गलातियौं 1:6 - Sirmouri

⁶ मेरे तूरंबाणच़ूंटे, के जिन्ऐं तुँओं मसीया के कृपा दे बईदी थुऐ, तिनू आरी शे, तुँऐं ऐत्रे शिघे पाछू फीरियों कोसी ओकी ही खुष्खबरी की ढबे ज़ाँदें लागे।

सिरमौरी नौवाँ नियम

⁶ हांव हैरान औसौ, कै पौरमेशवरे तुऔं खै अनुग्रह दै रौणौ कारिए बौएदै राए औरौ तोबै बै तुऐं ऐतरै तावल़ै बौदलैयौ औकै शिक्षा कै मानै पाए।

गलातियौं 1:6 ပူးပေါင်းရင်းမြစ်များ

मरकुस 6:6

प्रभू यीशू मसीया के तिनका बै-बिश्वाष दे:खियों तूरंबाणच़ूंटे, अरह् से चफेर चोंऊँ ढबे के गाँव दे खुषख्बरी का प्रचार कर्दे लागे।

यूहन्ना 9:30

तबे तेने आदमी ऐ, तिनू यहूदी अगवाँल़ो खे जबाब दिता, “तबे तअ ऐजी हंराँनी की बात असो! तुँऐं तअ ऐजो भे जाँण्दें ने, के से कैथे शे आऐ रूऐ; जबे के तिन्ऐं ही मेरी आखी खुलियों ईन्देंखे रोष्णीं देऐ थंई।

प्रेरितो कै काम 15:11

होर, ऐजो तअ पाक्को असो; के जेशे दाँई ऐ प्रभू यीशू की कृपा शा छुट्कारा पाँदें; तेष्णा ही आँमें भे पाँदे ऐं।”

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

रोमियों 5:2

जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

रोमियों 8:28

आँमें जाँणोंऐं के जू लोग पंणमिश्वर शो पियार करह्, तिनखे बादी बातो मीलियों भलाऐ पय्दा करह्; मतल्व तिनही खे जू तिनकी हिछ़या के मुँताबिक शे बय्दी थुऐ।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

1 कुरिन्थियों 4:15

किन्देंखे के जे मसीया दे तुवाँरे शिखाँणों वाल़े, दष हजार लोग भे हंदें, तबे भे तुवाँरे बाबा कऐयों ने हंदी थी; ईन्देंखे के मसीया यीशू दे खुषख्बरी के जाँणें हाँव तुवाँरा आत्त्मिक बाबा बंणी रूवा।

2 कुरिन्थियों 11:4

जे कुँऐं तुँओं कैई आऐयों, कोसी ओकी यीशू का प्रचार करह्, जिन्दें का प्रचार आँमें ने करी थई; के कुऐं ओकी आत्त्मा तुँओं भेटो, जू आगे भेटी ने रंई थी; के ओकी कुऐं खुषख्बरी शुणाँव जुण्जी तुँऐं आगे ने माँनी थई थी; तअ तुँऐं तियों सह्ऐन करी पाँव।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

गलातियौं 1:11

हे भाऐ बंईणों, हाँव तुँओं खे बुली देऊँ, के जू खुषख्बरी मुँऐ शुणाऐ थऐ, सेजी आदमी की ढबे शी ने आथी।

गलातियौं 1:15

परह् पंण्मिश्वर ऐं जिन्ऐं मुँह माँई खी कुँखी शा ही मुँह छाँटी-चूणी थुवा थिया, अरह् आप्णी कृपा शा बय्दी थुवा;

गलातियौं 1:7

परह् सेजी ओकी खुषख्बरी बिल्कुल भे आथी ही ने: परह् बात ऐजी असो, के कैतोड़े ऐष्णें असो, जू तुँओं दुबिदा दे पाँऐयों डराऐ दियों; अरह् मसीया की खुषख्बरी बिगाड़ी देंणी चहाँव।

गलातियौं 2:14

परह् जबे मुँऐ दे:खो, के से खुषख्बरी दी सच्चाई के सिधी चाल ने चाल्दे; तअ मुँऐं सोभी के साँम्णिऐं पतरस खे बुलो, के जबे तू यहूदी हऐयों; गऐर यहूदी लोगो के जैष्णी चाल-चाले, अरह् यहूदियों के जेष्णाँ ने चाल्दा, तअ तू गऐर यहूदी लोगो खे कैई बुले; के तुँऐं भे यहूदियों के ऋषी-मूसा खे भेटे गुऐ, अज्ञाँ-निय्म जैष्णें चाल-चालो?

