इफिसियों 4:16 - Sirmouri

¹⁶ मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

सिरमौरी नौवाँ नियम

¹⁶ जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

इफिसियों 4:16 ပူးပေါင်းရင်းမြစ်များ

यूहन्ना 15:5

“हाँव दाख्ह अँगूरोह् की बाल असो: अरह् तुँऐं डाल़ी असो! जुण्जा कुँऐ मुँह्दा पाक्का बंणा अंदा रंह्, तअ हाँव तेस्दा बसा अंदा रंह्ऊ; अरह् हाँव तेस्दे बैजाऐ फ़ल देंऊँ, किन्देंखे के तुऐ मुँह शे ज़ोई रंह्ऐयों किऐ ने करी सक्दे।

रोमियों 12:4

किन्देंखे के जेष्णें अमाँरी देह्-शरीर दे कऐयों अंग असो, अरह् बादे अंगों की ऐक-भाँती टह्ल ने आथी;

1 कुरिन्थियों 10:17

ईन्देंखे के ऐक ही रूटी असो, तबे भे आँमें जू बैजाऐ भहीते असो, ऐक हे देह्-शरीर असो: किन्देंखे के आँमें बादे झुणे ऐकी ही रोटी दे हिस्सेदार असो।

1 कुरिन्थियों 13:13

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:15

आँमें बादी संच्चाँई के संम्झ़ करह्, अरह् मसीया दी साँत्त-भाँत्ती बंड़ोत्री करह्, किन्देंखे के मसीया ही कलीसिया को शीश-मुँढ असो।

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

कुलुस्सियों 2:19

ऐष्णाँ आदमी सेजो मुँढ पाक्कों ने थाँम्बड़ियों थंदा, जिन्दें लंई बादी देह्-शरीर जोड़ अरह् माँस आरी, साँस लंणों वाल़े अंग के जाँणें पाल़्ण-पौष्ण लंई सब कंट्ठै हंऐयों पंण्मिश्वर की तरफ़ शे बड़्दे ज़ाँव।

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

1 थिस्सलुनीकियों 3:12

अरह् प्रभू ऐशो करह् के जेष्णों आँमें तुँओं शो प्यार करह्, तेष्णों ही तुवाँरो प्यार भे आपु मुँझी बादे आदमी की गईलो बड़ो च़ेंई, अरह् बड़दो रूओ च़ेंई।

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।