इफिसियों 5:23 - Sirmouri

²³ किन्देंखे के घरवाल़ा घरवाल़ी को मूँड असो, जैष्णें के मसीया कलीसिया को मूँड असो; अरह् कलीसिया तिनकी देह्-शरीर असो, अरह् आपु ही देह्-शरीर का मुँक्त्ति देणों वाल़े असो।

सिरमौरी नौवाँ नियम

²³ जिथुकै घोरवाल़ा तौ घोरवाल़ी को मुंड औसौ; औरौ मसीह कलीसिया का उध्दार कौरणौवाल़ा औरौ मुंड औसौ, औरौ कलीसिया तैसका आपणा शोरीर औसौ।

इफिसियों 5:23 ပူးပေါင်းရင်းမြစ်များ

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

1 कुरिन्थियों 6:13

भोजन पेटो खे, अरह् पेट भोजन खे असो, परह् पंणमिश्वर ऐसी अरह् तेसी दुईनें नष्ट करदा। परह् अमाँरी देह्-शरीर बैष्या गंम्मी बिचका-काम कर्णो खे ने आथी; परह् प्रभू खे असो, अरह् प्रभू देह्-शरीर खे असो।

इफिसियों 4:15

आँमें बादी संच्चाँई के संम्झ़ करह्, अरह् मसीया दी साँत्त-भाँत्ती बंड़ोत्री करह्, किन्देंखे के मसीया ही कलीसिया को शीश-मुँढ असो।

इफिसियों 5:24

परह् जेष्णी कलीसिया मसीया के बंष दी असो, तैष्णी ही घरवाल़ी भे ऐकी नाँमों बातो दी आप्णे-आप्णे घरवाल़े की बंष दी रंह्।

कुलुस्सियों 1:18

से ही देह्-शरीर मतल्व कलीसिया को मुँड असो, से ही आदी असो, अरह् मँरे अँदे मुझ्शे आगले ऊँबे जीऊँणों वाल़े भे असो; ईन्देंखे से बादी बातो दे सोभी शे आगले असो।

1 थिस्सलुनीकियों 1:10

अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

प्रकाशितवाक्य 19:7

आओ; आँमें आँनन्द-खुशी मनाँव, अरह् मंगन हऐ ज़ाँव, अरह् तिनकी बड़ियाऐं करह्, किन्देंखे के छ़ैल़्टे के जाज्ड़े-बियाव को तैयारह् का बख्त आऐ गुवा; अरह् तिनकी दुलिह्न आपु खे सजी-धजी रंऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;