इफिसियों 6:10 - Sirmouri

¹⁰ आखरी दो हाँव तुँओं खे ऐजो बुल्णों चहाँऊ; के प्रभू दे पाक्के हऐयों, प्रभू की पुरी शक्त्ति आरी आपु आपु खे शक्त्तिशाली बणाँओं।

सिरमौरी नौवाँ नियम

¹⁰ आखिर दै प्रभु कै शौकतीशाली आत्मिक शौकतै शै मोजबूत बौणौ।

इफिसियों 6:10 ပူးပေါင်းရင်းမြစ်များ

1 कुरिन्थियों 16:13

बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

इफिसियों 1:19

अरह् तिनकी शक्त्ति जू आँमों खे देऐ थई, तिन्दे के बरा-बरी तुल्णा किनदी आरी ने हंदी; अरह् से बैजाऐ बड़ी असो, सेजी शक्त्ति आप्णी बड़ी असरदार लई कैत्री महाँन असो।

इफिसियों 3:16

के से आप्णी बड़ियाऐ के धन के मुँताबिक तुँओं खे ऐजो दाँण दियों; के तुँऐं तिनके पबित्र-आत्त्मा शे आप्णें भत्ले आछे बिचार दे शक्त्ति पाँऐयों तागतबर बंणदे ज़ाँव,

फिलिप्पियों 3:1

ईन्देंखे हे मेरे भाऐ बंईणों, प्रभू दे आँन्दित्त-खुशी रंह्; सेजी ही बातो तुँओं खे बार-बार लिख्णों खे, मुँह किऐ भे कष्ट ने हंदी; अरह् ईन्दी तुँवारी भलाऐ असो,

फिलिप्पियों 4:13

जू मुँखे तागत दियों, तिन्दे खे हाँव सब-कुछ करी सकू।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

कुलुस्सियों 1:11

तिनके बड़ियाऐं के शक्त्ति के मुँताबिक शे हर तेरह् की तागत शे बलवाँन हंदे ज़ाव, ऐथै तोड़ी के खुशी आरी हर तरेह् शे सबैर, अरह् संह्ऐनशील्ता देखाऐं सको।

2 तीमुथियुस 2:1

ईन्देंखे “हे मेरा बैटा”, तू तेसी कृपा शा जू मसीया यीशू दा असो, तिन्दा बल़वाँन हऐ ज़ा,

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।

1 पतरस 3:8

तअ: बादे के बादे ऐक मंन अरह् दया-बंत भाईचारे को पियार थणों वाल़े, कृपा, अरह् दीन-नीम्ताई वाल़ा बणों।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 यूहन्ना 2:14

प्रभू दे नुऐं पय्दा हुऐं नहाँन्ड़िया, हाँव तुँओं खें ईन्देंखे लिखू, के तुँऐं पिता जाँणों ऐ, अरह् तुँऐं जुण्जे देह्-धारी पिता असो, तुँओं खे ईन्देंखे लिखू, के तुँऐं तिनू जाँणों ऐ, जुण्जे जूगौ शे आदि शे असो, तुँऐं जुण्जे जुवाँन असो, तुँओं खे ईन्देंखे लिखू, के तुँऐं तागतबर असो, पंण्मिश्वर के बचन तुँओं दा आप्णा बास करह्, जिन्दें लई तुँऐं शैतान हराऐ दिता।