गलातियौं 5:10 - Sirmouri

¹⁰ हाँव प्रभू गाशी तुवाँरे बारे दा भूर्षा थोऊँ, के तुवाँरा किऐ ओका बिचार ने हंदी; परह् जू तुँओं डराऐयों दो मंन्नै करी दियों, से भाँव कुँऐं भे हों, से सजा पाँदा।

सिरमौरी नौवाँ नियम

¹⁰ पौरौ हांव पौरमेशवर पांदी बिशवाश कौरु कै तुऐं ओकी लोगौ कै बातौ खै ना अपनांदै, पौरौ मैरी बातौ का पालन कौरदै। पौरौ जू तोंवारै दिमाक खै बैचैन कौरौ, सै कुणिए बै किथु ना हौंव पौरमेशवर कै दवारा सौजा पांदै।

गलातियौं 5:10 ပူးပေါင်းရင်းမြစ်များ

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

1 कुरिन्थियों 5:5

देह्-शरीर के नाँष खे शैतान खे दिया ज़ाँव, जू तेस्की आत्त्मा प्रभू के देसे मुँक्त्ति पाँव।

2 कुरिन्थियों 1:15

तैसी ही भूर्षे शो हाँव चहाऊँ थिया, के आगे तुँओं कैई आँऊ, के तुँओं आँमों दे:ख्णों का ऐक ओका मोंका भेंटो,

2 कुरिन्थियों 10:2

हाँव ऐजी ढाल-अरज करू, के तुवाँरे साम्णें मुँह निडर हऐयों हिम्मत्त कर्णी ने पड़ो, जैष्णाँ हाँव कुछ लोगो गाशी जू आँमों देह्-शरीर के मुताबिक चाल्णों वाल़े जाँणों, तिनखे हाँव शक्त्ताई दे:खाँऊ तैष्णों मुँह तुँओं आरी ने कर्णो पड़ो।

2 कुरिन्थियों 10:6

जबे तुऐं अज्ञाँ का पाल़्ण कर्णो तियार रंह्; तअ हर प्रकार की अज्ञाँ टाल़्णों की सजा खे भे तियार रंह्।

2 कुरिन्थियों 13:10

मुँऐं दुर्के रंऐयों ऐजी बातो ईन्देखे लिखी लई, के तेथै हाजीर हणों गाशी मुँह प्रभू के जाँणें दिते गुऐ हंक-अधिकार ईसत्तेमाल़ शक्त्ती शा ने करणा पड़ो; ऐसी हंक-अधिका का मंतलव बड़ोत्री असो, नाष करणा ने आथी।

2 कुरिन्थियों 2:3

अरह् मुँऐ ऐजी ही बात तुँओं खे ईन्देखे लिखी, के कद्दी ऐशो ने हऐयों के मेरे आँणों गाशी, जिन कैई शी मुँह खुशी-आँनन्द भेटा चैई, हाँव तिन्ही शा ही उदास हंऊँ; किन्देंखे के मुँह तुँओं सोभी गाशी ईयों बातो का भूर्षा असो, के जू मेरा आँनन्द-खुशी असो, सेजी ही तुँओं सोभी के भे हऐ चेंई।

2 कुरिन्थियों 2:6

ऐष्णे खे ऐजी सजा जू भाईयों मुझ्शी भहिते दिती, से बैजाऐ असो।

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

2 कुरिन्थियों 7:16

हाँव आँन्दित्त असो, किन्देंखे के हाँव सोभी बातो दा तुँओं गाशी पुरा भूर्षा थंऊँ।

2 कुरिन्थियों 8:22

आँमें तैस्की गईलों आप्णा भाऐ भे डियाल़ी थुवा, जैसी आँमें बार-बार पर्खियों भहिती बातों दा होंस्लै दा भरा अंदा पाया; परह् ऐबे तुँओं गाशी तैस्के बैजाऐ भूर्षा असो, ईन्देंखे से बैगेही होंस्ले दा असो।

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

गलातियौं 2:4

ऐजो तिनू झूठे भाईयों के कारण हुओ, जू चुप्पी चोर जिऐं घुसरियों आऐ रूऐं थिऐ, के तियों अजादी दे जुण्जी आँमों यीशू मसीया दी भेटी रऐं थी; तिन्दे का भेद् जाँणियों आँमु आप्णे बैठू-दास बाँण्णें चहाँव थिऐ।

गलातियौं 2:6

परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 4:11

हाँव तुवाँरे बारे दा डरूऐ, के कोद्दी ऐशो ने हईयों, के जुण्जी मेंह्न्त मुँऐं तुँवारी ताईऐं करी थऐ, से बै-कार ने ज़ाँव।

गलातियौं 4:17

से तुँओं दोस्त्त तअ बाँण्णें चहाँव, परह् तुवाँरे भेले खे ने; परह् से तुओं ज़ई-ज़ई कर्णे चहाँव; के तुऐं आपु तिनू ही आप्णें दोस्त्त बाँणों।

गलातियौं 4:20

मेरी हिछ़या तअ ऐजी असो, के ऐबे हाँव तुँओं कैई आऐयों; परह् कई किस्म की बातो बुलू, किन्देंखे के हाँव तुँवारी बारे दा ऊल़झण दा असो; के ऐबे का करह् ज़ाँव।

गलातियौं 5:12

हाँव चहाँऊ के जुण्जे तुँओं गिराणें चहाँव, से तुवाँरा तअ खतना कराओं, तबे तअ से आप्णा गुप्त अंग आगु ही काट्दे थिऐ।

गलातियौं 5:7

तुँऐं तअ आछे-भले बिच़ड़ी रूऐ थिऐ, ऐबे तुँओं कुँणे रूके, के सच्चाऐ ने माँने।

गलातियौं 6:17

हजो खे कुँऐं मुँखे दु:ख ने दियों, किन्देंखे के हाँव प्रभू यीशू के घाव आप्णी देह्-शरीर दे लागे आँदें दे:खियों फिरू।

फिलिप्पियों 3:15

आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

2 थिस्सलुनीकियों 3:4

आँमों प्रभू दा तुँओं गाशी भोर्षा असो, के जुण्जी-जुण्जी अज्ञाँ आँमें तुँओं खे दियों, तिनू माँनें, अरह् माँन्दे भे रंह्ले।

1 तीमुथियुस 1:20

तिनू ही मुँझ शा भाऐ-हुमिनीयुस अरह् भाऐ-सिकन्दर असो, जिनू मुँऐ शैतान खे देऐ थुऐ, के से पंण्मिश्वर की नीदया कर्णी ने शिखो।

फिलेमोन 1:21

हाँव तेरे अज्ञाँ कारी हणों गाशी भूर्षा थईयों ताँव खे लिखू, अरह् ऐजो जाँणू, के जू किऐ हाँव बुलू, तू तिन्दे शो भे जादा बड़िया करदा।