इब्रानियों 12:2 - Sirmouri

² आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

सिरमौरी नौवाँ नियम

² आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 12:2 ပူးပေါင်းရင်းမြစ်များ

मत्ती 16:21

तेसी बख्तो शुभें प्रभू यीशू आप्णे चैले खे बुल्दे लागे, “जरूर असो, के हाँव यरूशलेम खे ज़ाऊँ, अरह् यहूदी लोगो के ठगड़े अरह् प्रधान-याजकों, अरह् यहूदी-निय्म के शिखाँणों वाल़े के हाथे बैजाऐ भहिते दु:ख पाऊँ; अरह् मारा ज़ाऊँ; अरह् च़ीज़े का ऊबा जीऊँ।”

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मरकुस 14:36

अरह् बुलो, “हे अब्बा, हे बाबा! तुँओं शो तअ सब-कुछ हऐ सको; मेरे साम्णें थुवा अंदा ऐजा बैलुवा आगु करह्, तबे भे मेरी ने परह् तुँवारी हिछ़या पुरी हों।”

मरकुस 15:28

(तबे पबित्र-ग्रन्थों का सेजा बचन पुरा हुआ, के तिनकी गिनती अपराधी आरी करी गऐ।)

मरकुस 16:19

जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

मरकुस 9:12

प्रभू यीशू ऐ तिनखे जबाब दिता, “ऋषी-एलिय्याह सत्तिखे आगे आऐयों बादो सुवाँरीं देंदा, परह् आदमी के बैटे के बारे दो ऐजो कैई लिखी थो, के से बैजाऐ दु:ख भोग्दा, अरह् छूटा माँना ज़ाला?

मरकुस 9:24

बालको के बाबा ऐ तैख्णी प्रभू के हाथे-लात्तें पड़ियों बुलो, “हे प्रभू हाँव बिश्वाष करू, मेरे बै-बिश्वाष का किऐ ऊपाया करह्।”

लूका 17:5

तबे खास-चैले ऐं प्रभू यीशू खे बुलो, के “अमाँरा बिश्वाष बढ़ाओं।”

लूका 23:11

तबे राजा हेरोदेस ऐ आप्णें सपाई आरी प्रभू यीशू के बैस्त्ती करी, अरह् तिनके ठाटे पाड़े; अरह् तिन कैई शा भड़किला राज का चौग्गा बंम्बाया; अरह् पाछू हाकम-पिलातुस कैई डेयाल़ी दिते।

लूका 24:26

कियों जरूरी थी ने, के मसीया ऐजा बादा दु:ख्ह भूगों, अरह् ऐषी ही दाँई आप्णी बड़ियाई लंई दाखिल हंदें?”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 12:24

हाँव तुँओं खे ऐक खास बात बुलू, के जाँव तोड़ी गींऊँ का दाँणा जींम्मी दा पड़ियों मँरी-शड़ी ने ज़ाँदा, ताँव-तोड़ी से ऐक्ली ही रंह्; परह् जबे से मँरी-शंड़ी ज़ाँव, तअ तबे सेजा दाँणा हजो ऊँबा जाँमियों आपु दे फल़ियों बैजाऐ दाँणें फल़ आँणों।

यूहन्ना 12:32

अरह् जबे मुँह, धर्ती गाच्छ़ा ऊबा थागला, तअ तबे हाँव बादे लोग आपू कैई खीचियों आँणू बा।”

यूहन्ना 13:3

प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 8:56

तुवाँरा बाबा अब्राहम भे मेरे देसो देख्णों की हिछ़या शे बैजाऐ मंगन थिऐ; अरह् तिन्ऐं जबे ऐजो सब कुछ़ देखो, तअ से बैजाऐ खुशी-आँनन्दित्त हुऐ।”

प्रेरितो कै काम 2:36

“इस्राएल का बादा घराना ऐजो पाक्को जाँणी पाँव, के जिनू यीशू तुऐं लोगे ऐ शुँल़ी-फ़ाँषी गाशी चड़ाऐ; तिनू ही पंण्मिश्वर ऐ प्रभू अरह् मसीया बंणाँऐ दित्ते।”

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

प्रेरितो कै काम 5:31

तबे पंण्मिश्वर ऐ तिनू ही प्रभू अरह् मुँक्त्ति-दाता का पंद्-भार देऐयों, आप्णें सुँऐं ढबै बंईठाल़ी दित्ते; के से इस्राएलियों खे मंन बद्ल़्णों के शक्त्ति अरह् पापों की माँफी दियों।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

1 कुरिन्थियों 1:18

किन्देंखे के मसीया के शुँल़ी-फ़ाँशी के बल़ी-कुरबाँणीं की खबर नष्ट हंणों वाल़े लोग बैकार जाँणों, परह् आँमों मुँक्त्ति पाणों वाल़े खे पंणमिश्वर के शक्त्ति असो।

