकुस 3:34

अरह् तिनू गाशी जुण्जे तिनू बाऐरे चफेर बऐठी रूऐ थिऐ, तिन दी झ़ैठो पाऐंयों बुलो, “दे:खो, मेरी माँ, अरह् मेरे भाऐ ऐजे असो।

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 9:26

जू कुँऐ मुँदा अरह् मेरी बातो दा सरमाला, तैसी ‘आदमी का बैटा’ भे, जबे आप्णी अरह् आप्णे परंम-पिता पंण्मिश्वर के अरह् पबित्र-स्वर्गदूत्तो के बड़ियाऐं आरी आला तअ तैस्दा से भे तेथै सरमाई ज़ाँदा।

यूहन्ना 17:19

ईनकी ताँईऐं हाँव आपु आप्णा बंल़ी-दाँण करी देऊँ; के ऐ भे संच्चाई की ताँईऐ आप्णाँ बंल़ी-दाँण करी दियों।

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 20:17

प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।”

प्रेरितो कै काम 17:26

तिन्ऐं ही ऐक शुरू के आदमी (आदम) शी बादी आदमी की जात्ती पय्दा करी थंई, के से बादी संईसारी दे बंसी फऐली ज़ाँव; तेने आदमी खे निय्म, अरह् रंहणों की सिमाँ-हंद् बंणाँऐ थंऐ।

प्रेरितो कै काम 17:28

किन्देंखे के तिन्हीं दे ही आँमें जीऊँदें रंह्, अरह् चाल्दे-फिर्दे, अरह् अट्ल़ रंह्; अरह् जेष्णों ही तुवाँरे कंई कबिता लिख्णों वाल़े ऐ बुली थो, ‘के आँमें तिन्ही के ही बंष अलाद असो।’

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

गलातियौं 4:4

परह् जबे ठीक मोंक्का भेटा, तअ पंण्मिश्वर ऐ आप्णा बैटा डेयाल़ा, जू तिरंई शा पय्दा हुआ; अरह् निय्मों के बष दा जीयों थिया।

इब्रानियों 10:10

तेसी हिछ़या शे आँमें यीशू मसीया की देह्-शरीर दे ऐकी ही बंई बल़ीदाँण चड़ाऐ ज़ाँणों के कारण पबित्र करी थुऐ।

इब्रानियों 10:14

किन्देंखे के तिन्ऐ ऐके ही चढ़ावे के जाँणें तिनू जू पबित्र करे ज़ाँव सदा खे सीद्ध करे ज़ाँव।

इब्रानियों 11:16

परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।

इब्रानियों 13:12

ईन्देंखे प्रभू यीशू ऐ भे लोग आपु आप्णे लह्ऊँ शे पबित्र कर्णो खे नंगर की जाँगी शा बाईडा दाँई दु:ख भोगा।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।