गलातियौं 2:6 - Sirmouri

⁶ परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

सिरमौरी नौवाँ नियम

⁶ तोबै यरूशलेम शहर कै कलीसिया कै तिनु अगुवे मैरै शिक्षा दै किछै बै मिलावट ना कौरी, मुखै इयौं बातौ लैई किछै फर्क ना पौड़ौ कै सैजै अगुवे किशैक रुतबे वाल़ै मानै जांव थिए, जिथुकै पौरमेशवर बायरौ का रुप दैखैयो न्याय ना कौरौ।

गलातियौं 2:6 ပူးပေါင်းရင်းမြစ်များ

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

मरकुस 12:14

तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

लूका 20:21

तिनू शड़यन्त्र रंचणों वाल़े लोगे ऐं, प्रभू यीशू शो पुछो; “हे गुरू जी! आँमें जाँणों ऐं, के तुँऐं साच्ची बुलो, अरह् सेजे ही शिक्क्षा भे दियों; किन्देंखे के तुँऐ मुँओं दे:खियों ने बुल्दे, परह् संच्चाई शी पंण्मिश्वर के बाटो के शिक्क्षा दियों।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

प्रेरितो कै काम 5:36

कुछ बख्त्ते आगे थेउदास ऐं बिरोध कर्णो का दावा करा, के हाँव भे किऐ असो ऐं; अरह् तबे किऐ चार षौ लोग तैस्के साथी बंणें, अरह् जबे तेसी माँरी दिता: तअ तेस्के चैले भे खीदर-बिदर हुऐ, अरह् तिनको छ़तिया नाँष हुओ।

रोमियों 2:11

किन्देंखे के पंणमिश्वर कोसी आरी भेद्-भाव ने करदा।

2 कुरिन्थियों 11:5

हाँव तअ ऐशो जाँणू, के हाँव कोसी बातो दा बडे़ शे बड़े प्रभू यीशू के खास-चैले शा कंम ने आथी।

2 कुरिन्थियों 12:11

हाँव मुरूख-ज़गर तअ बणा, परह् तुँऐं ही मुँह ऐष्णों कर्णो खे मंज्जबूर करा। तुँओं तअ तेरी तारीफ कर्णी पड़ो थी; किन्देंखे के जे हाँव किऐं भी ने आथी, तबे भे तिनू बड़े शे बड़े प्रभू यीशू के खास-चैले की बातो शा कंम ने आथी।

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

गलातियौं 2:2

पंण्मिश्वर ऐं मुँह कैई दिव्यदर्षण के कारण पर्गट करो, के मुँह जाँणों पड़ो; तबे मुँऐं तिनू लोगो के सहाँम्णें परह् ऐकाँन्त्तदो खास आदमी के सहाम्णें सेजी ही बात्त बुली; जिन्दें का प्रचार हाँव गऐर यहूदियों मुँझी करू; जिन्दें लई ऐशो ने हंईयों, के जुण्जी दोड-धूप मुँऐं करी लऐ, मतल्व करी पाऐ; सेजी बैकार ने ज़ाँव।

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

इब्रानियों 13:17

आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।

इब्रानियों 13:7

जू तुवाँरें अगवाँल़ थिऐ, अरह् जिन्ऐं तुँओं कैई शा पंण्मिश्वर का बचन शुणाँया, तिनू चित्ते थुऐं, तिनकी जीवन के रित्त के नतिजे गाशी बिचार करह्; अरह् तिनके जिया बिश्वाष कर्णो के कोशिष करह्।

1 पतरस 1:17

अरह् जे तुवाँरे ऐक नाँम लोगो के कर्मों के मुताबिक बिना अप्णोंट के नियाँव कर्णो वाल़े पंणमिश्वर खे तुँऐं हे पिता करियों पुकारो, तअ ईयों धर्ती गाशी रंहणों के बख्त भऐ-डर शा आप्णा जीवन बिताव।