गलातियौं 5:1 - Sirmouri

¹ मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

सिरमौरी नौवाँ नियम

¹ मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

गलातियौं 5:1 ပူးပေါင်းရင်းမြစ်များ

मत्ती 23:4

से लोगो के कहाँनों गाशी ऐशा भार-बोझ़ लाद्ह तअ असो ऐ, परह् आपु तेसी भार-बोझ़ हंटाणों खे तिन्दी आप्णी गुँट्ठी भे लाणीं ने चहाँदे।

लूका 5:38

परह् नुवाँ अंगूरोह् का दाख्ह् रंस नंई मंष्को दा थंणाँ पड़ला।

प्रेरितो कै काम 15:10

तअ तबे तुँऐं कैई पंण्मिश्वर पर्खी लुवा? के ईनू गऐर यहूदी चैले की टाटी गाशी ऐष्णों शँमाँऐ थऐ लो; जिन्दे का भार ना तअ अमाँरे पुराँणियाऐं के थागियों थिया, अरह् ना अमाँरे थागिन्दा?

रोमियों 6:14

तबे तुँओं गाशी पाप का हंक ने रंह्दी, किन्देंखे के तुँऐं ऋषी-मूसा खे भेटे गुऐ निय्म के बंष दे ने, परह् पंणमिश्वर की कृपा के बंष दे हंन्दे।

रोमियों 6:18

अरह् पापो शे छूड़ोऐयों धर्म के दास बंणी गुऐ।

रोमियों 7:3

ईन्देंखे के जे से घरवाल़े के जीऊँदे रंहणों तोड़ी कोसी ओकी मंर्दों की बंणी ज़ाव, तअ तियों खे चोरी-जारी कर्णो वाल़ी तिरोंऐ बुली, परह् जे तियाँरा घरवाल़ा मरी जाँव, तअ से तेसी ऋषी-मूसा खे भेटे गुऐं निय्मो शी छुटी गऐ, ऐथै तोड़ी के जे से कोसी पाराऐ मंर्दों के हऐ ज़ाँव, तबे भे से चोरी-जारी कर्णो वाल़ी तिरोऐ ने माँनी ज़ाँदी।

रोमियों 7:6

परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

रोमियों 8:15

किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

1 कुरिन्थियों 16:13

बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

1 कुरिन्थियों 7:22

किन्देंखे के जे कोसी दास-बैटू की दषा दा प्रभू ऐ बय्दी थुवा, तअ से प्रभू का अजाद करा अंदा असो। अरह् जेसी अजादी की दषा दा बऐदी थुवा, से मसीया का दास असो।

2 कुरिन्थियों 11:20

किन्देंखे के जबे कुँऐं तुँओं दास बंणाऐं पाँव, के खाऐ पाँव, के फशाऐं दियों, के आपु आपु खे बड़ा बंणाऐं पाँव; के तुवाँरे मुँहों दी थाप्पै लाँव, तअ तुँऐं सह्ऐन करह्।

2 कुरिन्थियों 3:17

प्रभू तअ आत्त्मा असो: अरह् जेथै कैथी प्रभू का आत्त्मा असो, तेथै अजादी असो।

गलातियौं 2:4

ऐजो तिनू झूठे भाईयों के कारण हुओ, जू चुप्पी चोर जिऐं घुसरियों आऐ रूऐं थिऐ, के तियों अजादी दे जुण्जी आँमों यीशू मसीया दी भेटी रऐं थी; तिन्दे का भेद् जाँणियों आँमु आप्णे बैठू-दास बाँण्णें चहाँव थिऐ।

गलातियौं 3:25

परह् जबे बिश्वाष आऐं गुआ, तअ आँमें तबे निय्म की शिक्क्षा के बष दे ने रंई।

गलातियौं 4:26

परह् स्वर्गो को यरूशलेम अजाद असो, अरह् सेजी ही अमाँरी माँ, असो।

गलातियौं 4:31

ईन्देंखे हे भाऐ बंईणों आँमें दासी की अलाद ने आथी; परह् आँमें आप्णी माँ, के अलाद असो।

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

इफिसियों 6:14

सच्चाई शी आप्णी कमरी दी गाच़ी भिड़ो, अरह् धार्मिक्त्ता का सोजूवा बाँम्बियों;

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

1 थिस्सलुनीकियों 3:8

किन्देंखे के जे ऐबे तुँऐं प्रभू यीशू दे पाक्कै रंह्, तअ आँमें जीऊँदे असो।

2 थिस्सलुनीकियों 2:15

ईन्देंखे हे भाऐ-बंईणों, पाके रंह्; अरह् जू-जू बातो तुँऐं भाव बचन शी के पत्री शी आँमों कैई शिखी थई, तिनू पाकड़ी अंदी थुऐ।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

1 पतरस 2:16

आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

2 पतरस 2:19

से तिन्खे अजादी का लाल़्च दियों, जबे के से आपु भे बुराई के दास असो, किन्देंखे के जू जैस्के बष दा असो, से तेसी ही का दास असो;

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।

प्रकाशितवाक्य 2:25

परह् होर, जुण्जो किऐ तुँओं कैई असो ऐ, तैथू तुँऐं मेरे आँव्णों तोड़ी सुवों करियों संहमाँल़ियों थुऐ।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।