गलातियौं 4:24 - Sirmouri

²⁴ इन बातो को ऐजो अनाँणों असो: के सेजी दो तिरंई सारा, अरह् हाजिरा, पंण्मिश्वर के तेसी करार नाँमें की नीसाँणी असो; जू ऐक करार नाँमा सिनै धारह् गाशी करा गुवा थिया; जिऐ तिनू लोगो खे जन्म दिता, जू दास-बैठू थिऐं, ऐजा करार नाँमा हाजिरा दा पुरा हों।

सिरमौरी नौवाँ नियम

²⁴ इनु दुईनै बैटमाणिशौ कै तुलना दु कौरार लैई कौरे जांव। सैजी कौरार जू पौरमेशवरे इस्राएल कै लोगौ कै साथै सीनै पाहाड़ पांदी बानी सैजी कौरार हाजिरा कै जैशणी थी। सैजी कौरार लोगौ खै दासो कै जैशणै बाणै दैंव।

गलातियौं 4:24 ပူးပေါင်းရင်းမြစ်များ

मत्ती 13:35

के जुण्जे बचन बरंम्बाँणी कर्णों वाल़े ऋषी के जाँणें करे गुऐ, ऐजी पंणमिश्वर की बरंम्बाणीं पुरी हों: “हाँव अनाँणें दी बातो बुल्बा, हाँव सेजो बादो बुल्बा, जुण्जो सृष्टी संईसारी के शुरू शो ऊबो चुप्पी असो सेजो पर्गट करूबा।”

रोमियों 8:15

किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

1 कुरिन्थियों 10:11

परह् ऐजी बादी बातो, जुण्जी तिनू लोगो गाशी बित्ती-पढ़ी, ऐजी बादी बातो आँमों खे चिताऊँणी असो; अरह् आँमों खे ही लिखी थई, किन्देखे के आँमें ऐसी ज़ूगौ दे असो, जू आखरी अंन्त्त के नंजीक असो,

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

गलातियौं 4:25

हाजिरा अरब के सिन्नै-धारह् के जैष्णी असो; से अच़कालिऐ के यरूशलेम जेष्णी असो; किन्देंखे के हेभी भे आप्णें नहाँन्ड़या आरी, से ऐत्लो तोड़ी गुलामी दे असो।

गलातियौं 4:3

अमाँरे भे तेष्णीं ही हाल हों, किन्देंखे के आँमें भे जाँव तोड़ी नहाँन्ड़िया थिऐं, ताँव-तोड़ी संईसारी के निय्म-रूवाजो के बष दे रंह्।

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

इब्रानियों 11:19

बाबा-अब्राहम ऐजों माँनों थिया, के पंण्मिश्वर दे मँरे अंदे पाछ़ु ऊँबे जीयाल़ों के शँक्त्ति असो; अरह् तेस्खे भे ऐक किस्मं शा इसहाक मँरे अंदे मुँझ़्शा पाछू ऊँबा जीऊँदा भेटा।

इब्रानियों 12:24

अरह् नुऐं बाय्दे का त्रीण प्रभू यीशू अरह् छिड़काव के तेसी लह्ऊँ कैई आऐ रंह्, जू हाबिल के लह्ऊँ शी आच्छ़ी बातो बुलो।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

इब्रानियों 7:22

ईन्देंका मंतल्व ऐजा हुवा, के मसीया यीशू ऐक बैगे-आच्छ़ै वाचा के जाँमन बंणीं गुऐ।