इब्रानियों 10:34 - Sirmouri

³⁴ किन्देंखे के तुँऐं कय्दी के दुःख्ह शे भे दुःख्हि हुवे, अरह् आप्णी घरोऊँची भे चुप्प-चाँण लुट्णों दिती, ऐजो जाँणियों के तुँओं कैई ऐक ओकी भे खास अरह् हंमेशा खे रंहणों वाल़ी घरोऊँचीं असो।

सिरमौरी नौवाँ नियम

³⁴ तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 10:34 ပူးပေါင်းရင်းမြစ်များ

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

लूका 10:42

परह् ऐक ऐजी बात जरूर असो, के सोभी शा आच्छ़ा शुद्ध भाग हिस्सा मरियम ऐ चूंणी थुवा, अरह् ऐजा भाग हिस्सा ईयों कैई शा कुँऐं ने दड़ी सक्दा।”

लूका 12:33

आप्णी बादी संम्पत्ति बीकियों, गरीबों खे दाँण करी दियों; अरह् आपु खे ऐशे बोटू बाँणों, जू कोद्दी ने खीणिदे ना चींरिदे, ईन्देंखे स्वर्गो दो धंन कट्ठो करह्; तेथै ना तअ चोर पड़्दे, अरह् ना किऐ कीड़ा-सुल़्की लाग्दी।

लूका 9:25

जे कोसी आदमी खे बादी संईसारी को राज भेंटलो अरह् से आप्णी जीयाँन गुवाँऐ देला तअ तैस्का का फाय्दा हंदा?

प्रेरितो कै काम 21:33

तबे पल़ट्ण के सेरदारे नंजीक आऐयों संत्त-पौलुस बाँनी दिता, अरह् तेसी दू बैड़ी लंई बाँनणों के अज्ञाँ दिती; तबे तेने तिन कैई शो पूछ़ो, के ऐजा कुँण असो, अरह् ऐने का करी थुओं?

प्रेरितो कै काम 28:20

ईन्देंखे मुँऐ तुँओं बय्दी थुऐ, के तुँओं कैई शा भेंटियों बात चींत्त करू, किन्देंखे के इस्राएल के भुर्षें के कारण ही मुँह ईयों शाँगल़ी दा बाँनी थुवा।”

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 6:20

जिन्देकी ताँईऐं हाँव शाँगल़ी दा हिड़कऐयों अंदा राजदूत्त असो; अरह् ऐजो भे के मुँह तिनके बारे दो जेष्णों बुल्णों पड़ो, हाँव तेष्णों ही दिड़्-हिम्मत्त करियों बुली सकू।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

1 तीमुथियुस 6:19

ऐष्णों करियों से हजो खे स्वर्गीऐ धन कोठो करह्, मतल्व तेसी स्वर्गो दा बैजाई ईनाँम भेंट्दा; ईन्दें लई से साच्चा जीवन जीऊँला।

2 तीमुथियुस 1:16

भाई-उनेसिफुरूस के घराने गाशी प्रभू दया-रंय्म करह्, किन्देंखे के तेने कई बई मेरे जीयों दी शैल़ाऐ पाड़ी थऐ, किन्देंखे के से मुँह्दा तबे भे सरमाई ने जबे हाँव कय्दी दा थिया।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

इब्रानियों 11:16

परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।

इब्रानियों 13:14

किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

इब्रानियों 13:3

कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।

याकूब 1:2

“हे भाऐ बंईणों, जबे तुँऐं ओकी बातो की परख-अजमाँऐषों दे पड़ो तअ ऐजी बादी बातो मंजे की ही बातो जाणों।

1 पतरस 1:4

तुँऐं स्वर्गो दा सुवाँ करियों थुवाँ अंदा, सदा-सदा का हंक-अधिकार पाव, जू अ-भिनाँशी, निर्मल, अरह् अटल़, हों सेजा ही तुँओं भेटो;

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।