गलातियौं 2:16 - Sirmouri

¹⁶ तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

सिरमौरी नौवाँ नियम

¹⁶ तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 2:16 ပူးပေါင်းရင်းမြစ်များ

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

प्रेरितो कै काम 4:12

“कोसी ओकी आदमी के जाँणें मुँक्त्ति ने आथी; किन्देंखे के बादी संईसारी दो, अस्माँनों थाँई; कोसी ओकी आदमी को नाँव ही ने देऐ थंई; जैस्के जाँणें आँमों छ़ूट्कारा-मुँक्त्ति भेटो।”

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

रोमियों 3:30

किन्देंखे के ऐक ही पंणमिश्वर असो, जू खतना वाल़े खे अरह् बिना खतना वाल़े खे भे तेसी ही बिश्वाष के जाँणें आप्णीं नंजरी दे बै-कसूर बाँणों।

रोमियों 4:2

किन्देंखे के जे अब्राहम काँम-काज़ कर्णो लई पंणमिश्वर की नंजरी दा बै-कसूर बंणायाँ ज़ादा, तअ तेस्खे तारीफ कर्णो के जागा हंदी, परह् से पंणमिश्वर के साम्णें तारीफ ने करी सक्दा।

रोमियों 4:24

परह् आँमों खे भे असो, जे आँमें तेसी पंणमिश्वर गाशी बिश्वाष करूबे, जिन्ऐं अमाँरे प्रभू यीशू मरे अंदे मुँझ्शे जीयाल़े, तअ आँमें भे आप्णें बिश्वाष के जाँणें पंणमिश्वर के नंजर दे बै-कसूर माँनें ज़ाँदे।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

रोमियों 9:30

तअ: ईन्दें के बारे दो आँमें का बुलो? ईन्दें का जबाब ऐजा असो, के गऐर यहूदियों ऐ जुण्णे पंणमिश्वर की नंजर दे बै-कसूर बंण्णों की खोज दे ने थी; सेजे लोग आप्णें बिश्वाष के जाँणें शे पंणमिश्वर की नंजर दे बेकसूर बंणाँऐं गुऐं।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

गलातियौं 4:5

किन्देंखे के जू से मूसा खे भेटे गुऐ ज्ञाँन-निय्म दे फशे अंदें लोग खरदियों निय्म के बंन्धण शे उडे छुड़ाऐ दियों; जिन्दें लई आँमें पंण्मिश्वर के गोद लुऐ अंदें नहाँन्ड़िया अरह् वारिस बंणी ज़ाँव।

गलातियौं 5:4

किन्देंखे के जुण्जे तुँऐं मूसा खे भेटे गुऐ अज्ञाँ-निय्म लई, पंण्मिश्वर के सहाम्णें धर्मी बंण्णों चहाँव; से मसीया शे दुर्के, अरह् पंण्मिश्वर की कृपा शे बाऐर असो।

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।

प्रकाशितवाक्य 7:9

ईन्दें पाछी मुँऐं झ़ेठ पाऐ, अरह् देखो, के मेरे सहाँम्णें ऐक बैशुमाँर बड़ी लोगो की भीड़ जल़सा खह्ड़ा हुआ, जिन्दें की गिनती कुँऐ ने करी पाँव थिया। ऐसी जल़्से भीड़ मुँझी हर ऐक जात्ती मुँझ शे अरह् हर कुँल़-गड़ी अरह् हर भाषा के लोग थिऐ। से तेसी सिंगाँस्ण के सहाँम्णें तेसी छ़ैल़्टे कैई खह्ड़े हुऐ, चिट्टे खोट्णों बाँम्बियों आप्णें हाथों दी खंजूर की डाल़ी लऐयों आऐ,