इब्रानियों 13:9 - Sirmouri

⁹ बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

सिरमौरी नौवाँ नियम

⁹ औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

इब्रानियों 13:9 ပူးပေါင်းရင်းမြစ်များ

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मत्ती 24:4

प्रभू यीशू ऐ तिनखे जबाब दिता, “सकनें-च़ौक्क्ष रूऐ! कुँऐं तुँओं भरंमाँव ने,

लूका 5:38

परह् नुवाँ अंगूरोह् का दाख्ह् रंस नंई मंष्को दा थंणाँ पड़ला।

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

प्रेरितो कै काम 20:32

ऐबे हाँव, तुँओं लोग पंण्मिश्वर के कृपा अरह् बचन की देह्ख-रेह्ख दे देऐ देऊँ; किन्देंखे के तिन्ऐं तुवाँरी बड़ोत्री कर्णो खे; अरह् तुवाँरी गईलो पबित्र-आत्त्मा के सहाजी हंणों खे, मीरास पाँणों खे थंऐ थुऐ।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

रोमियों 14:2

ऐकी ऐजा बिश्वाष असो, के सब-कुछ खाँणों ठीक असो, परह् जुण्जा बिश्वाष दा कंंमजोर असो, से शाग-पाच़ ही खाँव।

रोमियों 14:6

अरह् जुण्जा कुँऐं आदमी कोसी देस आछ़ो माँनों, से प्रभू खे माँनों। अरह् जुण्जा किऐ खाँव ऐ, से भे प्रभू खे खाँव, किन्देंखे के से पंणमिश्वर का धन्यबाद करह्, अरह् जुण्जा किऐ खाँदा ने, से भे प्रभू खे ने खाँदा अरह् प्रभू का धन्यबाद करह्।

1 कुरिन्थियों 6:13

भोजन पेटो खे, अरह् पेट भोजन खे असो, परह् पंणमिश्वर ऐसी अरह् तेसी दुईनें नष्ट करदा। परह् अमाँरी देह्-शरीर बैष्या गंम्मी बिचका-काम कर्णो खे ने आथी; परह् प्रभू खे असो, अरह् प्रभू देह्-शरीर खे असो।

1 कुरिन्थियों 8:8

भोजन आँमों पंणमिश्वर के नंजीक ने नींदा। जे आँमें खाँव ने तअ अमाँरा किऐ नुकसाँन ने आथी, अरह् जे आँमें खाँव तअ तिन्दें लई किऐ फाय्दा ने आथी।

2 कुरिन्थियों 1:21

अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो,

गलातियौं 6:1

हे भाऐ बंईणों, जे कुँऐं आदमी कोसी जुलूमं कर्दें ऊडा थाँबड़ा जाँव, तअ तुँऐं जुण्जे आत्त्मिक असो, सेजे नंरमाँऐं आरी, तेष्णें लोग सम्झाव, अरह् आप्णा भे ख्याल थुऐ, के तुँऐं भे परख दे ने पड़ो। सम्भाल़ो, अरह् आप्णा भे ख्याल थुऐं, के तुँऐं भे परख दे ने पड़ो।

इफिसियों 4:14

च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

कुलुस्सियों 2:4

हाँव ऐजो ईन्देंखे बुलू, के कुँऐं आदमी तुँओं लल़्चाणों वाल़ी बातो लई; तुओं खे धोखा ने दियों।

2 थिस्सलुनीकियों 2:17

तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।

2 थिस्सलुनीकियों 2:2

के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।