इफिसियों 6:20 - Sirmouri

²⁰ जिन्देकी ताँईऐं हाँव शाँगल़ी दा हिड़कऐयों अंदा राजदूत्त असो; अरह् ऐजो भे के मुँह तिनके बारे दो जेष्णों बुल्णों पड़ो, हाँव तेष्णों ही दिड़्-हिम्मत्त करियों बुली सकू।

सिरमौरी नौवाँ नियम

²⁰ इथकारिए हांव जंजीरो दा जोकड़ेयौंदा ऐक राजदूत कै जैशणा सेवा कौरु। प्रार्थना कौरौ कै, जैशैकै मुखै बौलणौ चैंई, तैशैखैई निडरता कै साथै सुसमाचार का प्रचार कौरे सौकु।

इफिसियों 6:20 ပူးပေါင်းရင်းမြစ်များ

प्रेरितो कै काम 21:33

तबे पल़ट्ण के सेरदारे नंजीक आऐयों संत्त-पौलुस बाँनी दिता, अरह् तेसी दू बैड़ी लंई बाँनणों के अज्ञाँ दिती; तबे तेने तिन कैई शो पूछ़ो, के ऐजा कुँण असो, अरह् ऐने का करी थुओं?

प्रेरितो कै काम 26:29

संत्त-पौलुस ऐ जबाब दिता, “थोड़े दा हों भाँव भहित्तें दा हों; मेरी पंण्मिश्वर शी ऐजी ही प्रार्थना असो! के सिर्फ तू ही ने, परह् जै-तोड़े लोगे ऐं ऐत्त्लो मेरी बातो शुँणीं थंई; ऐ बादे झ़ुणे मुँह ही ज़ैष्णें हऐ ज़ाँव; परह् सिर्फ ईनू बैड़ी-शाँगल़ी दे मुँह जैष्णें ने हुऐ च़ैई।”

प्रेरितो कै काम 28:20

ईन्देंखे मुँऐ तुँओं बय्दी थुऐ, के तुँओं कैई शा भेंटियों बात चींत्त करू, किन्देंखे के इस्राएल के भुर्षें के कारण ही मुँह ईयों शाँगल़ी दा बाँनी थुवा।”

प्रेरितो कै काम 28:31

संत्त-पौलुस नींडर हंऐयों, अरह् दींन-गरीब रूप शे पंण्मिश्वर के राज्य की खुषख्बरी शुँणाँव थिऐ; अरह् प्रभू यीशू मसीया के बारे दी शिक्क्षा देंदे रंह थिऐ।

प्रेरितो कै काम 5:29

तबे ईन्दें गाशी संत्त-पतरस अरह् ओकी खास-चैले ऐं ऐजा जबाब दिता, “आँमें तअ आदमी की अज्ञाँ शी जादा पंण्मिश्वर की अज्ञाँ का पालण करणा ही आप्णाँ फर्ज जाँणों।

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 6:19

अरह् मुँखे भे! के मेरे बुल्दी बई ऐशा असरदार बचन देईला, के हाँव हिम्मत्त आरी खुषख्बरी का भेद् बुली सकू;

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

कुलुस्सियों 4:3

अरह् ईन्दें आरी आँमों खे भे प्रार्थना कर्दे रंह्, के पंण्मिश्वर आँमों खे बचन शुँणाँणों खे ऐशो दुवार खुली दियों, के आँमें मसीया का तेसी भेद् का बखाँण करी सको जिन्दे के जाँणें हाँव कय्दी दा असो;

कुलुस्सियों 4:4

प्रार्थना करे के हाँव तिनू तैष्णें पर्गट करू जैष्णें मुँह ठीक-ढंग शे कर्णे पड़ो।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

2 तीमुथियुस 1:16

भाई-उनेसिफुरूस के घराने गाशी प्रभू दया-रंय्म करह्, किन्देंखे के तेने कई बई मेरे जीयों दी शैल़ाऐ पाड़ी थऐ, किन्देंखे के से मुँह्दा तबे भे सरमाई ने जबे हाँव कय्दी दा थिया।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

फिलेमोन 1:10

हाँव आप्णे धर्म का बैटा उनेसिमुस की ताँईऐं, जू मुँह कय्दी दा भेटा, अरह् मेरे जाँणें बिश्वाष दा मेरा गोद लुवा बैटा बंणा, हाँव तुँओं शी ढाल-अरज करू।

फिलेमोन 1:9

तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

1 यूहन्ना 3:16

पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।