इफिसियों 6:9 - Sirmouri

⁹ हे माँलिको, तुँऐं भे घूर्की देणी छुड़ी दियों; अरह् आप्णें दास आरी आच्छ़ा बर्ताव करह्; किन्देंखे के तुँऐं जाँणों ऐं, के तिनका अरह् तुँवारा दुई का ऐक ही माँलिक असो; जुण्जा के स्वर्गो दा असो, अरह् से कोसी का किऐ भे पक्ष-पात ने करदा।

सिरमौरी नौवाँ नियम

⁹ ऐशैखैई ओए रै मालिक, तुऐं बै तिनु धमकियां नी दैंव पौरौ आपणै दास कै प्रति आछै बौणौ। जिथुकै तुऐं जाणौए, कै तिनका औरौ तोंवारा दुईनै का मालिक स्वर्ग दा औसौ, औरौ सै कोसी का पक्ष ना कौरौ।

इफिसियों 6:9 ပူးပေါင်းရင်းမြစ်များ

मत्ती 22:10

तबे: तिनू दास-बैठू ऐ शड़की बाटो दे ज़ाऐयों, आछे-माड़े भले-बूरे जै-तोड़े लोग भेंटे सेजे बादे कठे करे, अरह् जाज्ड़े-बियावं को घर पाऊँणे लई भरी गुओं।”

मत्ती 22:8

तबे राजा ऐ आप्णें दास-बैठू खे अज्ञाँ दिती, ‘बियाह-जाज्ड़े का खाँणा ज़ागं तअ तियार असो, परह् बईदे अंदे लोग ऐसी ज़ांग खाँणों ज़ुगे ने आथी।

मत्ती 24:48

परह् जे सेजा मुरूख दास आप्णें सासो दा सोह्च़दा लागो, के मेरे मालिक के आँणों दे हेबी देर असो,

मत्ती 24:51

तबे सेजा माँलिक तेस्खे बैजाऐ भहिती डाँट-झाड़ देला, अरह् तेस्की बराबरी पाखंसियों आरी करला; तेथै रूणा-धुणा अरह् दाँद च़ाक्णा हले।”

मत्ती 7:12

ईन्देंखे जुण्जो किऐ तुँऐं चहाँव के आदमी तुँवारी गईलो करह्, तअ तुँऐं भे तिनकी गईलो तेष्णों ही करह्; किन्देखे के ऋषी-मूसा खे भेटे गुऐं अज्ञाँ-निय्म, अरह् पंणमिश्वर की बरंम्बाणीं कर्णो वाल़े के भी ऐजी ही शिक्क्षा असो।

लूका 6:31

अरह् ओकी कैई शा जैष्णा तू बरताव आपु खे चाँऐं, तैसी आरी तू तैष्णा ही बरताव करे।

यूहन्ना 13:13

तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

रोमियों 2:11

किन्देंखे के पंणमिश्वर कोसी आरी भेद्-भाव ने करदा।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 7:22

किन्देंखे के जे कोसी दास-बैटू की दषा दा प्रभू ऐ बय्दी थुवा, तअ से प्रभू का अजाद करा अंदा असो। अरह् जेसी अजादी की दषा दा बऐदी थुवा, से मसीया का दास असो।

कुलुस्सियों 3:25

किन्देंखे के जू बुरो करह्, से बुराई का फल़ पादा, तेथै कोसी का पक्क्षपात्त ने हंदी।

कुलुस्सियों 4:1

हे माँलिकों, आप्णे-आप्णे दास की गईलो नियाँव अरह् ठीक-ठीक बर्ताव करह्; ऐजो सम्झियों के स्वर्ग दा तुँवाँरा भी ऐक माँलिक असो।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 2:8

जे तुँऐं पबित्र-ग्रन्थों के मुँताबिक प्रभू यीशू के बचन के हिसाब शा ठीक पाल़ण करह्, जेष्णो के लिखों अंदो असो, के “तुँऐं आप्णे पड़ोसी शो आप्णें जेष्णों पियार करह्” जे तुँऐं सती तेसी निय्म पुरा करह्, तअ तुँऐं आछो करह्।

याकूब 5:4

दे:खो, तुवाँरें खेच़ौ दे जिनू धियाढ़ूवाऐं काँम-काज़ करी थऐ, तुँऐं तिनकी धियाड़ी धुखे देऐयों तिन्खे देऐ ने थई, परह् तिन्की सेजी मेंह्नत लेल्याऐ-लेल्याऐयों, तिन्दें के गुवाऐ-शाज़त देऐ लऐ, के जीनू धियाड़ूवाऐं, तुवाँरे खेच़ौ के शाख सलाऐ थी, तिन्की सेजी लेर-पुकार सर्वशक्त्तिमाँन प्रभू के काँनों दी पढ़ी रंऐ।