गलातियौं 4:14 - Sirmouri

¹⁴ अरह् तुँऐं भे मेरी देह्-शरीर की दषा जिन्दें लई तुँवारी परख करी गऐ थी, तिन्दें लई तुँऐं मुँह छोटा ने जाँणी; अरह् मुँह शी नफरत ने करी, परह् तुँऐं पंण्मिश्वर का स्वर्गदूत्त के जेष्णाँ मेरा आदर करा, जेष्णाँ के हाँव आपु मसीया यीशू ही थिया।

सिरमौरी नौवाँ नियम

¹⁴ औरौ मैरी बीमारीए तुऔं कारिए बैजाए पौरैशानै पौयदा कौरे। पौरौ तुऐं मुखै जलील ना कौरी औरौ तुऐं मुखै बायरै बै ना घाड़ी। पौरौ तुऐं मैरा ऐशणा स्‍वागत कौरा, मानौ हांव पौरमेशवर का स्‍वर्गदूत या आपी यीशु मसीह औसौ।

गलातियौं 4:14 ပူးပေါင်းရင်းမြစ်များ

मत्ती 10:40

“जू तुँवों माँनों, तेसी हाँव भे भेटी गुवा; अरह् जेसी हाँव भेटी गुवा, तेने मुँह डियाल़ों वाल़ा भे धारण करी पाया।

मत्ती 18:5

अरह् जुण्जा कुँऐं मेरे नाँव शो ऐक ऐष्णों नहाँन्ड़िया धारण करह्, से मुँह धारण करदा।”

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

लूका 10:16

“जुण्जा तुवाँरी शुणों, से मेरी भे शुण्दा ऐ; अरह् जुण्जा तुँओं छ़ोट्टे जाँणों, से मुँह भे छ़ुट्टा जाँणों; अरह् जुण्जा मुँह छुट्टा जाँणों; सैजा तैसी भे छुट्टा जाँणों जेने मुँह डियाल़ी थुवा।”

यूहन्ना 13:20

हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”

1 कुरिन्थियों 1:28

अरह् पंणमिश्वर ऐ सेजे लोग जुण्जे संईसारी के लोगो की नंजरी दे नींच छुटे, अरह् बैकार थिऐ, तिनू पंणमिश्वरे चूणें-छाँटे, किन्देंखे के जुण्जे किऐ लोग आपु-आप्खे बड़े बंणों संम्झों थिऐ, तिनके सेजे बैकार बिचार खत्त्म हऐ ज़ाँव।

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

गलातियौं 4:13

परह् तुँऐं जाँणों ऐ, के आगे ही आगे मुँऐ देह्-शरीर के कंमजूरी के जाँणें, तुँओं कैई शी खुषख्बरी शुणाऐ।

गलातियौं 4:15

तअ तबे तुँवारी सेजी खुशी मंनाँणी केथै गऐ? हाँव तुवाँरा गुवाह्-शाज़्त असो; के जे हऐ सको, तअ तुँऐं आप्णी आँ:खी भे मुँखे गाड़ियों ऊँडी देंदे।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।

इब्रानियों 13:2

पाऊणे-पौणाँई का आदर-सत्तंकार ने बिसरे, किन्देंखे के ऐष्णों कर्दे कंई लोगे ऐ स्वर्गदूत्तों का पाऊँणें का जिया आदर-सत्तकार करी थुवा।