इब्रानियों 13:4 - Sirmouri

⁴ विवाह-जाज्डा सोभी मुँझी आदर-ईज्जत के बात सम्झी ज़ाँव, अरह् विवाह का बिछाँन्द्रा नीषकंल़क रंह्, किन्देंखे के पंण्मिश्वर चुरी-जारी कर्णो वाल़े, अरह् ओकी पराई तिरंई आरी चुरी-जारी कर्णो वाल़े का नियाँव करदा।

सिरमौरी नौवाँ नियम

⁴ बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

इब्रानियों 13:4 ပူးပေါင်းရင်းမြစ်များ

1 कुरिन्थियों 5:13

बाईले लोगो का नियाँव पंणमिश्वर आपु करह्। परह् आपु आरी शे तुऐं ऐजे बुरे लोग जू बिचकै काँम-काज़ कर्णो वाल़े असो, ईनू आपु मुझ्शे बाँईन्डे गाड़ो!

1 कुरिन्थियों 6:18

बिचका-काम चूरी-जारी शे दुर्के भागो! ओके जै-तोड़े भे किऐ पाप आदमी करह्, सेजे बादे पाप देह्-शरीर शे दुर्के हों; परह् बिचका-काम चूरी-जारी कर्णो वाल़ा आप्णी ही देह्-शरीर के बिरूध पाप करह्।

1 कुरिन्थियों 6:9

कियों तुँऐं जाँण्दे ने के अनियाँऐ कर्णो वाल़े लोग पंणमिश्वर के राज्य के वारिस ने हंदी? परह् धोखा ने खाऐ; ना बैष्या गंम्मी, ना मुर्ती पुज्णों वाल़े, ना पराई तिरोंई आरी चोरी-जारी कर्णो वाल़े। ना मरदो आरी मरोद भोग-बिलास कर्णो वाल़े,

1 कुरिन्थियों 7:38

ईन्देंखे जू कुँऐं आप्णी कुवाँरी बैटी आगू भेजो, तअ से आछो करह्, अरह् जू आगू ने भेज्दा से बैगेही आछो करह्।

1 कुरिन्थियों 9:5

कियों आँमों खे ऐजा हंक-अधिकार आथी ने, के कोसी मसीही धियाँन्टी आरी बियाह-शादी करियों तियों आरी रिटो-फिरंह्, जेष्णों के ओके प्रभू यीशू के खास-चैले अरह् प्रभू के भाऐ, अरह् कैफा करह्?

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

गलातियौं 5:19

देह्-शरीर की बुरी हिछा तअ पर्गट असो, मतल्व चुरी-जारी काँम-काज़, कू-कर्मं, चाप्लुषी,

गलातियौं 5:21

जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

इफिसियों 5:5

किन्देंखे के तुँऐं ऐजो बिलकुल जाँणों ऐ, के कोसी च़ूरी-जारी कर्णों वाल़े, के कुँऐं अशुद्ध जंण, के लोभी आदमी, जुण्जा के मुर्ती पुज्णों वाल़े के बुराबर हों; मसीया अरह् पंण्मिश्वर के राज्य दा तेस्का किऐ भे हंक-अधिकार ने हंदी।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

1 तीमुथियुस 3:12

कलीसिया का सेवक भी ऐक ही घरवाल़ी का घरवाल़ा हुआ चेंई, नहाँन्ड़िया अरह् आप्णे घरह कुँड़बै का भे आछा ईन्तजाँम कर्णो वाल़ा हुआ चेंई।

1 तीमुथियुस 3:2

परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

1 तीमुथियुस 3:4

आप्णे घरह् का आछा ईन्तजाँम कर्णो वाल़ा, अरह् आप्णे नहाँन्ड़िया खे बादी संम्झदारी के अधीन आप्णें बष दे थंहणों वाल़ा हो।

1 तीमुथियुस 4:3

से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

तीतुस 1:6

जू बै-कसूर अरह् ऐकी ही घरवाल़ी का घरवाल़ा हों, जिनके नहाँन्ड़िया बिश्वाषी हले, अरह् तिनू मुझी लुचपंण अरह् निकारे काँम-काज़ का दोष-कसूर ने हों।

इब्रानियों 12:16

तुओं लोगों मुँझ़्शा कुँऐ भे आदमी चुर-जार ने हों, अरह् ना कुँऐ तेसी एसाब जेष्णाँ जुण्जा प्रभू दा भे डरो ने थिया; जेने ऐकी बंई के भोजन की ताँईऐं आप्णाँ जेठै हंणों का हंक जैठोंग बीकी दितो।

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।