गलातियौं 3:20 - Sirmouri

²⁰ ऐबे दे:खो के गुवाऐ-शाज़्त तअ दू झ़ुणें मुँझी हों, परह् पंण्मिश्वर तअ ऐके ही असो।

सिरमौरी नौवाँ नियम

²⁰ जोबै दो लोगौ कै बिज़ सौमझौता हौंव, तोबै बिचोलिया कै जौरुरत हौंव। पौरौ जोबै पौरमेशवरे अब्राहम आरी वादा कौरा तौ तैणै कोसी बिचोलिया का इस्तैमाल ना कौरी, जिथुकै पौरमेशवर ऐक औसौ।

गलातियौं 3:20 ပူးပေါင်းရင်းမြစ်များ

प्रेरितो कै काम 12:20

राजा हेरोदेस सूर, अरह् सैदा, के लोगो शा बैजाऐ नींराज हऐ रूवा थिया, तबे सेजे बादे सूर अरह् सैदा के लोग ऐक दल़ बंणियों राजा हेरोदेस कैई आऐ; अरह् से राजा के देंख्ह भाल़ कर्णों वाल़े बलास्तुस नाँव के आदमी मंनाँऐयों मिलाप कराँणा चहाँव थिऐ; किन्देंखे के तिनको बादो देश नाँज-पाँणी खे राजा हेरोदेस के ईलाके गाशी ही दारंम-दार थियों।

गलातियौं 3:17

परह् मतल्व ऐजा असो, जुण्जा बाय्दा पंण्मिश्वरे आगे ही पाक्का करी थुवा थिया; सेजा चार षौ तीष बर्ष पाछी आँणों वाल़ा, मूसा खे भेटे गुऐ अज्ञा-निय्म के रित्ती शा ने बद्ल़ी सको थिया; अरह् ना ही बाय्दा बै-कार बाँणा ज़ाँव थिया।

1 तीमुथियुस 2:5

किन्देंखे के पंण्मिश्वर ऐक ही असो, अरह् पंण्मिश्वर अरह् आदमी के बिचो दा ऐक ही बिचोलिया असो; मतल्व देह्-शरीर धारण कर्णो वाल़े मसीया यीशू।

इब्रानियों 12:24

अरह् नुऐं बाय्दे का त्रीण प्रभू यीशू अरह् छिड़काव के तेसी लह्ऊँ कैई आऐ रंह्, जू हाबिल के लह्ऊँ शी आच्छ़ी बातो बुलो।

इब्रानियों 8:6

परह् ऐबे मसीया यीशू खे ओकी याजकों की बरा-बरी शी बैजाऐ आच्छ़ी सेवकाऐ भेंटी; अरह् ऐबे से ऐक आच्छ़ै वाचा के बिचोऊँलिया असो; जिन्दें के अज्ञाँ आच्छ़ै बाय्दे गाशी असो।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।