गलातियौं 2:8 - Sirmouri

⁸ (किन्देंखे के जिन्ऐं संत्त-पतरस शा ख़तना करे अंदें मुँझी खास-चैले की टह्ल-काम बड़े असर-दारी शे कराऐ; तिन्ऐं ही मुँह कैई शे भे गऐर यहूदी मुँझी असर-दार काँम-काज़ कराऐ)

सिरमौरी नौवाँ नियम

⁸ जिथुखै पौरमेशवर, जैणै पतरस खै यहूदी लोगौ कै बीच मुंजी ऐक चोणेयौंदा चैला हौणौ कारिए चोणे राए, तैणै ही मुखै बै बैगानै यहूदी लोगौ कै बीच मुंजी चोणेयौंदा चैला हौणौ कारिए चोणे राए।

गलातियौं 2:8 ပူးပေါင်းရင်းမြစ်များ

प्रेरितो कै काम 1:25

के से ईयो सेंवकाई, अरह् खास-चैले का पद्-भार संहम्भाल़ो; जुण्जा यहूदा इसकरियोंती छ़ुड़ियों आप्णी जागा खे हुटा।”

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 15:12

जबे बादी खुम्ल़ी के लोग चुप-चाँण संत्त-बरनबास अरह् संत्त-पौलुस की बातो शुँण्दे लागे, के पंण्मिश्वर ऐ तिनके जाँणें गऐर-यहूदी मुँझी कैष्णें-कैष्णें बड़े चींह्न-चंम्त्तकार अरह् नोंखे-नोंखे काँम-काज़ देखाऐ थुऐ।

प्रेरितो कै काम 19:26

अरह् तुँऐं ऐजो देखी, शुँणीं लो, के ऐने पौलुस ऐ सिर्फ इफिसुस आसिया दे लोग संहम्झाऐ-बुझाऐयों बैजाऐ बंह्काऐ-दुरताऐ दिते; के हाथ के बंणाँऐ अंदे देव्ता, कंद्दी देव्ता ने हंदे।

प्रेरितो कै काम 21:19

संत्त-पौलुस ऐं तिनखे नमंष्कार करा, अरह् पंण्मिश्वर ऐ तिनके सेवा के काँम-काज़ लंई गऐर-यहूदियों के बीच जुण्जो किऐ कोरो थियों, सेजो सब-कुछ बारी-बारी शो तिन कैई बुलो थियों।

प्रेरितो कै काम 22:21

अरह् प्रभू ऐ मुँखे बुलो, ‘आगू ज़ा: किन्देंखे के हाँव ताँव गऐर-यहूदी लोगो कैई दुर-दुर डेयाल़ी देऊँबा।’”

प्रेरितो कै काम 4:4

परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी।

प्रेरितो कै काम 8:17

संत्त-पतरस अरह् संत्त-यूहन्ना ऐ तिनू सोभी सामरी लोगो गाशी आप्णें हाथ थुऐं, अरह् तबे तिनू सोभी खे पबित्र-आत्त्मा भेंटी।

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 9:2

जे हाँव ओकी खे प्रभू यीशू का खास-चैला ने आथी, तबे भे हाँव तुँओं खे तअ जरूर असो; किन्देंखे के तुँऐं प्रभू खे तिन्दें का सबुत असो।

गलातियौं 3:5

पंण्मिश्वर जू तुँओं खे आप्णी आत्त्मा दियों, अरह् जू तुँओं मुँझी चींन-चम्तकार करह्; से ऐजो ईन्देंखे करह्, के तुँऐं मूसा खे भेटे गुऐ अज्ञा-निय्म का पाल़्ण करह्, के तुँऐं खुषख्बरी शुणियों बिश्वाष करो?

कुलुस्सियों 1:29

ईन्देंखे हाँव तिनकी तियों शक्त्ति के मुँताबिक, जुण्जी मुँदी तागत आरी असर पाँव, तिन्देंखे हाँव तन-मंन लाऐयों मेंह्नत भे करू।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।