इफिसियों 5:15 - Sirmouri

¹⁵ ईदेखे सुओं करियों देखो, के तुँऐं केष्णी चाल-चालो, बैसम्झ के जैष्णें ने, परह् बुद्धी-माँन के सँमान चालो।

सिरमौरी नौवाँ नियम

¹⁵ इथकारिए ध्यान शै दैखौ, कै आपणै स्‍वभाव कै बारै मुंजी खास कौरेयौ चौकश रौंव; निर्बुध्दि कै जैशणै नी पौरौ बुध्दिमान कै जैशणै हांडो।

इफिसियों 5:15 ပူးပေါင်းရင်းမြစ်များ

मत्ती 10:16

“दे:खो, मुँऐं तुँओं भैड़ो जेई भेड़ियाँ मुँझी डियाल़ी लई, ईन्देंखे शंगाव जेष्णें चलाक अरह् कबुतर जेष्णें भोंल़े बंणों।

मत्ती 25:2

तिनू मुँझी पाँच मुरूख, अरह् पाँच सम्झदार थी।

मत्ती 27:24

जबे हाक्म पिलातुस ऐ दे:खो, के किऐ ने करिन्दो, परह् ईन्दें के बिरूध बैगेही हाला-घुला हंदा लागा, तअ तेने पाँणी करियों लोगो की भीड़ के साम्णें आप्णें हाथ धुऐं अरह् बुलो, “हाँव ऐसी धर्मी के लह्ऊँ शा बै-कसूर असो; तुँऐं ही जाँणों।”

मत्ती 27:4

अरह् बुलो, “मुँऐ बै-कसूर मार्णो खे थंम्ब्ड़ाऐयों पाप करी थुवा!” तिन्ऐ बुलो, “आँमें कैई? तू ही जाँण।”

मत्ती 8:4

प्रभू यीशू ऐ तेस्खे बुलो, “दे:ख, कोसी कैई ने बुले, परह् ज़ाऐयों, आपु-आप्खे याजक कैई शा दे:खाईऊँ, अरह् जुण्जा किऐ चड़ावा ऋषी-मूसा खे भेटे गुऐं अज्ञाँ-निय्म दा असो, जेसा तेसके हिसाब शा चढ़ाव, जू लोगो खे सेजी ऐक गुवाऐ-शाज़्त हों।”

लूका 24:25

तबे प्रभू यीशू ऐ बुलो, “ओ, ज़ोगरंह्! जुण्जो ऋषियों ऐं किऐ बुलो थियों, कियों तुऐं तिन्दें गाशी बिश्वाष कर्णो खे मंद्बुदी असो!

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 3:3

कियो तुँऐं ऐत्रे बै-अकल असो, के आत्त्मा की रित्ती गाशी शुरू करियों; अरह् आदमी के कर्मो के जाँणें खत्त्म कर्ले?

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

इफिसियों 5:33

परह् तुँओं मुँझ़ी भे ऐक नाँम आदमी आप्णी घरवाल़ी आरी, आपु जेष्णों प्यार करह्; अरह् घरवाल़ी भे आप्णे घरवाल़े का आदर-ईज्जत्त करह्।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

कुलुस्सियों 1:9

ईन्देंखे जेसी देसो शुभों आँमें ऐजो शुँणी थुओ, तेसी देसो शुँभे आँमें भे तुँओ खेे ऐजी प्रार्थना अरह् बिन्त्ती कर्णी ने छुड़्दे, के तुँऐं बादे आत्त्मिक ज्ञाँन अरह् सम्झ लई पंण्मिश्वर के हिछ़या के पछ़याँण दे डटे अंदे, अरह् भर-पुर हंऐ ज़ाव।

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

1 तीमुथियुस 6:9

परह् जू सेठ-धंनवाँन बण्णों चहाँव, से ऐष्णी ही परख अरह् फाँदे अरह् भहिते ब-कार अरह् नुकसाँन, लाल़्च के जाल़ौ दे फषो, जिन्दे लई आदमी बिगड़ी ज़ाँव; अरह् नाँष के संमुँन्द्रो दे डूब्बी ज़ाँव।

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

याकूब 3:13

तुँओं मुँझी ज्ञाँनी अरह् ठगड़ा सम्झदार कुँण असो? जुण्जा ऐशा हों के आप्णे आच्छ़े सभाव अरह् करंम के जाँणें ज्ञाँन पय्दा कर्णो वाल़ी नरमाँऐं आरी पर्गट हों।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।