इफिसियों 4:24 - Sirmouri

²⁴ अरह् नंऐं ईन्साँनियत धारण करह्, जू पंण्मिश्वर के मुँताबिक सच्चाई की धार्मिक्त्ता अरह् पबित्रता दे बँणाऐ थुऐ।

सिरमौरी नौवाँ नियम

²⁴ औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

इफिसियों 4:24 ပူးပေါင်းရင်းမြစ်များ

लूका 1:75

तिन के साम्णें पबित्रत्ता अरह् धार्मिक्त्ता शे जीवन भर निडर रंऐयों तिनकी सेवा कर्दे रंह्।

यूहन्ना 17:17

ईनू सच्चाई शे आप्णी ताँईऐ ज़ोई थुऐ, किन्देंखे के तुवाँरा बचन साच्चा असो।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

रोमियों 13:12

रात्त बैजाऐ बित्ती रंऐ, अरह् देस आँणों वाल़ो असो; ईन्देखे आँमें ईनाँरे की काँम-काज़ छुड़ियों, प्रकार ऊँजाल़े के शाँदर बाँनी दियों।

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

रोमियों 6:4

आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

रोमियों 7:6

परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

1 कुरिन्थियों 15:53

किन्देंखे के ऐजो जरूरी असो, के सेजी नाँष बाँन देह्-शरीर, अभिनाँषी देह्-शरीर धारण करह्, अरह् ऐजी मंर्णों वाल़ी देह्-शरीर अमर हंणों वाल़ी देह्-शरीर धारण करह्।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 4:16

ईन्देंखे आँमें हिम्मत ने च़ूड़्दे; ना तअ अमाँरा दे:खावे की ईन्साँनिय्त नष्ट हंदी ज़ाँदी, तबे ही अमाँरी अंन्त्तर-आत्त्मा हर देसे नंऐं हंदी ज़ाँव।

2 कुरिन्थियों 5:17

ईन्देंखे के जे कुँऐं मसीया दा असो, तअ से नऐ सृष्टि असो: पुराँणी बातो ज़ाँदी रंई; दे:खो, बादी बातो नंई हऐ गई।

गलातियौं 3:27

किन्देंखे के तुँऐं बादे झुणें, जिन्ऐं मसीया को नहाँण-नहाँऐं थुओं, तिन्ऐं मसीया धार्ण करी थुवा।

गलातियौं 6:15

किन्देंखे के ना खतना अरह् ना खतना के बिना किऐ आथी, परह् नंई सृष्टी सजी ही प्रभू यीशू के बात असो।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 2:15

प्रभू यीशू मसीया ऐ आप्णी मऊँत्ती के जाँणें बादे निय्म के बिधान रद् करी दिते, ईन्दीखे तिन्ऐं यहूदी अरह् गऐर यहूदियों का मेल कराऐयों तिनके बीचों के रंन्ज-खुन्द्क मिटाऐ दिती, अरह् तिनू दुई डूँग पंणमिश्वरो आरी ऐक ज़ुट करी दिते।

इफिसियों 6:11

पंण्मिश्वर के बादे हथियार धारण करह्, के तुँऐ दुष्ट-शैतान की चालाकी के पलाँण के संहाम्णें खह्ड़े रंऐ सको।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 1:8

परह् बैटे के बारे दो से ऐजो बुलो: “पंण्मिश्वर! तेरो सिंगास्ण ज़ूगौ-ज़ूगौ का असो, अरह् तुऐं आप्णें राज का अंधिकार नियाँव आरी कर्दे।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

1 पतरस 2:2

जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।