इफिसियों 5:18 - Sirmouri

¹⁸ अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव,

सिरमौरी नौवाँ नियम

¹⁸ औरौ सूर पैयौ माचैयौ नै, जिथुकै ऐजौ लोगौ कै शर्मनाक औरौ बेकाबू तरीकै शै बर्ताव कौरणौ कै बौजैह बौणौ, पौरौ पवित्र आत्मा कै तुऔं आपणी शौकतै शै भौरणौ दौ।

इफिसियों 5:18 ပူးပေါင်းရင်းမြစ်များ

मत्ती 23:25

“फींट्कारा असो! कऊँट्ल़ी पाखंडी यहूदी-निय्म के शिखाणों वाल़े! अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं बैलुऐ अरह् मुँगाँल़ी तअ गाछ़ गाछ़ै माजों परह् भीत्रों शे से काल़े अरह् जुँठ्वाँणीं शे भरे अंदे हों।

मत्ती 24:49

अरह् से आप्णे साथी दास मारदा-पीट्दा लागो, अरह् पियाकड़-सूराई आरी खाँदा-पींदा लागो।

लूका 1:15

किन्देंखे के सेजा बालक प्रभू की नंजरी दा बड़ा माँना ज़ादा, से दाख्ह-अंगूरोह् का रंस अरह् सूर कंद्दी ने पींदी, परह् से माँ, की कुँखीं शा ही पबित्र-आत्त्मा शा भरा अंदा हंदा।

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

लूका 12:45

परह् जे सेजा दास सोच्दा लागो, के ‘मेरा माँलिक बिस्तोड़ा आँदा;’ अरह् से तिनू सेजे ऊके दास-दासियों माँरदा-पीट्दा, अरह् खाँदा-पींदा अरह् नाँशेबाजी करदा लागो।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

यूहन्ना 2:10

अरह् तेने तेस्खे बुलो, “बादे लोग आगे आछा अंगूरोह् का दाख्ह रंस दियों; परह् जबे बादे लोग पीईयों छकी ज़ाँव, तअ से दाँणिक हल़्का अंगूरोह् का दाख्ह रंस दियों, परह् तुँऐं तअ हेभी तोड़ी आछा अंगूरोह् का दाख्ह् रंस थऐ थुवा थिथा।”

प्रेरितो कै काम 11:24

किन्देंखे के बरनबास ऐक भला, अरह् पबित्र-आत्त्मा अरह् बिश्वाष दा भर-पुर थिया; ऐशे दाँई बैजाऐ भहित्ते लोग प्रभू दे आऐयों ऐक मंडली बंणें।

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

1 कुरिन्थियों 11:21

तेसी प्रभू भोज खाँन्दें जबे तुऐं कंट्ठे हों, तअ तुऐं तेसी भोज खाँन्दें च़ूटियों पड़ो; अरह् कुँऐं ओका ओकी ठल़्दा नें लाग्दा, परह् आप्णा-आप्णा खाँणा खाँव, अरह् तिन्दें का नंतिजा ऐजा हों, के कुँऐं छक्की ज़ाँव, अरह् कुँऐं भूखी रंह्; अरह् कुँऐं माँचियों मंतवाल़ा हऐ ज़ाँव।

1 कुरिन्थियों 5:11

परह् मेरा ऐजा बुल्णा असो, के जे कुँऐं भाऐ, चुर-जार, के लुभी, के मुर्त्तियों पुजणों वाल़ा, के गाल़ी, देणों वाल़े, के पियाक्ड़, के अनियाँऐं कर्णो वाल़ा हों, तअ तिनको साथ-हाथ ने करे; परह् ऐष्णें आदमी आरी खाणों खे भे खाऐ ने।

1 कुरिन्थियों 6:10

ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

1 थिस्सलुनीकियों 5:7

किन्देंखे के जुण्जे सूत्तो ऐ, से रात्ती खे ही सूत्तो, अरह् जू माँचियों ऐ, से भे रात्ती खे ही माँचिंयों।

तीतुस 1:6

जू बै-कसूर अरह् ऐकी ही घरवाल़ी का घरवाल़ा हों, जिनके नहाँन्ड़िया बिश्वाषी हले, अरह् तिनू मुझी लुचपंण अरह् निकारे काँम-काज़ का दोष-कसूर ने हों।