गलातियौं 5:3 - Sirmouri

³ तबे भे हाँव ऐक नाँम खतना कर्णो वाल़े खे बुलू, के तेसी बादे मूसा खे भेटे गुऐ अज्ञाँ-निय्म माँन्णें पड़्दे।

सिरमौरी नौवाँ नियम

³ मोऐं तुऔं औटेयौ चैतावणी दैय लौए कै जू आदमी इयौं उमीद लैई खतना कौरांव कै पौरमेशवर कै नज़र दै धरमी बौणै सौकौ, तौ तैसी मूसा कै कानून दी दैययौंदी हरेक आज्ञा कै मानणी पौड़दी।

गलातियौं 5:3 ပူးပေါင်းရင်းမြစ်များ

मत्ती 23:16

“फींट्कारा असो! तुँओं शैड़े अगुऐ गाशी, तुओं भहित्ती सजा भेट्दी! जू ऐजो बुलो, के जे कुँऐं देऊँठी की षौह् खाँव तअ किऐ ने आथी, परह् जे कुँऐं देऊँठी की पालगी के छत्रों की सुन्नें की षौह् खाँव, तअ तेस्दी लीह् लागों, अरह् से भे तिदा बंदी ज़ाँव।

मत्ती 23:18

ऐशो ही दाँई तुँऐं बुलो, के जे कुँऐं बैदी-पुजो की षौह् खाँव, तअ तिन्दें को किऐ ने आथी, परह् जे कुँऐं बैदी-पुजो गाशी चड़ाई अंदी भेंट की षौह् करह्, तअ तेस्खे आप्णा बाय्दा पुरा करणा जरूरी असो।

लूका 16:28

किन्देंखे के मेरे पाँच भाऐ ओके भे असो, अरह् लाजर ज़ाऐयों तिनू भे संम्झाऐ दियों; जू कोदी ऐशो ने हंईयों; के से भे ईथै च़री भुक्त्तणों की जागे दे ने आँव।’

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 2:40

तबे संत्त-पतरस ऐं ऊकी भे भहित्ती बातो के गुवाऐ-शाज़्त्त दित्ती, अरह् तिन्ऐ लोग ऐशे संहम्झ़ाँऐ; के तुँऐं लोग आपु आप्खे ऐसी ऊल़्टे ज़ूगौ शे बंचाऐयों थुऐ।

प्रेरितो कै काम 20:21

मुँऐ यहूदियों अरह् यूनानियों के सहाँम्णें साफ-साफ गुवाऐ-शाज़्त्त दिती, के पस्तावा करियों आप्णें पाप शा मंन बद्ल़ो; अरह् पंण्मिश्वर के ढबै आप्णा मंन फिराव, अरह् अमाँरे प्रभू यीशू दा बिश्वाष करह्।

रोमियों 2:25

जे तू ऋषी-मूसा खे भेटे गुऐं निय्म दा चाले, तअ खतने शा का फाय्दा असो, परह् जे तू निय्म ने मान्दा तअ तेरा खतना हऐयों भे तू बिना खतने का जिया असो।

गलातियौं 3:10

ईन्देंखे जै-तोड़े लोग मूसा खे भेटे गुऐ अज्ञा-निय्म शा काँम-काज़ गाशी बिश्वाष थों, से बादे निरभाग असो! किन्देंखे के लिखी थो; के “जुण्जों किऐ, मूसा खे भेटे गुऐ अज्ञा-निय्म की कताबे दो लिखो अंदो असो, सेजो जे कुँऐं बादी बातो दो पुरो कर्णो खे पाक्का ने रह्दा, तअ से निरभाग असो!”

गलातियौं 5:2

शुणों! हाँव पौलुस तुँओं खे बुलू, के जे खतना कराले, तअ मसीया कैई शा तुँओं किऐ भे फाय्दा ने भेट्दी।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।