1 कुरिन्थियों 1:23

परह् आँमें तअ तेसी शुँल़ी-फ़ाँशी कुरबाँण हुऐ मसीया का प्रचार करह्, जू यहूदियों लोगो खे ढैस-ठूकर का कारण अरह् ओकी गऐर यहूदी लोगो खे मुरूख्ता असो;

इफिसियों 2:16

अरह् शुँल़ी-फ़ाशी गाशी बईरी को नाष कररियों, अरह् दुन्नै डूँग ऐक ही देह्-शरीर दे पंण्मिश्वर आरी मिलाऐ दित्ते; अरह् अमेशा खे तेसी बंईरी को छ़त्तिया नाँष करी दितो।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

फिलिप्पियों 1:6

मुँह ईयों बातो का भूर्षा असो, के जिन्ऐं तुँओं कैई शे आच्छ़े काँम-काज़ कराँणें शुरू कराऐ थिऐ, सेही तिनू यीशू मसीया के आँणों के देसो तोड़ी पुरो करला।

फिलिप्पियों 3:20

परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

इब्रानियों 1:13

भला कोसी स्वर्गदूत्त खे पंण्मिश्वर ऐ ऐजों बुलो: के “तू मेरे सोऐं ढबे बईठ, जाँव तोड़ी के हाँव तेरे बऐरी तेरी लातो थाई का पीड़ा-पाट्ड़ा ने बाँणीं देऊँ?”

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 10:14

किन्देंखे के तिन्ऐ ऐके ही चढ़ावे के जाँणें तिनू जू पबित्र करे ज़ाँव सदा खे सीद्ध करे ज़ाँव।

इब्रानियों 10:33

कुछ़ तअ ऐशे के निदया कंल़ेष संह्दे हंस्णों खे बंणें, अरह् कुछ़ ऐषे, के तुऐं तिनके साजी बंणें; जिनकी बुरी दषा करी ज़ाँव थी।

इब्रानियों 11:36

कुछ़ लोग ऐशे भे थिऐ, जिनकी परख-अजमाँऐष हंऐ; तिनू ठाठे खे करे, अरह् तिनू कोड़े खाणें पढे़, अरह् तिनू बैड़ियों लंई बाँनियों कंय्दखाँनें दे पाऐ दिते।

इब्रानियों 12:3

कंद्दी ऐशो ने हंईयों के तुऐ लोग निंराष-दुखी हंऐयों आप्णीं हिमम्त्त ने हारी ज़ाँव, ईन्देखे तुऐं तिनू याद कर्दे रूऐ, जिन्ऐं पापियों का ऐत्रा घोर बिरोध संह्ऐन करा।

इब्रानियों 13:13

ईन्देंखे आँमें भे तिनकी बैस्ती का भार झेल्बै अरह् थागुबै, जाँगी शे बाईडे दाँई तिन कैई चालो,

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

याकूब 2:1

हे मेरे भाऐ बंईणों, महिमा बड़ियाऐं ज़ुगै प्रभू यीशू मसीया गाशी तुवाँरा जू बिश्वाष असो, तिन्दी अप्णोंट ने हऐ चैईं।

1 पतरस 1:11

तिनू ऋषिऐं जू मसीया की पबित्र-आत्त्मा के जाँणें सेजो जाँणों, जू मसीया गाशी दु:ख के बारे दो बुली लो थियों, अरह् सेजी बड़ियाऐ जू तिनू दु:खो पाछी पर्गट हली, तियों पबित्र-आत्त्मा ऐ तिन कैई बुली लो थियों। सेजी बातो ईयों संईसारी दी कद्दी हंदी अरह् तबे ईयों संईसारी को का हंदों।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 पतरस 3:22

प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।

यहूदा 1:21

सदा-सदा के अमर-जीवन पाँणों खे अमाँरे प्रभू यीशू मसीया की कृपा बड़े भुर्षे आरी सबेर मारियों आपु-आप्खे पंण्मिश्वर के पियार दे पाके अट्ल़ बंणे अंदे रंह्।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:17

तिनू देखियों हाँव तिनके लात्तो गाशी मँरा अँदा जिया पड़ा; अरह् तिन्ऐं आप्णा सुवाँ हाथ मुँह गाशी थह्ऐयों बुलो: “डरे ने आगला अरह् आखरी हाँव ही असो!”

प्रकाशितवाक्य 1:8

प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”

प्रकाशितवाक्य 2:8

“स्मुरना नंगर की कलीसिया के दूत्त खे ऐजो लिख: “जू आगला अरह् आखरी असो, जू मँरी गुवा थिया, अरह् ऐबे जीऊँदा हऐ गुवा, से ऐजो बुलो के,