इब्रानियों 12:3 - Sirmouri

³ कंद्दी ऐशो ने हंईयों के तुऐ लोग निंराष-दुखी हंऐयों आप्णीं हिमम्त्त ने हारी ज़ाँव, ईन्देखे तुऐं तिनू याद कर्दे रूऐ, जिन्ऐं पापियों का ऐत्रा घोर बिरोध संह्ऐन करा।

सिरमौरी नौवाँ नियम

³ यीशु कै उदारण कै बारै मुंजी, कै तैणै तिनु पापी कारिए कैतरा दुख सोऊवा जू तैसीआरी ऐतरै नफरत कौरौ थिए, तैणै इथकारिए दुख सोऊवा, ताकि तुऐं निराश हौयौ हिम्मत नै छोड़े दैंव।

इब्रानियों 12:3 ပူးပေါင်းရင်းမြစ်များ

मत्ती 11:19

आदमी का बैटा खाँव-पीयों ऐ, अरह् ईन्ऐं पाको करी पाव, के ऐ ऊजराँऐ अरह् पियाकड़ असो; अरह् ऐ तअ चूंगी-कंण लोणों वाल़े, अरह् पापी आदमी का साथी असो! परह् ज्ञाँन आप्णी काम शा साचा बंणायाँ ज़ादा।”

मत्ती 12:24

परह् यहूदी भाट-बाँम्णें ऐजो शुणियों बुलो, “ऐ तअ दुष्ट-आत्त्मा का नंम्बरदार शैतान, बालज़बूल की मद्दत्त के बिना दुष्ट-आत्त्मा ने निकाल़ी सक्दा।”

मत्ती 15:2

“तुवाँरें चैले पुराणियों के रित्ती-रूवाज कैई टाल़ो, अरह् ऐ पुराणियाँ के हिसाब शे रोटी खाँणों खे हाथ कैई ने धुन्दें?”

मत्ती 21:23

प्रभू यीशू ऐ जबे देऊँठी दी ज़ाऐयों शिक्क्षा देऐ ही लऐ थी, तअ प्रधान-याजकों अरह् लोगो के ठगड़े ऐ तिन कैई शो आऐयों पुछो, “तुँऐं ऐजे काँम-काज़ कस्की हंक-अधिकार शे करह्? अरह् ऐजा हंक-अधिकार तुँओं खे कुँणें दिता?”

मत्ती 21:46

अरह् तिन्ऐ प्रभू यीशू थाँम्बड़णाँ चहा, परह् से लोगो दे डरी गुऐ, किन्देखे के से तेसी पंणमिश्वर की बरंम्बाणीं कर्णो वाल़ा जाँणों थिऐ।

मत्ती 22:15

तबे यहूदी भाट-बाँम्ण ऐ ज़ाऐयों आपु मुँझी ठाट करी, के प्रभू यीशू केशा दाँई बातो दा फंशाया ज़ाँव।

लूका 14:1

तबे प्रभू यीशू बिषाँव के देसे कोसी यहूदी भाट-बाणों के नंम्बरदार कागी खाँणों खाँदे हुटे, परह् से तिनू मार्णो के ताक दे थिऐ।

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 16:14

यहूदी भाट-बाँम्ण जुण्जे धंन-दोलत के लोभी-लाल़्ची थिऐ, सेजे ऐजी बादी बातो शुँणियों, प्रभू यीशू के ठाठै पाड़्दे लागे।

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

लूका 5:21

तबे यहूदी-निय्म शिखाँणों वाल़े, अरह् यहूदी भाट-बाँम्ण आपु मुँझी ऐजा बाद-बिबाद कर्दे लागे, के “ऐजा कुँण असो? जू आपु-आप्खे पंण्मिश्वर आरी सनाँईयों? किन्देंखे के पंण्मिश्वर के सुवाँऐं ओका कुँण असो? जू कोसी ओकी के पाप माफ करी सको।”

यूहन्ना 10:20

तिनू लोगों मुँझ्शो कंई लोगे ऐं बुलो, “ऐस्दो तअ किऐ लागियों को असो; अरह् ऐस्दी तअ झ़ाल लागी रंऐ, तुऐं ऐस्की बातो कैई शुँणीं लंई?”

