इब्रानियों 13:8 - Sirmouri

⁸ प्रभू यीशू मसीया आगे भे अरह् ऐत्त्लो भे अरह् हजो भे ज़ूगौ-ज़ूगौ तोड़ी ऐक-भाँत्ते ही असो।

सिरमौरी नौवाँ नियम

⁸ यीशु मसीह दोतियो औरौ ऐलो औरौ हमैशा ऐक जैशणा औसौ। सै कौलोंई ना बौदलौ।

इब्रानियों 13:8 ပူးပေါင်းရင်းမြစ်များ

2 कुरिन्थियों 1:19

किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी।

2 कुरिन्थियों 1:20

किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों।

इब्रानियों 1:12

परह् तुऐ तिनकी चादरी जैऐ मेंठीं देंदे: अरह् तिनू खोट्णों जिऐं बद्ली देंदे: परह् तुऐ तेष्णें ही रंह्दें; किन्देंखे के तुवाँरे जीवन का अंन्त्त कोद्दी ने हंदी।”

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

यहूदा 1:25

तैसी सिर्फ ऐक ही पंण्मिश्वर अमाँरे मुँक्त्ति देणों वाल़े, के बड़ियाऐं, अरह् महाँन्ता, पराक्रम, अरह् हंक-अधिकार, अमाँरे प्रभू यीशू मसीया के जाँणें हंमेशा शे असो, से ऐबे भे असो, अरह् ज़ूगौ-ज़ूगौ तड़ी रंह्। आमीन।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।

प्रकाशितवाक्य 1:8

प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”