इफिसियों 4:22 - Sirmouri

²² के तुँऐं पाछले चाल-चल्ण के पुराँणी इंनसाँनिय्त खे जू भर्मांणों वाल़ी हिछ़या के मुँताबिक भ्रष्ट हंदी ज़ाँव; तियों बद्ल़ी दियों।

सिरमौरी नौवाँ नियम

²² तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

इफिसियों 4:22 ပူးပေါင်းရင်းမြစ်များ

रोमियों 6:6

आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

रोमियों 7:11

किन्देंखे के पाप ऐ मोंक्का दे:खियों अज्ञाँ के जाँणें मुँह बह्काया, अरह् तियों ही अज्ञाँ के जाँणें मुँह पंणमिश्वर की नंजरी शा दुरका भे करी दिता।

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

गलातियौं 1:13

यहूदी मत्त शा जू आगे मेरी चाल-ढाल थी, तिन्दे के बारे दो तुँऐं शुणी थो, के हाँव पंण्मिश्वर की कलीसिया बैजाऐ ही सताऊँ थिया, अरह् नाँष कर्णो की कोशिष करू थिया।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

इफिसियों 4:25

ईदेखे झूठो बुल्णों छुड़ियों ऐक नाँम आप्णें पड़ोसी आरी साच्चो बुलो, किन्देंखे के आँमें आपु मुझी ओका ओकी का अँग असो।

इफिसियों 4:31

साँत्त-भाँत्ती कड़वाट, कुरूध, घीप, अरह् कल़ेष अरह् निदिया अरह् बादे बईर भाव समेत तुँओं शे दुर्के हों।

कुलुस्सियों 2:11

मसीया दे करे गुऐ खतना के जाँणें, जबे तुवाँरे बादे पाप का सभाव ऊडा गाड़ा गुवा; तअ तुवाँरा ऐशा खतना करा गुवा, जुण्जा हाथों लंई ने करा ज़ाँदा।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

इब्रानियों 3:13

परह् जाँव तोड़ी सेजो देस, मंतल्व जिन्देंखे ऐत्त्लो को देस बुली; से अमाँरे सहाँम्णें रोज ओका ओकी संहम्झाँदे रंह्, के कोद्दी ऐशो ने हईयों के तुँओं मुँझ़्शा कुँऐं जंण पाप के छल़-कप्ट, दा आऐयों भट्की ने ज़ाँव।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

याकूब 1:26

जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

1 पतरस 1:18

किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

1 पतरस 4:3

किन्देंखे के अ-बिश्वाषी लोगो की जैई काँम-काज़ ने करे, अरह् चलाकी, की बुरी हिछा, मतवाल़ापंण, बुरो हस्णों-खेल्णों, पिय्कड़पंण, अरह् शंगाँव्णी मुर्त्तियों पूजा दा जेथै तोड़ी आँमें आगे बख्त गुवाऐ थुवा, सेजा भे बैजाऐ असो।

2 पतरस 2:13

अरह् ऐशा दाँई से आप्णें पापो की सजा भूगतले। तिनू देसो के दुपारे भोग-बिलास करणा आछा लागो, ऐजा ऐक कल़ंक असो, ऐष्णें लोग जबे तुँवारी गईलो खाँव-पीयों ऐ तअ से आपु अरे शा भोग-बिलास करह्,

2 पतरस 2:7

किन्देंखे के धर्मी लूत खे जू पापियों की चाल-चल्ण शा बैजाऐ दु:खी रंह् थिया, तैस्खे छ़ूट्कारा दिता।