गलातियौं 6:12 - Sirmouri

¹² जू लोग देह्-शरीर का आछा दे:खावा करणा चहाँव, सेजे ही तुवाँरा खतना कर्णो खे दबाव पाँव, सिर्फ ईन्देंखे के से ऐष्णों ईन्देंखे करह्, के तिनू मसीया के शुँल़ी-फ़ाँशी के जाँणें सताव ने सहणाँ पड़ो।

सिरमौरी नौवाँ नियम

¹² जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

गलातियौं 6:12 ပူးပေါင်းရင်းမြစ်များ

मत्ती 23:27

“फींट्कारा असो! तुओं कऊँट्ल़ी पाखंडी यहूदी-निय्म के शिखाणों वाल़े, अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं चूनें-केकारू लई छटयाऐ अंदी खात्ती-कबर के जेष्णें असो, जू गाँच्छ़ीं तअ शुभाल़ी दे:खियों, परह् भित्री तिन्दी मुँड़्दे की हाड़की अरह् ओकी गंन्दगी शी भरी अंदी हों।

मत्ती 23:28

तुऐं भी बाऐरे शे तअ आदमी कैई शे धार्मिक दे:खाई दियों, परह् तुवाँरे मंन भिंत्रों कपट अरह् अ-धर्म भरा अंदा असो।”

मत्ती 23:5

से आप्णें बादे काँम-काज़ लोगो के दे:खाणों खे करह्: से आप्णे ताँबिंज़-बंह्थ की पाट्टीं बींऊँल़ी बाँणिंयाँ करह्, जिन्दें गाशी से पबित्र-ग्रन्थों के बचन लीखियों आप्णें देह्-शरीर गाशी बाँनों, अरह् से आप्णें च़ौगें के आगले पाले दे झाँलरों लाँव।

मत्ती 5:10

भागोईत असो! सेजे जिनू धर्म के कारण सताऐ ज़ाव, स्वर्गो को राज्य तिन्ही को असो।

मत्ती 6:16

“जबे तुँऐं बरत करह्, तअ पाखंडियों के जिऐ तुवाँरें मुँह मुरजाऐ अंदे ने हों, किन्देखे के से आप्णों मुँह मुँरजाऐ अंदो थों, जू लोग तिनखे बरतू जाँणों। हाँव तुँओं खे खास बात बुलू, के तिनू आप्णा प्रितफल़ भेटी रूवा।

मत्ती 6:2

“ईन्देंखे जबे तुँऐं दाँण दियों, तअ ढीको ने शुणाँऐं, जेष्णों के पाखंडी लोग खुम्ल़ी अरह् गाँव-गल़ी दो करह्, जू लोग तिनकी बड़ियाऐ करह्। हाँव तुँओं खे खास बात बुलू, के तिनू आप्णा प्रतिफल़ भेटी गुवा।

मत्ती 6:5

“प्रार्थना कर्दे, बख्त्ते तुँऐं पाखंडियों लोगों जेष्णे ने बंणें, किन्देंखे के से लोगो के दे:खावे खे यहूदी-चौत्रें दे, के शड़की के मोड़ो गाशी, खह्ल़ियों प्रार्थना कर्णी तिनू आछ़ी लागो; परह् हाँव तुँओं खेे खास बात बुलू, के तिनू आप्णा प्रतिफल़ भेंटी गुवा।

लूका 16:15

ईन्दे गाशी प्रभू यीशू ऐ तिन खे बुलो, “तुँऐं लोग आदमी के साँम्णिऐ तअ आपु खे धर्मात्त्माँ बंणों; परह् पंण्मिश्वर तुवाँरें मंन-सासो के बात ज़ाणो ऐ; किन्देंखे के जुण्जी बात आदमी के नंजरी दे आच़्छ़ी असो, सेजी ही बात पंण्मिश्वर की नंजरी दी शंगाँव्णी असो।

लूका 20:47

से बिधवा के घोरऊँची खाव, अरह् दे:खावे खे बड़ी-बड़ी प्रार्थना करह्: तिनू लोगो खे बैजाऐ बड़ा कुंठूर डंन्ड-सजा भेट्दी।”