गलातियौं 2:2

पंण्मिश्वर ऐं मुँह कैई दिव्यदर्षण के कारण पर्गट करो, के मुँह जाँणों पड़ो; तबे मुँऐं तिनू लोगो के सहाँम्णें परह् ऐकाँन्त्तदो खास आदमी के सहाम्णें सेजी ही बात्त बुली; जिन्दें का प्रचार हाँव गऐर यहूदियों मुँझी करू; जिन्दें लई ऐशो ने हंईयों, के जुण्जी दोड-धूप मुँऐं करी लऐ, मतल्व करी पाऐ; सेजी बैकार ने ज़ाँव।

गलातियौं 2:5

ऐगड़ी खे तिनके बष दो हंणों, आँमें मानी ने; से ईन्देंखे के खुषख्बरी की सच्चाऐं तुँओं मुँझी बंणी अंदी रंह्।

गलातियौं 2:7

परह् तिनू मुँख्या लोगे दे:खो, के पंण्मिश्वर मुँह कैई ऐष्णी ही ऐक प्रभू यीशू के टह्ल देऐ थऐ, जैष्णी संत्त-पतरस कैई पंण्मिश्वर यहूदियों खे खुषख्बरी शुणाँणों की टह्ल देऐ थऐ थी; परह् पंण्मिश्वरे गऐर यहूदी लोगो खे खुषख्बरी शुणाँणों की टह्ल मुँह कैई दिती।

गलातियौं 5:14

किन्देंखे के बादे निय्म ईयों ऐकी अज्ञाँ दे पुरे हों, के “तू आप्णें पड़ोसी शो आपु जेष्णों पियार करह्।”

गलातियौं 5:4

किन्देंखे के जुण्जे तुँऐं मूसा खे भेटे गुऐ अज्ञाँ-निय्म लई, पंण्मिश्वर के सहाम्णें धर्मी बंण्णों चहाँव; से मसीया शे दुर्के, अरह् पंण्मिश्वर की कृपा शे बाऐर असो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 1:3

जैष्णों मुँऐंं मकीदुनिया खे ज़ाँदी बई ताँव कैई शो सम्झाँव थियों, के इफिसुस दो रऐयों कुछ लोगो खे अज्ञाँ दिऐ के ऊक भाँती शिक्क्षा ने दिऐ,

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:1

ईन्देंखे “हे मेरा बैटा”, तू तेसी कृपा शा जू मसीया यीशू दा असो, तिन्दा बल़वाँन हऐ ज़ा,

1 पतरस 1:15

परह् जेष्णाँ तुवाँरा बईद्णों वाल़ा पबित्र असो, तेष्णें ही तुँऐं भे आप्णे बादे चाल-चल़्ण दे पबित्र बणों।

2 पतरस 1:3

आप्णें जीवन खे, अरह् पंण्मिश्वर की सेवा खे, जुण्जो किऐ आँमों चैईं थियो, सेजो आप्णी दिब्य शक्त्ति शो तिन्ऐं आँमों खे सब-कुछ देऐ थो; किन्देंखे के आँमें तिनू जाँणों ऐ, जिन्ऐं आप्णी धार्मिक्त्ता अरह् बड़ियाऐ के जाँणें आँमों बय्दी थुऐ।

प्रकाशितवाक्य 22:21

प्रभू यीशू के कृपा तुओं सोभी गाशी बंणीं अंदी रंऐ चैंई।