गलातियौं 4:4 - Sirmouri

⁴ परह् जबे ठीक मोंक्का भेटा, तअ पंण्मिश्वर ऐ आप्णा बैटा डेयाल़ा, जू तिरंई शा पय्दा हुआ; अरह् निय्मों के बष दा जीयों थिया।

सिरमौरी नौवाँ नियम

⁴ जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

गलातियौं 4:4 ပူးပေါင်းရင်းမြစ်များ

मत्ती 1:23

“दे:खो, ऐक कुवाँरी-कंन्याँ पेट्भारी हंदी, अरह् तियाँरे ऐक बैटा पय्दा हंदा, अरह् तेस्को नाँव इम्मानुएल थुओं ज़ाँदो”, जिन्दें का मतल्व असो-पंणमिश्वर आँमों आरी असो।

मत्ती 3:15

प्रभू यीशू ऐ तेस्खे ऐजा जबाब दिता, “ऐबे तअ ऐष्णों ही हणों दे, किन्देखे के आँमों खे पंणमिश्वर के धार्मिक्त्ता ईन्दी ही पुरी हों, आँमों खे ऐष्णों कर्णो ही ठीक असो।” तबे संत्त-यूहन्ना ऐ प्रभू यीशू की बात माँनी पाऐ।

मत्ती 5:17

“आप्णें मंन शे ऐजे बिचार निकाल़ी दियों, के मेरे आँणों का खास मंक्सद अज्ञाँ-निय्म अरह् ऋषियों की पत्री लुप्त्त के बेकार साबित कर्णी ने आथी परह् तिनू पुरी कर्णी ही मेरा खास मंक्सद असो।

मरकुस 1:15

तिन्ऐं प्रचार करा, “बख्त पूरा हऐ गुवा, पंणमिश्वर को राज्य नंजीक असो, आप्णा मंन बद्ल़ो अरह् खुषख्बरी गाशी बिश्वाष करह्।”

लूका 1:31

अरह् दे:ख! तू पेटभारी हंऐदी, अरह् तेरे ऐक बैटा हंदा, तू तेस्को नाँव यीशू थुऐ।

लूका 1:35

स्वर्गदूत्त ऐ तियोंखे जबाब दिता, “पबित्र-आत्त्मा ताँव गाशी ऊतर्दे, अरह् (परंम-पिता पंणमिश्वर) के शक्त्ति ताँव गाशी छया कर्दे, ईन्देखे के सेजा बालक जू पय्दा हंणो वाल़ा असो, से पबित्र हंदा; तेस्खे पणमिश्वर का बैटा बुल्दा।

लूका 2:7

अरह् तियाँरे आप्णा आगला जैठा बैटा हुवा, अरह् तेसी टालै कप्डे़ दा मेंठाऐयों चर्णी दा थुवा; किन्देंखे के तिनखे सराँऐ दी जागा ने भेटी।

लूका 20:44

“जबे राजा दाऊद तिनखे प्रभू बुलो, तअ से सिर्फ तिनकी अलाद ही ने परह् प्रभू भे असो।”

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 10:36

तअ जेसी पंण्मिश्वर ऐं, पबित्र बंणाँऐयों; ईयों संईसारी दा डेयाल़ी थुवा: ‘तेस्खें तुऐ लोग पंण्मिश्वर की निदया कर्णो वाल़ा बुलो,’ से सिर्फ ईन्देंखे के मुँऐं ऐजो बुलो; के ‘हाँव पंण्मिश्वर का बैटा असो?’

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

प्रेरितो कै काम 1:7

“प्रभू यीशू ऐ तिनखे ऐजा जबाब दिता, सेजा बख्हत्त बाबा के हंक-अधिकार, अरह् ज्ञाँन के बारे दे जाँण कारी थंणीं, तुवाँरा काँम ने आथी; अरह् ना तुऐं ईन्दें की खोज करे।

रोमियों 1:3

आप्णे बैटे अमाँरे प्रभू यीशू मसीया के बारे दा बाय्दा करा थिया; के से देह्-शरीर के हिसाब शा तअ राजा दाऊद के बंष दा पय्दा हुवा

रोमियों 15:8

ईन्देंखे हाँव बुलू, के जुण्जा बाय्दा नाना-बाबा आरी करी थुवा, तेसी पाक्का कर्णो खे मसीया, पंणमिश्वर की सच्चाई का परमाँण देंणों खे, यहूदी लोगों का दास बंणाँ;

रोमियों 5:6

किन्देंखे के जबे आँमें कंंमजोर हे थिऐ, तबे मसीया ठीक बख्तो गाशी पापी लोगो की ताँईऐं मरे।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

रोमियों 9:5

अमाँरे पुराँणिऐं भे ईन्हीं के असो; अरह् मसीया भी तिन्ही मुँझी पय्दा हुऐं। सेजा मसीया जू सोभी का पंणमिश्वर अरह् ज़ूगौ-ज़ूगौ तोड़ी भागोईत असो। आमीन।

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

कुलुस्सियों 2:14

पंण्मिश्वर ऐ अमाँरे तिनू करजे का लिखा, जुण्जा के अमाँरे बिरूध दा लिखी थुवा थिया; सेजा लिखा तिन्ऐं मसीया की शुँल़ी-फ़ाँषी गाशी कीलियों आगु मिटाऐ दिता।

1 तीमुथियुस 2:6

जिन्ऐं आपु आप्खे सोभी की ताँईऐं छुट्कारा दियाणों खे आप्णाँ ही बंल़ीदाँण करी दिता, जू पंण्मिश्वर के गुवाह्-शाज़्त्त ठीक बख्तो दे देऐ ज़ाव।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

इब्रानियों 9:10

ईन्देंखे से सिर्फ खाँणों-पीणों की चींजो अरह् भाँत्ती-भाँत्ती के नहाँण की बिदी-निय्म के मुँताबिक देह्-शरीर खे अज्ञाँ-निय्म असो; जुण्जे सुधार के बंख्त्तो तोड़ी बंणाँऐ गुऐ थिऐ।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।

1 यूहन्ना 4:2

पंण्मिश्वर की आत्त्मा तुँऐं ऐशी दाँई पछ़याँणी सको: के जुण्जी आत्त्मा ऐजो माँनी पाँव, के प्रभू यीशू मसीया स्वर्गो शे देह्-धारी आदमी का रूप धारियों संईसारी दे आऐ रूऐ; तअ सेजी ही पबित्र-आत्त्मा पंण्मिश्वर के आत्त्मा हों।