गलातियौं 2:14 - Sirmouri

¹⁴ परह् जबे मुँऐ दे:खो, के से खुषख्बरी दी सच्चाई के सिधी चाल ने चाल्दे; तअ मुँऐं सोभी के साँम्णिऐं पतरस खे बुलो, के जबे तू यहूदी हऐयों; गऐर यहूदी लोगो के जैष्णी चाल-चाले, अरह् यहूदियों के जेष्णाँ ने चाल्दा, तअ तू गऐर यहूदी लोगो खे कैई बुले; के तुँऐं भे यहूदियों के ऋषी-मूसा खे भेटे गुऐ, अज्ञाँ-निय्म जैष्णें चाल-चालो?

सिरमौरी नौवाँ नियम

¹⁴ पौरौ जोबै मोऐं दैखौ, कै सैजै सौथीखै तियौं सौचाई का पालन ना कौरौ जू सुसमाचार बौतांव, तौ मोऐं जौल़ौ ऐकी दूसै पतरस अन्‍ताकिया शहर खै ओऊवा, तौ लोगौ कै सामणै तैसी फिटका, कै तू ऐक यहूदी हौयौ बै, बैगानै यहूदी लोगौ खै भोवार का पालन कौरे औरौ यहूदियों कै भोवार का पालन ना कौरे।

गलातियौं 2:14 ပူးပေါင်းရင်းမြစ်များ

प्रेरितो कै काम 10:28

तबे: संत्त-पतरस ऐं तिनखे बुलो, “तुँऐं जाँणों ऐं के गऐर यहूदी की संगत्ती कर्णी, के तिनू कागी ज़ाँणों यहूदी निय्म के बिरूध असो; परह् पंण्मिश्वर ऐं मुँखे ऐजो बुली थो, के कोसी भे आदमी खे अ-शुद्ध के पापी ने बुल्दे।

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

प्रेरितो कै काम 15:5

परह् यहूदी भाट-बाम्णों के दल़ शे जुण्जे बिश्वाषी थिऐ, से खह्ड़े हुऐ, अरह् बुल्दे लागे, के ईनू गऐर यहूदियों का खतना जरूर करणा पड़ो; अरह् “ईनखे अज्ञाँ देणी पड़ो के तुँऐं ऋषी-मूसा खे भेंटे गुऐ अज्ञाँ निय्म के मुँताबिक खतना की बिधी-बिधान का पालण करोह्।”

रोमियों 14:14

हाँव जाँणू ऐ, अरह् प्रभू यीशू दा मेरे पाक्का बिश्वाष हऐ रूवा, के कुँऐं भे चींज आपु आपु शी अ-शुद्ध ने आथी, परह् जुण्जा तियों च़ीज अ-शुद्ध जाँणों तेस्खे सेजी च़ीज जरूर अ-शुद्ध असो।

गलातियौं 1:18

तबे च़ींन साल पाछ़ी हाँव कैफा कैई शा भेंटिदा यरूशलेम खे हुटा, अरह् तेस कैई पुन्द्रंह् देसो तोड़ी तेथी रूआ।

गलातियौं 1:6

मेरे तूरंबाणच़ूंटे, के जिन्ऐं तुँओं मसीया के कृपा दे बईदी थुऐ, तिनू आरी शे, तुँऐं ऐत्रे शिघे पाछू फीरियों कोसी ओकी ही खुष्खबरी की ढबे ज़ाँदें लागे।

गलातियौं 2:3

परह् कुँणिऐं भे मेरा साथी तीतुस जू मेरी गईलो आऐ रूवा थिया, से यूनानी असो; ईन्देंखे मंजबूर ने करी, के से आप्णा ख़तना कराँव।

गलातियौं 2:5

ऐगड़ी खे तिनके बष दो हंणों, आँमें मानी ने; से ईन्देंखे के खुषख्बरी की सच्चाऐं तुँओं मुँझी बंणी अंदी रंह्।

गलातियौं 2:7

परह् तिनू मुँख्या लोगे दे:खो, के पंण्मिश्वर मुँह कैई ऐष्णी ही ऐक प्रभू यीशू के टह्ल देऐ थऐ, जैष्णी संत्त-पतरस कैई पंण्मिश्वर यहूदियों खे खुषख्बरी शुणाँणों की टह्ल देऐ थऐ थी; परह् पंण्मिश्वरे गऐर यहूदी लोगो खे खुषख्बरी शुणाँणों की टह्ल मुँह कैई दिती।

गलातियौं 2:9

अरह् जबे तिन्ऐ तियों कृपा दी जुण्जी मुँह भेंटी रंऐ थी, सेजी जाँणी पाँऐ; तअ याकूब, अरह् कैफा, अरह् यूहन्ना ऐ, जू कलीसिया के मुँख्या माँने ज़ाँव थिऐ, तिन्ऐं साथ देणों के रूप दी ऐजी सहम्ति जताऐयों, मुँह आरी, अरह् बरनबास आरी हाथ मिलाया, के तुँऐं गऐर यहूदी लोगो के बीचो दे ज़ाऐयों प्रचार कर्दें रूवे, अरह् आँमें मतल्व याकूब, कैफा, अरह् यूहन्ना ऐ यहूदी लोगो के बीचो दा प्रचार करणा माँना, अरह् आँमें सभिऐं आपु मुँझी ऊडी-पुडी संई बाँऐं छुईयों मानों।

गलातियौं 6:12

जू लोग देह्-शरीर का आछा दे:खावा करणा चहाँव, सेजे ही तुवाँरा खतना कर्णो खे दबाव पाँव, सिर्फ ईन्देंखे के से ऐष्णों ईन्देंखे करह्, के तिनू मसीया के शुँल़ी-फ़ाँशी के जाँणें सताव ने सहणाँ पड़ो।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

1 तीमुथियुस 5:20

पाप कर्णो वाल़ा आदमी सोभी के सहाँम्णें सम्झाऐ दिऐं, जिन्दें लंई के ओके लोग भे डरी ज़ाँव।

इब्रानियों 12:13

अरह् आप्णे लातो खे सिधी बाट बाँणों, जू लगड़ा असो, से भट्की ने ज़ाँव, परह् भला-चाँगा हऐ ज़ाँव।

इब्रानियों 9:10

ईन्देंखे से सिर्फ खाँणों-पीणों की चींजो अरह् भाँत्ती-भाँत्ती के नहाँण की बिदी-निय्म के मुँताबिक देह्-शरीर खे अज्ञाँ-निय्म असो; जुण्जे सुधार के बंख्त्तो तोड़ी बंणाँऐ गुऐ थिऐ।