यूहन्ना 18:22

ऐजो शुँण्दें ही तेथै खह्ल़िऐ अँदे ऐकी महाँ-याजक के सपाईऐ प्रभू यीशू दे थाप्पै लाऐयों बुलो; “तू महाँ-याजक खे ऐष्णाँ जबाब दिऐ?”

यूहन्ना 5:16

यहूदी अगवाल़े प्रभू यीशू ईन्देंखे सताँदे लागे, के से ऐष्णें काँम-काज़ बिषाँव के देसे करह् थिऐ।

यूहन्ना 7:12

अरह् लोगो मुँझी काँने-काँन बैजाऐ बातो हंदी लागी थी: के से कुँऐं “आछ़ा आदमी असो।” अरह् कुँऐ बुलो थिऐ, के “ना, से लोग भड़काँणों वाल़ा असो।”

यूहन्ना 8:13

यहूदी भाट-बाम्णें ऐ प्रभू यीशू खे बुलो, “तू आप्णें बारे दी आपु गुवाऐं-शाज़्त्त दिऐं, ईन्देंखे तेरी गुवाऐ-शाज़्त्त ठीक ने आथी।”

यूहन्ना 8:52

यहूदी निय्म के शिखाँणों वाल़े ऐं प्रभू यीशू खे बुलो, “ऐबे आँमों पाक्का बिश्वाष हऐ गुवा, के ताँव्दो किऐ लागियों को असो; बाबा अब्राहम, अरह् बादे ऋषी भे मंरी गुऐ; परह् तू बुले, के ‘जे कुँऐ मेरे बचन का पाल्ण करला; तअ से कद्दी ने मंर्दी।’

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

यूहन्ना 9:40

ऐजो शुँणिंयों तेथै खह्ल़िऐ अंदे यहूदी भाट-बाँम्णें ऐ बुलो, “तअ तबे कियों आँमें भे शैड़े असो?”

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

2 कुरिन्थियों 4:16

ईन्देंखे आँमें हिम्मत ने च़ूड़्दे; ना तअ अमाँरा दे:खावे की ईन्साँनिय्त नष्ट हंदी ज़ाँदी, तबे ही अमाँरी अंन्त्तर-आत्त्मा हर देसे नंऐं हंदी ज़ाँव।

गलातियौं 6:9

आँमें आच्छ़ी काँम-काज़ कर्णो के दीड़-हिम्मत ने छुड़ो, किन्देंखे के जे आँमें रीले ने पड़ो तअ ढीक बख्तो गाशी शाख सलाऊँबे।

2 थिस्सलुनीकियों 3:13

तुँऐं, हे भाऐ-बंईणों, भलाई कर्णो शी दीड़-हिम्मत ने छुड़े।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 12:5

कियो तुँऐं पबित्र-ग्रन्थों के ऐजी शिक्क्षा बिसरी गुऐ, जिन्दों पंण्मिश्वर तुँओं खे आप्णीं अलाद बुलियों बंईदे गुऐ? “हे मेरे नहाँन्डिया! प्रभू के बुल्णों अरह् अज्ञाँ का नीर-आदर ने करे; अरह् तिनकी डाँट-फ़ट्कार शी हिम्मत्त ने हारे।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

1 पतरस 2:23

से गाल़ी शुणियों गाल़ी ने दियों थिऐ, अरह् दु:ख भूगियों कोसी खे धम्मकी ने दियों थिऐ, परह् आपु-आप्खे साच्चै नीयाऊँच़ू के हाथो दा देऐ दिता।

प्रकाशितवाक्य 2:3

तुऐं धीरज-सबेर थुऐ, अरह् मेरे नाँव खे दु:ख्ह भोग्दे-भोग्दे तुँऐं खड़िन्दें ने आथी।