गलातियौं 1:7 - Sirmouri

⁷ परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

सिरमौरी नौवाँ नियम

⁷ सिरफ ऐकैई साचा सुसमाचार औसौ पौरौ किछै लोग मसीह कै बारै मुंजी सुसमाचार कै बिगाड़णा चांव औरौ तिनु लोगै तुऔं बैहकाए राए।

गलातियौं 1:7 ပူးပေါင်းရင်းမြစ်များ

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

2 कुरिन्थियों 11:13

किन्देंखे के ऐष्णें लोग झुठे खास-चैले अरह् धोखे शे काँम-काज़ कर्णो वाल़े, अरह् मसीया के खास-चैले का रूप धारण कर्णो वाल़े असो।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

गलातियौं 1:6

मेरे तूरंबाणच़ूंटे, के जिन्ऐं तुँओं मसीया के कृपा दे बईदी थुऐ, तिनू आरी शे, तुँऐं ऐत्रे शिघे पाछू फीरियों कोसी ओकी ही खुष्खबरी की ढबे ज़ाँदें लागे।

गलातियौं 2:4

ऐजो तिनू झूठे भाईयों के कारण हुओ, जू चुप्पी चोर जिऐं घुसरियों आऐ रूऐं थिऐ, के तियों अजादी दे जुण्जी आँमों यीशू मसीया दी भेटी रऐं थी; तिन्दे का भेद् जाँणियों आँमु आप्णे बैठू-दास बाँण्णें चहाँव थिऐ।

गलातियौं 4:17

से तुँओं दोस्त्त तअ बाँण्णें चहाँव, परह् तुवाँरे भेले खे ने; परह् से तुओं ज़ई-ज़ई कर्णे चहाँव; के तुऐं आपु तिनू ही आप्णें दोस्त्त बाँणों।

गलातियौं 5:10

हाँव प्रभू गाशी तुवाँरे बारे दा भूर्षा थोऊँ, के तुवाँरा किऐ ओका बिचार ने हंदी; परह् जू तुँओं डराऐयों दो मंन्नै करी दियों, से भाँव कुँऐं भे हों, से सजा पाँदा।

गलातियौं 5:12

हाँव चहाँऊ के जुण्जे तुँओं गिराणें चहाँव, से तुवाँरा तअ खतना कराओं, तबे तअ से आप्णा गुप्त अंग आगु ही काट्दे थिऐ।

गलातियौं 6:17

हजो खे कुँऐं मुँखे दु:ख ने दियों, किन्देंखे के हाँव प्रभू यीशू के घाव आप्णी देह्-शरीर दे लागे आँदें दे:खियों फिरू।

2 तीमुथियुस 2:18

किन्देखे के सेजे भाऐ ऐजो बुल्दे-बुल्दे के दुज़ाल़िऐ पाछ़ू ऊबो जीऊँणों तअ कंद्दी हंऐ रूओं; अरह् से सच्चाई शे भट्की गुऐ; अरह् पताने तिन्ऐं कैतोड़े का बिश्वाष ऊल़्टा-पुल़्टा करी दिता।

1 यूहन्ना 2:26

ऐजो सब-कुछ मुँऐं तुँओं खे तबे लिखी थो, के कुँऐं तुँओं सच्चाई की बाटो शे भट्काणों के कोशिष करह्;

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

2 यूहन्ना 1:10

जे कुँऐं तुँओं कैई आँव, अरह् ऐजी ही शिक्क्षा ने दियों, तअ तैसी ना तअ भीटा घर दा आँणों दिऐ, अरह् ना तैस्खे नमंष्कार करे।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।

प्रकाशितवाक्य 2:2

“हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।

प्रकाशितवाक्य 2:20

परह् मेरे तेरे बिरूध दो ऐजो बुल्णों, के तू तियों तिरंऐ-ईज़ेबेल आपु मुँझी रंहणों दिऐं, जुण्जी आप्खे भगत्तिण हंईयों अरह् मेरे चैले खे गलत शिक्क्षा दियों, अरह् मूँर्तियों खे भेंट करी अंदी चीजों खाँदें अरह् बैशिया आरी कू-कर्म कर्णो खे ऊकसाव।

प्रकाशितवाक्य 2:6

परह् होर, ताँव दी ऐजी बात तअ असो ऐ, के तू नीकुलियों नाँव के पार्खन्डी के काँम-काज़ दा घीप्पे-शँगाऐं ऐ, जिन्दा हाव आपु भे घींप्पु शँगाऊँ ऐ।

प्रकाशितवाक्य 20:3

तबे स्वर्गदूत्त ऐं तेसी अथाह् कुँड दा पाऐयों बंद करी दिता, अरह् तिन्दें गाशी सील-मुँहर लाऐ दिती, के से हजार साल्ह के पुरे हंणों तोड़ी जात्ती-जात्ती के लोग हजो ने भरमाँव-दुरताँव। परह् ईन्दें पाछी ऐगड़ी किऐ बख्त्तों खे तेसी जरूर छ़ुड़ी देंईदा।