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 15:5

परह् यहूदी भाट-बाम्णों के दल़ शे जुण्जे बिश्वाषी थिऐ, से खह्ड़े हुऐ, अरह् बुल्दे लागे, के ईनू गऐर यहूदियों का खतना जरूर करणा पड़ो; अरह् “ईनखे अज्ञाँ देणी पड़ो के तुँऐं ऋषी-मूसा खे भेंटे गुऐ अज्ञाँ निय्म के मुँताबिक खतना की बिधी-बिधान का पालण करोह्।”

2 कुरिन्थियों 10:12

किन्देंखे के अमाँरे ऐजी हिम्मत्त ने आथी, के आँमें आपु आप्खे तिनके बराबर गिणों, जू आप्णी बड़ियाऐं आपु करह्; अरह् आपु-आप्णा नाँप-तोल करियों ओकी आरी संनाँईयों से मुरूख बंणों।

2 कुरिन्थियों 11:13

किन्देंखे के ऐष्णें लोग झुठे खास-चैले अरह् धोखे शे काँम-काज़ कर्णो वाल़े, अरह् मसीया के खास-चैले का रूप धारण कर्णो वाल़े असो।

गलातियौं 2:14

परह् जबे मुँऐ दे:खो, के से खुषख्बरी दी सच्चाई के सिधी चाल ने चाल्दे; तअ मुँऐं सोभी के साँम्णिऐं पतरस खे बुलो, के जबे तू यहूदी हऐयों; गऐर यहूदी लोगो के जैष्णी चाल-चाले, अरह् यहूदियों के जेष्णाँ ने चाल्दा, तअ तू गऐर यहूदी लोगो खे कैई बुले; के तुँऐं भे यहूदियों के ऋषी-मूसा खे भेटे गुऐ, अज्ञाँ-निय्म जैष्णें चाल-चालो?

गलातियौं 2:3

परह् कुँणिऐं भे मेरा साथी तीतुस जू मेरी गईलो आऐ रूवा थिया, से यूनानी असो; ईन्देंखे मंजबूर ने करी, के से आप्णा ख़तना कराँव।

गलातियौं 5:11

परह् हे भाऐ बंईणों, जे हाँव हेभी तोड़ी खतना का प्रचार करदा, तअ कियों मुँह ऐभी तोड़ी सताया ज़ाँदा थिया? तअ तबे शुँल़ी-फ़ाँशी के जाँणें जू सताव मेरा हंदा लागा; से ऐत्लो खे खत्त्म हंदा ने थी।

गलातियौं 6:13

किन्देंखे के खतना कर्णो वाल़े आपु तअ ज्ञाँन-निय्म गाशी चाल्दे ने, परह् तुवाँरा खतना ईन्देंखे करणा चहाँव के तुँवारी देह्-शरीर की दषा गाशी तारीफ करह्।

फिलिप्पियों 1:15

ऐजो साच्चो असो, के किऐ तअ डाँह्-झगड़े के कारण मसीया का प्रचार करह् अरह् कुँऐं भली हिछ़या शा मसीया का प्रचार करह्।

फिलिप्पियों 2:4

ऐक नाँम आप्णे ही मतल्व खे ने; परह् ओकी के मतल्व खे चिंत्ता-फिकर करे।

फिलिप्पियों 3:18

किन्देंखे के कऐयों ऐशी चाल-चालो, जिनकी चर्चा मुँऐ तुँओं कैई बार-बार करी थऐ, अरह् ऐबे भे रूई-रूईयों बुलू; के कुछ़ लोग आप्णी चाल-चलण लंई यीशू मसीया की शुँल़ी-फ़ाँषी की कुरूबाँणीं के बऐरी असो।

कुलुस्सियों 2:23

ईनू बिद्धियों दे आप्णीं हिछ़्या के मुँताबिक बंणाँऐ अंदी, भगत्ती की रित्ति, अरह् गंरबाई, अरह् शारीरिक सभाव के भाव शा ज्ञाँन का नाँव तअ असो ऐ; परह् शारीरिक हिछयाँ रूक्णों खे ईन्दा किऐ भे फ़ाय्दा ने आथी।