इफिसियों 6:19 - Sirmouri

¹⁹ अरह् मुँखे भे! के मेरे बुल्दी बई ऐशा असरदार बचन देईला, के हाँव हिम्मत्त आरी खुषख्बरी का भेद् बुली सकू;

सिरमौरी नौवाँ नियम

¹⁹ औरौ तुऐं मुं कारिए बै प्रार्थना कौरौ, ताकि बौलदै बैई मुखै शब्द दियै जांव औरौ हांव निडर हौयौ तैसी सुसमाचार का भैद बौताए सौकु।

इफिसियों 6:19 ပူးပေါင်းရင်းမြစ်များ

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 14:3

संत्त-पौलुस अरह् बरनबास बैजाऐ देसो तोड़ी तेथै रूऐ, अरह् प्रभू गाशी भोर्षा करियों, नींडर हऐयों प्रचार कर्दे रूऐ; अरह् प्रभू ऐं भे तिनके हाथै बैजाऐ चींह्न-चंम्त्तकार देखाऐयों आप्णीं कृपा की खुषख्बरी का नंतिजा देखाया।

प्रेरितो कै काम 18:26

से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 2:4

सेजे बादे लोग पबित्र-आत्त्मा शे भरे गुऐ, अरह् पबित्र-आत्त्मा के जाँणें बुल्णों के शक्त्ति शे से अपरियाँण भाषा का बरदाँन लई साँत्त-भाँत्ती भाषा बुल्दे लागे।

प्रेरितो कै काम 28:31

संत्त-पौलुस नींडर हंऐयों, अरह् दींन-गरीब रूप शे पंण्मिश्वर के राज्य की खुषख्बरी शुँणाँव थिऐ; अरह् प्रभू यीशू मसीया के बारे दी शिक्क्षा देंदे रंह थिऐ।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

प्रेरितो कै काम 4:29

प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव।

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

प्रेरितो कै काम 9:27

परह् बरनबास ऐ शाऊल आप्णी गईलो खास-चैले कैई नींया, अरह् तेने खास-चैले खे बुलो, के ऐसी बाटो पुडा कैशा दाँई प्रभू का दर्शण भेंटा; अरह् केशी दाँई प्रभू ऐं ऐसी आरी बात-चींत्त करी; बरनबास ऐ तिन कैई ऐजों भे बुलो, के कैशा दाँई ऐने दमिश्क नंगर दा नीडर हंऐयों प्रभू यीशू के नाँव का प्रचार करा।

प्रेरितो कै काम 9:29

से बैधड़क हऐयों यूनानी भाषा के यहूदियों शी बात-चींत्त अरह् भंऐस करह् थिया, परह् सेजे लोग तेसी माँरी देणाँ चहाँव थिऐ।

रोमियों 15:30

हे भाऐ बंईणों, अमाँरे प्रभू यीशू मसीया के अरह् पबित्र-आत्त्मा को पियार चित्ते कराऐयों हाँव तुँओं खे ढाल-अरज करू के मेरी ताँईऐं पंणमिश्वर शी प्रार्थना कर्णो खे मेरी गईलो मीलियों मंगन रूऐ

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

1 कुरिन्थियों 1:5

के तिन्दें संमाऐयों तुँऐं हर बातों दे मतल्व बादे बचन दे अरह् साँत्त-भाँत्ते ज्ञाँन दे धनवाँन बंणाऐं गुऐ

1 कुरिन्थियों 2:7

परह् आँमें पंणमिश्वर का गुप्त ज्ञाँन, भेद् की रित्ती शा ने बुल्दे, जेसी पंणमिश्वर ज़ुगौ शी अमाँरी बड़ियाऐ की ताँईऐं बंणाऐं थुवा।

1 कुरिन्थियों 4:1

आदमी आँमों मसीया के दास अरह् पंणमिश्वर के भेद् के भडारी जाँणों।

2 कुरिन्थियों 1:11

तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,

2 कुरिन्थियों 6:11

हे कुरिन्थियों, आँमें खुलियों तुँओं आरी बातो करी, अमाँरा मंन तुँओं खे खुला अंदा असो।

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

2 कुरिन्थियों 8:7

ईन्देंखे जैष्णें तुँऐं बादी बातो दे मतल्व बिश्वाष, बचन, ज्ञाँन, अरह् ओकी कोशिष दे, अरह् तेसी पियार दे जू आँमों आरी करह्, तैष्णें ही तुऐं मंद्दत कर्णो वाल़े दाँण देणों के काँम-काज़ दे भे बड़दें ज़ाव।

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

इफिसियों 3:9

के हाँव सोभी लोगो कैई ऐजी गुप्त राज की बात पर्गट सपष्ट करू, जू बादी संईसारी के रंचणों वाल़े असो, तिन्ऐ सेजी बात हेबी तोड़ी चुप्पी थऐ थई थी;

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

कुलुस्सियों 4:3

अरह् ईन्दें आरी आँमों खे भे प्रार्थना कर्दे रंह्, के पंण्मिश्वर आँमों खे बचन शुँणाँणों खे ऐशो दुवार खुली दियों, के आँमें मसीया का तेसी भेद् का बखाँण करी सको जिन्दे के जाँणें हाँव कय्दी दा असो;

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

1 थिस्सलुनीकियों 5:25

हे भाऐ-बंईणों, आँमों खे प्रार्थना करह्।

2 थिस्सलुनीकियों 3:1

आखरी दी, हे भाऐ-बंईणों, आँमों खे प्रार्थना करिया करह्, के प्रभू का बचन ऐशा झट् फईलो, अरह् बड़ियाऐ पाँव, जेष्णाँ तुँओं मुँझी फईला,

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

फिलेमोन 1:22

अरह् ऐक बात हजो, के मुँखे रंहणों खे जागा तियार थो। मुँह भूर्षा असो, के तुँवारी प्रार्थना के जाँणें मुँह सुवाँ करियों तुँओं कैई देऐ देईदा।

इब्रानियों 13:18

आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।