गलातियौं 2:4 - Sirmouri

⁴ ऐजो तिनू झूठे भाईयों के कारण हुओ, जू चुप्पी चोर जिऐं घुसरियों आऐ रूऐं थिऐ, के तियों अजादी दे जुण्जी आँमों यीशू मसीया दी भेटी रऐं थी; तिन्दे का भेद् जाँणियों आँमु आप्णे बैठू-दास बाँण्णें चहाँव थिऐ।

गलातियौं 2:4 ပူးပေါင်းရင်းမြစ်များ

लूका 5:38

परह् नुवाँ अंगूरोह् का दाख्ह् रंस नंई मंष्को दा थंणाँ पड़ला।

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

रोमियों 8:15

किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

2 कुरिन्थियों 11:13

किन्देंखे के ऐष्णें लोग झुठे खास-चैले अरह् धोखे शे काँम-काज़ कर्णो वाल़े, अरह् मसीया के खास-चैले का रूप धारण कर्णो वाल़े असो।

2 कुरिन्थियों 11:17

ऐसी बै-धड़क तारीफ दो जू किऐ हाँव बुलू, सेजो प्रभू की अज्ञाँ के मुताबिक ने; परह् ऐशो जाँणों के मुरूख्ताई शो ही बुली लो।

2 कुरिन्थियों 11:20

किन्देंखे के जबे कुँऐं तुँओं दास बंणाऐं पाँव, के खाऐ पाँव, के फशाऐं दियों, के आपु आपु खे बड़ा बंणाऐं पाँव; के तुवाँरे मुँहों दी थाप्पै लाँव, तअ तुँऐं सह्ऐन करह्।

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।

2 कुरिन्थियों 3:17

प्रभू तअ आत्त्मा असो: अरह् जेथै कैथी प्रभू का आत्त्मा असो, तेथै अजादी असो।

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

गलातियौं 4:25

हाजिरा अरब के सिन्नै-धारह् के जैष्णी असो; से अच़कालिऐ के यरूशलेम जेष्णी असो; किन्देंखे के हेभी भे आप्णें नहाँन्ड़या आरी, से ऐत्लो तोड़ी गुलामी दे असो।

गलातियौं 4:3

अमाँरे भे तेष्णीं ही हाल हों, किन्देंखे के आँमें भे जाँव तोड़ी नहाँन्ड़िया थिऐं, ताँव-तोड़ी संईसारी के निय्म-रूवाजो के बष दे रंह्।

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

गलातियौं 5:10

हाँव प्रभू गाशी तुवाँरे बारे दा भूर्षा थोऊँ, के तुवाँरा किऐ ओका बिचार ने हंदी; परह् जू तुँओं डराऐयों दो मंन्नै करी दियों, से भाँव कुँऐं भे हों, से सजा पाँदा।

2 तीमुथियुस 3:6

ईन्ही ही लोगो मुँझ़ी सेजे भे लोग हंदें, जुण्जें के ओकी के घरह् दे चुर्ड़िऐ घुसरियों आँव, अरह् तेसी घरह् की चंचल तिरंई ठंगियों आप्णें बंष दी करह्; जुण्जी तिरंई पाप दी पंड़ी अंदी, अरह् कंई किस्मं की हिछ़याओं की बंष दी फ़ंषी अंदी हों।

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

1 पतरस 2:16

आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

2 पतरस 2:19

से तिन्खे अजादी का लाल़्च दियों, जबे के से आपु भे बुराई के दास असो, किन्देंखे के जू जैस्के बष दा असो, से तेसी ही का दास असो;

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।