गलातियौं 3:17 - Sirmouri

¹⁷ परह् मतल्व ऐजा असो, जुण्जा बाय्दा पंण्मिश्वरे आगे ही पाक्का करी थुवा थिया; सेजा चार षौ तीष बर्ष पाछी आँणों वाल़ा, मूसा खे भेटे गुऐ अज्ञा-निय्म के रित्ती शा ने बद्ल़ी सको थिया; अरह् ना ही बाय्दा बै-कार बाँणा ज़ाँव थिया।

सिरमौरी नौवाँ नियम

¹⁷ जू मोऐं बौल़ै लौ तिथका मतलब ऐजा औसौ कै पौरमेशवरे अब्राहम कै साथै ऐक कौरार बानै राए थै यानी तियौं पूरै कौरणौ कै प्रतिज्ञा बै कौरे राए थै। कौरार बानणो कै चार शौ तीस सालो बाद देएयोंदे मूसा कै कानून ना तौ पौरमेशवर कै कौरार कै मिटाए सौकौ। औरौ ना ही पौरमेशवर कै प्रतिज्ञा कै बैकार बाणै सौकौ।

गलातियौं 3:17 ပူးပေါင်းရင်းမြစ်များ

2 कुरिन्थियों 1:20

किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों।

रोमियों 3:3

जे किऐ लोग किऐ बिश्वाष घात्ती निक्ल़े भे तअ का हुओ? कियो तिनके धोखेबाज हंणों के जाँणें पंणमिश्वर बिश्वाष ज़ूगै हंदी ने किऐ?

कुलुस्सियों 2:4

हाँव ऐजो ईन्देंखे बुलू, के कुँऐं आदमी तुँओं लल़्चाणों वाल़ी बातो लई; तुओं खे धोखा ने दियों।

गलातियौं 5:4

किन्देंखे के जुण्जे तुँऐं मूसा खे भेटे गुऐ अज्ञाँ-निय्म लई, पंण्मिश्वर के सहाम्णें धर्मी बंण्णों चहाँव; से मसीया शे दुर्के, अरह् पंण्मिश्वर की कृपा शे बाऐर असो।

गलातियौं 3:15

हे भाऐ बंईणों, ऐबे मुँऐं तुँओं खे रूज मंरा के जीवन शा ऐक उदारण देऐ लुवा; दे:खो, जेष्णाँ आदमी आरी बाय्दा करा भे गुवा; तिन्दें मुँझ्शो ना तअ किऐ घटाव ज़ाँदो, अरह् ना तिन्दो किऐ बड़ाव ज़ादो;

1 कुरिन्थियों 1:17

किन्देंखे के मसीया ऐ मुँह नहाँण-नुहाँणों खे ने, परह् पंणमिश्वर की खुषख्बरी शुणाँदा डियाल़ी थुवा, अरह् सेजा भे शब्दो के ज्ञाँन के मुताबिक ने, ऐशो ने हईयों के मसीया के शुँल़ी-फ़ाँशी कुरबाँणी बै-कार ज़ाँव।

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

1 पतरस 1:20

ईयों संईसारी की सृष्टी शा आगे ही तिनू चूणी-छाँटी थुऐ थिऐ, परह् तुँओं लोगो की ताँईऐं तिनू ईनू आखरी के देसो दे पर्गट करे गुऐ।

इब्रानियों 11:13

तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

इब्रानियों 7:18

ऐशी दाँई आगली अज्ञाँ कंंमजोर अरह् नीष्फल़ हणों के कारण छाँई-माँई हऐ गऐ।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

गलातियौं 3:21

तअ कियों ईन्दें का मतल्व ऐजा असो, के निय्म के रित्ती पंण्मिश्वर के बाय्दे का बिरोधी असो? बिल्कुल ने! किन्देंखे के जे निय्म ऐशा दिया ज़ादा; जू से सदा का जीवन देऐ सक्दा, तअ सोतिखे पंण्मिश्वर के सहाम्णें धर्मी बंण्णों निय्म के जाँणें हंदों थियों।

2 कुरिन्थियों 9:6

परह् बात ऐजी असो: के जेने ठीको बऐ थों, से ठीको सलाँदा; अरह् जुण्जा जादा बोंला से जादा सलाँदा,

1 कुरिन्थियों 10:19

तअ मेरे बुल्णों का मंतल्व ऐजा असो? के मुर्त्तियों गाशी चड़ाई अंदी बल़ी किऐ ने आथी, अरह् ना किऐ मुर्त्तियों आथी?

1 कुरिन्थियों 7:29

हे भाऐ बंईणों, हाँव ऐशो बुलू, के बख्त कंम असो, ईन्देंखे ऐशो चेंई के जुण्जे शादी-शुदा असो, से तेष्णें रंह्, जेष्णें बिन बियाऐ असो;

1 कुरिन्थियों 1:12

मेरे बुल्णों का मतल्व असो, के तुँओं मुझ्शे कुँऐं तअ आपु खे “पौलुस का खास-चैला बुलो” अरह् कुँऐं “अपुल्लोस का,” अरह् कुँऐं “कैफा का,” अरह् कुँऐं आपु खे “मसीया का खास-चैला बुलों।”

रोमियों 3:25

पंणमिश्वर यीशू मसीया के बल़ीदाँण गाशी बिश्वाष कर्णो के जाँणें पाप शा मुँक्त्ति देणों खे बाट बरंम्बाणीं, अरह् बिश्वाष कर्णो वाल़े आप्णी नंजरी दे बै-कसूर बाँणें, पंणमिश्वर ऐजो साबित कर्णो खे ऐशो करह् अरह् आप्णी संह्नशक्त्ति पर्गट कर्णो खे ऐष्णों करो, अरह् ऐष्णों करियों तिन्ऐं अमाँरे पाछले जीवन के पाप नंजर अंन्दाज करे।

प्रेरितो कै काम 7:6

पंण्मिश्वर ऐ ऐजो बुलो, ‘अब्राहम तेरा बंष अलाद पराऐ देश दे प्रदेशी जिऐ रंह्दे, अरह् सेजे लोग तिनू दास बाँण्ले, अरह् चार षौ साल तोड़ी से तिनू गाशी अतियाचार कर्ले।’

गलातियौं 5:16

परह् हाँव बुलू, के जे तुँऐं पबित्र-आत्त्मा के मुताबिक चाल्लै, तअ तुँऐं देह्-शरीर की बुरी हिछा बिलकुल भे पुरी ने करी सक्दे।

इफिसियों 2:12

ऐजो चीत्तें थुऐं! के तेसी बख्ते तुँऐं ईयों संईसारी दे मसीया शे ज़ोई थिऐ, अरह् इस्राएल की परजा मंडल़ी शे भे ज़ोई थिऐ; अरह् तुँऐं पंण्मिश्वर के जाँणें कंरे अंदे बाय्दे कंरार शे अंणजाँण थिऐ; जिन कैई ईयों संईसारी दे किऐ भे आशा-भरोषा ने थी, अरह् बिना पंण्मिश्वर के थिऐ।