इब्रानियों 11:16 - Sirmouri

¹⁶ परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।

सिरमौरी नौवाँ नियम

¹⁶ पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

इब्रानियों 11:16 ပူးပေါင်းရင်းမြစ်များ

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

मरकुस 12:26

जेथै तोड़ी मरे अंदे के दुज़ाल़िऐं जीऊँणों का सुवाल असो, कियों तुऐं ऋषी-मूसा की कताबे दो पढ़ी ने थंई, जींदा जल़्दी झाड़ी का जिंगर असो? किन्देंखे के पंणमिश्वर ऐ ऋषी-मूसा खे बुलो थियों, के हाँव कथा दो पढ़ी ने थऐ, के पंणमिश्वर ऐ तेस्खे का बुलो, के ‘हाँव अब्राहम, का पंणमिश्वर इसहाक, का पंणमिश्वर अरह् याकूब का पंणमिश्वर असो?’

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

लूका 20:37

परह् मंरे अंदे जरूर ऊँबे जीयों; किन्देंखे के ऋषी-मूसा ऐं भे जल़्दी झाड़ी की कंथा दा ईयों बातो का ईशारा देऐ थुवा; जेथै से प्रभू खे अब्राहम का पंण्मिश्वर, इसहाक का पंण्मिश्वर अरह् याकूब का पंण्मिश्वर बुलो।

यूहन्ना 14:2

मेरे बाबा के घरह् दे बैजाऐ रंहणों की जागा असो, जे हंदी ने; तअ हाँव तुँओं कैई आगे ही बुली देंदा, अरह् हाँव तुओं खे जागा तियार करदा ज़ाँदा लागा।

प्रेरितो कै काम 7:32

‘हाँव तुवाँरे पुराँणियाऐं, मतल्व अब्राहम, इसहाक, अरह् याकूब का पंण्मिश्वर असो।’ ईयों बाँणीं शुँणियों ऋषी मूसा दा काँम्णाँ छ़ूटा, ऐतै ज़ूगा के तबे तेस्के तेथै देख्णों के भे ढैठ-हिमम्त्त ने पड़ी।

फिलिप्पियों 3:20

परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ।

2 तीमुथियुस 4:18

अरह् प्रभू मुँह ऐक नाँम बुरे काँम शा छुड़ाऐ देले; अरह् मुँह आप्णें स्वर्गो के राज्य दा सुवाँ करियों पंईचाल़ी देले; तिनकी ही बड़ियाऐ ज़ूगौ-ज़ूगौ दी हंदी रंह्। आमीन।

इब्रानियों 10:34

किन्देंखे के तुँऐं कय्दी के दुःख्ह शे भे दुःख्हि हुवे, अरह् आप्णी घरोऊँची भे चुप्प-चाँण लुट्णों दिती, ऐजो जाँणियों के तुँओं कैई ऐक ओकी भे खास अरह् हंमेशा खे रंहणों वाल़ी घरोऊँचीं असो।

इब्रानियों 11:10

तिनकी नंजर तेसी तेथै के नंगर के ढंबै थी, जिन्दें का बंणाँणों वाल़ा पंण्मिश्वर असो।

इब्रानियों 11:14

अरह् जुण्जे लोग ऐष्णीं बातो बुलो, से ऐजो बिलकुल स्पष्ट करी दियों, के से आप्णें देश की खोज़ दे लागे अंदे असो।

इब्रानियों 11:40

किन्देंखे के पंण्मिश्वर ऐ आँमों खे ऐक खास अरह् आच्छ़ा पंलाँन बंणाँया; किन्देखे के पंण्मिश्वर ऐशो चहाँव थिया, के सेजे लोग भे अमाँरी ही गंईलो सीद्ध हंऐ ज़ाँव।

इब्रानियों 12:22

परह् तुँऐं सिय्योन टिम्बे गाशी जीऊँदे पंण्मिश्वर के नंगरो दे, स्वर्गिऐ यरूशलेम कैई, अरह् लाखो सवर्गदूतों आरी खुशी आँनन्द मंनाँव,

इब्रानियों 13:14

किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

इब्रानियों 2:11

किन्देंखे के पबित्र कर्णो वाल़ा, अरह् जू पबित्र करे ज़ाँव, से बादे ऐक-भाँते ऐकी ही कुड़्बे के असो; ईन्दी खे प्रभू यीशू तिनखे भाऐ-बंईणों बुल्णों दे भे सरमाँई ने।

प्रकाशितवाक्य 21:2

तबे मुँऐं पबित्र नंगरी नंऐं यरूशलेम पंण्मिश्वर कैई शी, मतल्व स्वर्गो शे ऊँदे आँदे जेष्णीं कुँऐ दुल्हन आप्णें दुल्हें खे सजी-धजियों बिना कल़क के आँव तेष्णीं देखी।