गलातियौं 1:4 - Sirmouri

⁴ तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

सिरमौरी नौवाँ नियम

⁴ अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

गलातियौं 1:4 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 26:28

किन्देखे के ऐजो बाय्दे को मेरो लंह्ऊँ असो, जुण्जो भहीते के पाप की माँफी खे बुवाऐ ज़ाँदो।

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

मत्ती 6:9

“तुँऐं प्रार्थना ऐशी दाँई करह्: ‘हे अमाँरें पिता’ तू जू स्वर्गो दा असो; तेरा नाँव पबित्र माँना ज़ाँव।

मरकुस 10:45

किन्देंखे के आदमी का बैटा ईन्देखे ने आऐ रंई, के तेस्की के सेवा कर्ली, परह् से ईन्देंखे आया के जीवन दी आपु ओकी की सेवा भगत्त करला, अरह् भहीते लोगो पाप शे छुड़णों खे आप्णी जीन-पराँण बल़ीदाँण करह्।”

लूका 22:19

तबे प्रभू यीशू ऐ रूटी करी, अरह्, धन्यबाद के प्रार्थना करियों तियों च़ुड़ी; अरह् ऐजो आप्णें चैले खे बुलो, “ऐजी मेरी देह्-शरीर असो; जुण्जी तुओं खे देऐ लऐ, अरह् मुँह च़ींत्तणों खे तुऐ ऐष्णों ही करिया करह्।”

लूका 22:42

“हे बाबा! जे तुऐं चहाँव तअ ऐजा दुं:ख्ह का बैलुवा मुँह कैई शा दुरका करी सको; तबे भे मेरी ने परह् तुवाँरी हिछ़्या पुरी हऐ चेंई।”

यूहन्ना 10:11

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

यूहन्ना 12:31

ऐबे ईयों संईसारी के नियाँव का बख्त्त आऐ गुवा; अरह् ऐबे ईयों संईसारी का हाकम आगु गाड़्दा;

यूहन्ना 5:30

“हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

रोमियों 4:25

तिनू अमाँरे अपराध की ताँईऐं थंम्ब्ड़ाऐ गुऐ, अरह् आँमों पंणमिश्वर की नंजरी दे बै-कसूर बंणाँणों की ताँईऐं ऊबे जीयाल़े भे गुऐ।

रोमियों 8:27

अरह् पंणमिश्वर जू अमाँरे मंन का पर्खणों वाल़ा असो; से जाँणोंऐं, के पबित्र-आत्त्मा का बुलो? किन्देंखे के पबित्र-आत्त्मा पंणमिश्वर के हिछ़ा के मुँताबिक संत्त-तीतुस लोगो की ताईऐं अरज-बिनती करह्।

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

1 कुरिन्थियों 15:3

ईन्देंखे मुँऐं आगे तुँओं कैई शी सेजी ही बात शुणाँऐ, जुण्जी आगे मुँह कैई शी शुणाँऐ गई; के पबित्र-ग्रन्थों के बचन के मुँताबिक मसीया अमाँरे पापो की ताँईऐं मारे गुऐ;

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

इफिसियों 5:16

सदा बख्तो का मोका किम्त्ती जाँणों, किन्देंखे के ऐजे देसो बुरे असो।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

इफिसियों 6:12

किन्देंखे के अमाँरा ऐजा मल़-ज़ूध, आदमी आरी ने; परह् हाकमों शा, अरह् अधिकारियों शा, अरह् ईयों संईसारी की अंधेर कर्णो वाल़े, अरह् अस्माँनों की दुष्ट-आत्त्माँओं आरी असो;

फिलिप्पियों 4:20

अमाँरे परंम-पिता पंण्मिश्वर की बड़ियाऐ ज़ूगौ-ज़ूगौ दी हंदी रंह्। आमीन।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 3:11

ऐबे अमाँरा पंण्मिश्वर अरह् पिता आपु ही अमाँरा प्रभू यीशू आपु ही तुँओं कैई आँणों खे आँमों कैई शी बाट् देखाँव;

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

1 तीमुथियुस 2:6

जिन्ऐं आपु आप्खे सोभी की ताँईऐं छुट्कारा दियाणों खे आप्णाँ ही बंल़ीदाँण करी दिता, जू पंण्मिश्वर के गुवाह्-शाज़्त्त ठीक बख्तो दे देऐ ज़ाव।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 2:5

तिन्ऐ तियों आँणों वाल़ी संईसारी के जिन्दे के चर्चा आँमें करी लऐ, तियों स्वर्गदूत्तों के अधीन दे ने करी।

इब्रानियों 6:5

अरह् पंण्मिश्वर के शुद्ध बचन का अरह् आँणों वाल़े ज़ूगौ की शक्त्ति का सुवाद चाखी पाँव,

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

1 यूहन्ना 3:16

पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;

प्रकाशितवाक्य 7:9

ईन्दें पाछी मुँऐं झ़ेठ पाऐ, अरह् देखो, के मेरे सहाँम्णें ऐक बैशुमाँर बड़ी लोगो की भीड़ जल़सा खह्ड़ा हुआ, जिन्दें की गिनती कुँऐ ने करी पाँव थिया। ऐसी जल़्से भीड़ मुँझी हर ऐक जात्ती मुँझ शे अरह् हर कुँल़-गड़ी अरह् हर भाषा के लोग थिऐ। से तेसी सिंगाँस्ण के सहाँम्णें तेसी छ़ैल़्टे कैई खह्ड़े हुऐ, चिट्टे खोट्णों बाँम्बियों आप्णें हाथों दी खंजूर की डाल़ी लऐयों आऐ,